Nehemia 1:7 - ŊMALƐ KRƆŊKRƆŊ LƐ

⁷ Wɔfee efɔŋ ni naa wa naakpa wɔshi bo, ejaakɛ wɔyeko kitãi kɛ akpɔi kɛ mlai ni owo kɛtsɔ̃ otsulɔ Mose nɔ lɛ anɔ.’

Ṅmãle̱ Kroṅkroṅ Le̱

⁷ Wo̱fe efõṅ wo̱šio naakpa, edšake̱ wo̱yeko kitãi ke̱ akpo̱i ke̱ mlai ni owo otšũlo̱ Mose le̱ ano̱.

Nehemia 1:7 Iomraidhean Croise

1 Maŋtsɛmɛi 2:3

Ye Yehowa, oNyɔŋmɔ lɛ, tsɔ̃ɔmɔi lɛ anɔ, ni oba ojeŋ ni oye ekpɔi lɛ kɛ ekitãi lɛ kɛ emlai kɛ edasei lɛ anɔ, taakɛ bɔ ni aŋmã yɛ Mose mla lɛ mli lɛ, koni nɔ fɛɛ nɔ ni ofeɔ kɛ he fɛɛ he ni oyaa lɛ oye omanye.

2 Kronika 25:4

Shi moŋ egbeee amɛbii koni ekɛye kitã ni Yehowa ewo yɛ Mose Mla Wolo lɛ mli lɛ nɔ. No ji akɛ, “Tsɛmɛi akagbo amɛbii atɔ̃mɔi ahe gbele, ni bii hu akagbo amɛtsɛmɛi atɔ̃mɔi ahe gbele; shi moŋ mɔ fɛɛ mɔ lɛ egbo lɛ diɛŋtsɛ etɔ̃mɔ he gbele.”

2 Kronika 27:2

Yotam ba ejeŋ bɔ ni Yehowa taoɔ tamɔ bɔ ni etsɛ Uzia fee lɛ pɛpɛɛpɛ, fe akɛ lɛ lɛ ekaaa akɛ ekɛ ehe aaawo sɔ̃ɔmɔ ni asɔmɔɔ yɛ Yehowa Sɔlemɔtsu lɛ mli lɛ mli. Shi maŋbii lɛ tee nɔ amɛja jemawɔji komɛi.

Ezra 7:6

Ezra ni jɛ Babilon ba nɛɛ, eji mlatsɔɔlɔ, ni mla ni Yehowa, Israel Nyɔŋmɔ lɛ, wo kɛtsɔ̃ Mose nɔ lɛ, ele mli jogbaŋŋ diɛŋtsɛ. Yehowa, eNyɔŋmɔ lɛ, jɔɔmɔ yɛ enɔ; hewɔ lɛ nɔ fɛɛ nɔ ni etaoɔ lɛ maŋtsɛ lɛ hãa lɛ.

Lalai 106:6

Wɔ kɛ wɔtsɛmɛi fɛɛ lɛ, wɔfee esha; wɔfee efɔŋ, ni wɔye yiwalɛ sane.

Lalai 89:31

kɛji amɛbule mikpɔi lɛ, ni amɛyeee mikitãi lɛ anɔ lɛ,

Lalai 89:32

no lɛ mikɛ dade tete aaagwao amɛ, yɛ amɛtɔ̃mɔi ahewɔ; ni mikɛ kpelebi aaayi amɛ, yɛ amɛnishaianii lɛ ahewɔ.

Yesaia 1:4

Ao! Eshafeelɔi amaŋ, gbɔmɛi ni eyi tɔ kɛ eshafeemɔ, efɔŋfeelɔi ashwiei, gbɔmɛi nifitelɔi ni amɛkwa Yehowa, ni amɛgbe Israel Mɔ Krɔŋkrɔŋ lɛ he guɔ, ni amɛ kɛ lɛ teŋ etserɛ kwraa.

