Nehemia 1:6 - ŊMALƐ KRƆŊKRƆŊ LƐ

⁶ Kwɛmɔ, ni oka otoi ohã fai ni mi, otsulɔ, mikpaa bo nyɔɔŋ kɛ shwane mihãa otsuji Israelbii lɛ. Miijaje akɛ wɔ, Israelbii, wɔfee esha wɔshi bo; ni mi kɛ mitsɛwe lɛ fɛɛ yeɔ fɔ yɛ enɛ mli.

Ṅmãle̱ Kroṅkroṅ Le̱

⁶ Ka otoi, ni ohã ohīṅme̱ii hũ akãmo̱, koni oke̱-bo otšũlo̱ faikpamo̱ ni mi-kpaä ye̱ ohĩe ṅme̱ne̱ ſane ke̱ nyõṅ ye̱ Israelbii ni dši otšũdši le̱ ahewo̱ ni midšadšeo̱ Israelbii le̱ ahe ešai ní wo̱fe wo̱šio le̱ toi; ši mike̱ mitše̱ we le̱ efe eša!

Nehemia 1:6 Iomraidhean Croise

1 Maŋtsɛmɛi 8:30

Ni obo mi, otsulɔ, kɛ omaŋ Israel fai ni amɛaakpa bo yɛ biɛ lɛ toi, ni onu yɛ ŋwɛi ni ji oshihilɛhe lɛ, ni kɛji onu lɛ oŋɔ fa!

1 Maŋtsɛmɛi 8:47

ni amɛshwa amɛhe yɛ shikpɔŋ he ni amɛyɔɔ lɛ nɔ lɛ, ni amɛjaje amɛtɔ̃mɔi amɛtsɔ̃ɔ bo, ni amɛkpa bo fai lɛ, Nuŋtsɔ Nyɔŋmɔ, bo amɛsɔlemɔ lɛ toi.

2 Kronika 28:10

No sɛɛ hu lɛ, nyɛto yiŋ akɛ nyɛbaafee Yuda kɛ Yerusalɛm hii kɛ yei nyɛnyɔji. Aso nyɛ diɛŋtsɛ hu nyɛtɔ̃ko Yehowa, nyɛNyɔŋmɔ lɛ, nɔ nyɛtoko?

2 Kronika 29:6

Wɔtsɛmɛi lɛ eyayeee anɔkwa, ni amɛfeefee nibii ni ejaaa yɛ Yehowa, wɔNyɔŋmɔ lɛ, hiɛ. Amɛkwa lɛ, amɛkɔ amɛnane yɛ biɛ ni ji Yehowa We lɛ, ni amɛtsɔ̃ amɛsɛɛ amɛhã Yehowa.

2 Kronika 6:40

“Agbɛnɛ miNyɔŋmɔ, miikpa bo fai, naa wɔ mɔbɔ, ohiŋmɛi akã wɔhe, ni obo sɔlemɔ fɛɛ sɔlemɔ ni aaasɔle yɛ biɛ lɛ toi.

Ezra 10:1

Shi be mli ni Ezra sɔleɔ ekpaa fai ni ekɛ ehe tswiaa shi yɛ Nyɔŋmɔ We lɛ hiɛ, ni ejajeɔ eshai ni Israel efee lɛ, Israelbii lɛ ateŋ mɛi babaoo diɛŋtsɛ, hii kɛ yei kɛ gbekɛbii, babua amɛhe naa kɛbɔle lɛ. Amɛmiifo blobloblo.

Ezra 10:11

No hewɔ lɛ, nyɛjajea nyɛtsɔ̃a Yehowa, nyɛtsɛmɛi aNyɔŋmɔ lɛ; nyɛfea esuɔmɔnaanii, ni nyɛtsea nyɛhe yɛ shikpɔŋ lɛ nɔ bii lɛ kɛ maŋsɛɛ yei lɛ ahe.”

Nehemia 1:11

Oo Nuŋtsɔ, ka otoi ohã fai ni otsulɔ kpaa bo lɛ. Ka toi ohã fai ni otsuji ni sumɔɔ akɛ amɛshe bo gbeyei lɛ kpaa bo lɛ. Hã otsulɔ aye omanye ŋmɛnɛ gbi nɛɛ, ni hã maŋtsɛ lɛ ana mi mɔbɔ.” Nɛkɛ bei nɛɛ amli lɛ, maŋtsɛ lɛ dãawolɔ ji mi.

Lalai 102:17

Eeegboo etoi shi ehã shitswialɔi asɔlemɔ; ni enyaŋeŋ amɛfaikpamɔ lɛ.

Lalai 106:6

Wɔ kɛ wɔtsɛmɛi fɛɛ lɛ, wɔfee esha; wɔfee efɔŋ, ni wɔye yiwalɛ sane.

Lalai 130:2

Nuŋtsɔ, bo migbee toi; ka otoi ohã migbee ni mikɛkpaa bo fai lɛ.

Lalai 32:5

Mijaje mihe esha lɛ mitsɔ̃ɔ bo, ni minifɔɔjianii lɛ mitsimɔ̃ɔɔ nɔ. Mikɛɛ akɛ, “Majaje mitɔmɔi lɛ matsɔ̃ɔ Yehowa.” Kɛkɛ ni okɛ mihe esha kɛ tɔ̃mɔ lɛ fa mi.

Lalai 34:15

Yehowa hiŋmɛi kã jalɔi ahe, ni efeɔ toi ehãa amɛblɔmɔi.

Lalai 55:17

Leebi kɛ shwane kɛ gbɛkɛ fɛɛ lɛ, mikɛ miwerɛho lɛ aaaŋmɛ ehiɛ kɛ kɛ̃ɛmɔ, ni eeebo mi toi.

Lalai 88:1

Oo Yehowa, miyiwalaheremɔ Nyɔŋmɔ, nyɔɔŋ kɛ shwane fɛɛ lɛ, mibolɔɔ yɛ ohiɛ.

Yesaia 6:5

Kɛkɛ ni mikɛɛ akɛ, “Kpoo hã mi, shi milaaje! Ejaakɛ gbɔmɔ ni naabu he tseee ji mi; ni miyɛ maŋ ni emli bii awiemɔi ahe tseee ateŋ, ejaakɛ mihiŋmɛii ena maŋtsɛ ni ji Yehowa, Taiatsɛ lɛ!”

Yāfó 5:7

Wɔtsɛmɛi lɛ fee esha, ni amɛho amɛtee; ni wɔ moŋ amɛsɔ̃ ebatere wɔ.

Daniel 9:15

“Ao! Nuŋtsɔ, wɔNyɔŋmɔ ni okɛ nineshiwalɛ jie wɔ, omaŋ lɛ, kɛje Ijipt shikpɔŋ lɛ nɔ, ni okɛna gbɛi kɛbashi ŋmɛnɛ, wɔfee esha, ni wɔwa yi.

Daniel 9:20

Be ni misɔleɔ, ni mijajeɔ mihe eshai lɛ kɛ mimaŋbii, Israelbii lɛ, hu ahe eshai lɛ, ni mikpaa Yehowa, miNyɔŋmɔ lɛ, fai yɛ gɔŋ krɔŋkrɔŋ lɛ hewɔ lɛ,

Daniel 9:4

Mikpa Yehowa miNyɔŋmɔ lɛ fai, ni mijaje tɔ̃mɔi mikɛɛ, “Ao! Nuŋtsɔ, bo ji Nyɔŋmɔ kpeteŋkple ni he yɔɔ gbeyei ni yeɔ ekpãŋmɔ nɔ, mɔ ni suɔmɔ sɛɛ efooo hã mɛi ni sumɔɔ lɛ, ni amɛyeɔ ekitãi lɛ anɔ lɛ.

Daniel 9:5

“Wɔfee esha, ni wɔtɔ̃; wɔfee yitsoŋwalɛ nibii, ni wɔtse ohiɛ atua, ni wɔyeee okitãi kɛ omlai lɛ anɔ.

Daniel 9:8

Nuŋtsɔ, hiɛgbele nɛɛ sa wɔ, wɔ kɛ wɔmaŋtsɛmɛi lɛ kɛ wɔlumɛi lɛ kɛ wɔtsɛmɛi lɛ, ejaakɛ wɔfee esha wɔshi bo.

Luka 18:7

Ni kɛ Nyɔŋmɔ aaatsɛ aahu tete kɛ ehalamɔbii ni bolɔɔ tsɛɔ lɛ nyɔɔŋ kɛ shwane lɛ ayelikɛbuamɔ lɛ, aso ebafãŋ amɛhe?

Luka 2:37

ni agbɛnɛ okulafo ji lɛ, ni eye afii nyɔŋmai kpaanyɔ kɛ ejwɛ ni ejeee Sɔlemɔ we lɛ kwraa, ejaa Nyɔŋmɔ kɛ ŋmaahilɛ kɛ faikpamɔ nyɔɔŋ kɛ shwane.

Efesobii 2:3

Amɛteŋ wɔ fɛɛ hu wɔhi wɔba wɔjeŋ yɛ sa yɛ wɔheloo akɔnɔi lɛ amli, ni wɔtsu nii ni heloo kɛ jwɛŋmɔ sumɔɔ lɛ, ni wɔji bii ni Nyɔŋmɔ mlifu yɔɔ wɔnɔ yɛ wɔfɔmɔsu lɛ naa, tamɔ mɛi ni eshwɛ lɛ nɔŋŋ.

1 Timoteo 5:5

Shi mɔ ni ji yoo okulafo lɛɛlɛŋ ni eshwɛ ekome too lɛ, ekɛ ehiɛ fɔ̃ɔ Nyɔŋmɔ nɔ ni ehiɛɔ faikpamɔi kɛ sɔlemɔi amli nyɔɔŋ kɛ shwane.

2 Timoteo 1:3

Midaa Nyɔŋmɔ ni mijaa lɛ kɛ henilee krɔŋŋ tamɔ bɔ ni miniimɛi ja lɛ lɛ shi daa kɛ mikai bo yɛ mifaikpamɔi amli nyɔɔŋ kɛ shwane.

1 Yohane 1:9

Kɛji wɔjaje wɔhe eshai lɛ wɔtsɔ̃ɔ Nyɔŋmɔ lɛ, anɔkwafo kɛ jalɔ ji lɛ, ni ekɛ wɔhe eshai lɛ aaafa wɔ ni eeetsumɔ wɔhe kɛjɛ nii ni ejaaa gbɛ fɛɛ mli.

1 Samuel 15:11

“Mishwa mihe akɛ miwo Saul maŋtsɛ, ejaakɛ ekpale yɛ misɛɛ, ni eyeee mikitãi lɛ anɔ.” Sane lɛ fee Samuel mlifu, ni esɔle ekpa Yehowa fai nyɔɔŋnyɔɔŋ fɛɛ.