Daniel 9:11

Israel tso muu fɛɛ etɔ̃ omla lɛ, ni amɛyeee omla lɛ nɔ; no hewɔ lɛ, amɛgba afã. Enɛ ehã amɛloo musu ni aŋmã yɛ Mose, otsulɔ lɛ, Mla Wolo lɛ mli lɛ, ejaakɛ wɔfee esha wɔshi bo.

Daniel 9:13

Nɛkɛ efɔŋ nɛɛ eba wɔnɔ tamɔ bɔ ni aŋma yɛ Mose Mla lɛ mli lɛ. Kɛ̃lɛ wɔkpako bo Yehowa fai, ni wɔkpaleko kɛjeko wɔnifɔ̃ɔjianii lɛ ahe, ni wɔboko anɔkwale wiemɔ lɛ toi.

Hosea 9:9

Amɛbote eshafeemɔ mli vii tamɔ bɔ ni eba yɛ Gibea lɛ. No hewɔ lɛ, agbɛnɛ mibani eshai ni amɛfee lɛ ahe, ni mibawo amɛ nyɔmɔ.

3 Mose 27:34

Enɛɛmɛi ji kitãi ni Yehowa fã Mose yɛ Sinai Gɔŋ lɛ nɔ akɛ ewo Israelbii lɛ.

Zefania 3:7

Mikɛɛ akɛ, ‘Anɔkwa, eeeshe mi gbeyei, ni eeekpɛlɛ̃ mitsɔsemɔ lɛ, ni ekuŋ ehiɛ efɔŋ mimlai ni miwo lɛ lɛ eko eko nɔ.’ Shi fɛɛ sɛɛ lɛ babaoo moŋ ni amɛfee nibii gbohiigbohii ji no.”

Maleaki 4:4

“Nyɛkaia nibii ni mitsulɔ Mose etsɔ̃ɔ nyɛ lɛ, ni ji mlai kɛ akpɔi kɛ gbɛnaa nitsumɔi ni mikɛhã lɛ yɛ Horeb Gɔŋ lɛ nɔ akɛ ekɛbahã Israelbii koni amɛye nɔ lɛ.

5 Mose 4:1

Agbɛnɛ Mose kɛɛ Israelbii lɛ akɛ, “Nyɛyea akpɔi kɛ mlai ni mitsɔ̃ɔ nyɛ lɛ anɔ koni nyɛyi ana wala koni nyɛya nyɛyaŋɔ shikpɔŋ ni Yehowa, nyɛtsɛmɛi aNyɔŋmɔ lɛ, kɛhãa nyɛ lɛ.

5 Mose 4:5

“Naa, mitsɔ̃ɔ nyɛ akpɔi kɛ mlai lɛ bɔ ni Yehowa, miNyɔŋmɔ lɛ, fã akɛ mifee lɛ, koni nyɛye nɔ yɛ shikpɔŋ ni nyɛyaa nyɛyaŋɔ lɛ nɔ.

5 Mose 5:1

Mose tsɛ Israelbii lɛ fɛɛ kɛbakpe, ni ekɛɛ amɛ akɛ, “Israelbii, nyɛboa akpɔi kɛ mlai ni mibajaje mawo nyɛtoiiaŋ ŋmɛnɛ nɛɛ toi; nyɛkasea ni nyɛjwɛŋa nɔ jogbaŋŋ ni nyɛye nɔ.

5 Mose 6:1

“Agbɛnɛ kitãi lɛ kɛ akpɔi lɛ kɛ mlai lɛ ni Yehowa, nyɛNyɔŋmɔ lɛ, fã akɛ mitsɔ̃ɔ nyɛ lɛ nɛ, koni nyɛyaye nɔ yɛ shikpɔŋ ni nyɛyaa ni nyɛyaŋɔ lɛ nɔ.

Kpojiemɔ 19:2

Ejaakɛ anɔkwa kɛ jalɛ ji ekojomɔi lɛ, akɛni ekojo ajwamãŋ kpeteŋkple lɛ ni kɛ ejwamaŋbɔɔ lɛ efite shikpɔŋ lɛ ni etɔ etsuji lɛ ala lɛ he owele yɛ enɔ lɛ.”