Nehemia 1:5 - ŊMALƐ KRƆŊKRƆŊ LƐ

⁵ ni mikɛɛ, ‘Oo Yehowa, Naa Nyɔŋmɔ ni yɔɔ ŋwɛi, ni oda ni ohe yɔɔ gbeyei! Okɛ osuɔmɔ ni tsakeee yeɔ kpãŋmɔ ni okɛ mɛi ni sumɔɔ bo, ni amɛyeɔ okitãi lɛ anɔ lɛ kpãŋɔ lɛ nɔ, ni okɛtsɔ̃ɔ akɛ anɔkwafo ji bo.

Ṅmãle̱ Kroṅkroṅ Le̱

⁵ ni mikē̱: Ō Iehowa, ṅwei Nyoṅmo̱ ní dši Mawu *kpeteṅkple ni he yo̱ gbeyei ni †too̱ kpãṅmo̱ ke̱ mo̱bo̱nale̱ ehãa mei ni sumoo̱le̱ ní ame̱yeo̱ ekitāi le̱ ano̱ le̱! *5,8. Dan. 9,4. †5 Mose 7,9.

Nehemia 1:5 Iomraidhean Croise

1 Maŋtsɛmɛi 8:23

ni ekɛɛ, “Yehowa, Israel Nyɔŋmɔ! Nyɔŋmɔ ko bɛ ŋwɛi yɛ yiteŋ gbɛ loo shikpɔŋ lɛ nɔ yɛ shishigbɛ ni tamɔ bo, ni otoɔ kpãŋmɔ kɛ mɔbɔnalɛ ohãa otsuji ni boɔ bo toi kɛ amɛtsui fɛɛ lɛ.

1 Kronika 17:21

Mɛɛ shikpɔŋ lɛ nɔ maŋ kɛ omaŋ Israel ye egbɔ akɛ maŋ ni Nyɔŋmɔ, oyakpɔ̃ yɛ nyɔŋyeli mli yɛ Ijipt ni ofee lɛ bo diɛŋtsɛ omaŋ koni okɛ nibii wuji ni yɔɔ gbeyei ni otsu ohã amɛ lɛ ahe gbɛi?

Ezra 1:2

“Bɔ ni Koresh, Persia maŋtsɛ lɛ, kɛɛ nɛ, ‘Yehowa ŋwɛi Nyɔŋmɔ lɛ etu shikpɔŋ lɛ nɔ maŋtsɛyelii fɛɛ ewo midɛŋ, ni efã mi akɛ miyama shĩa mihã lɛ yɛ Yerusalɛm yɛ Yuda shikpɔŋ lɛ nɔ.

Nehemia 2:4

Kɛkɛ ni maŋtsɛ lɛ bi mi akɛ, “Mɛni ji nɔ ni otaoɔ?” No hewɔ lɛ, misɔle mikpa ŋwɛi Nyɔŋmɔ lɛ fai,

Nehemia 4:14

Kɛkɛ ni mikwɛ bɔ ni nibii yɔɔ hãa, ni mikɛɛ maŋ lɛ mli abladei lɛ kɛ nɔyelɔi lɛ kɛ mɛi ni eshwɛ lɛ fɛɛ akɛ, “Nyɛkashea henyɛlɔi lɛ agbeyei; shi moŋ nyɛkaia Nuŋtsɔ kpeteŋkple ni he yɔɔ gbeyei lɛ, ni nyɛwua nyɛhãa nyɛnyɛmimɛi kɛ nyɛbihii kɛ nyɛbiyei kɛ nyɛŋamɛi kɛ nyɛshĩaiaŋ lɛ.”

Nehemia 4:8

Amɛ fɛɛ tswɛm amɛtee apam akɛ amɛmiiba ni amɛbatua Yerusalɛm ni amɛhã jɛi afee basabasa.

Nehemia 9:32

“WɔNyɔŋmɔ, oje agbo! Ohe wa, ohe yɛ gbeyei, ni onaa mɔbɔ; kɛji okɛ mɔ ko kpãŋ ni owo shi lɛ, oyeɔ nɔ. Kɛjɛ Asiria maŋtsɛmɛi lɛ ayinɔ kɛbashi ŋmɛnɛ lɛ, kaahã amanehulu ni ba wɔ kɛ wɔmaŋtsɛmɛi kɛ wɔnukpai kɛ wɔsɔfoi kɛ wɔgbalɔi kɛ wɔtsɛmɛi lɛ kɛ omaŋ lɛ fɛɛ nɔ lɛ, miifee sane bibioo yɛ ohiɛ.

Lalai 47:2

Ejaakɛ Yehowa, mɔ ni yɔɔ ŋwɛi flooflo lɛ, ehe yɛ gbeyei. Maŋtsɛ kpele ji lɛ yɛ shikpɔŋ lɛ nɔ fɛɛ.

Lalai 76:8

Ojɛ ŋwɛi tɔ̃ɔ obu atɛŋ; je lɛ she gbeyei ni efee diŋŋ,

Lalai 89:2

Ejaakɛ osuɔmɔ ni sɛɛ efooo lɛ yɛ kɛmiiya naanɔ, ni onɔkwayeli lɛ ma shi shiŋŋ tamɔ ŋwɛi.

Lalai 89:3

Okɛɛ akɛ, “Mikɛ mɔ ni mihala lɛ ekpãŋ. Mikã mitsulɔ David kitã akɛ,

Lalai 89:8

Oo Yehowa, Nyɔŋmɔ Taiatsɛ, Oo! Namɔ ji hewalɛtsɛ tamɔ bo, Yehowa? Onɔkwayeli ebɔle ohe kpula kɛkpe!

2 Mose 20:6

“Shi mɛi akpei abɔ fɛɛ ni sumɔɔ mi, ni amɛyeɔ mikitãi anɔ lɛ, misumɔɔ amɛ kɛ suɔmɔ ni tsakeee, ni minaa amɛ mɔbɔ.

5 Mose 7:12

“Kɛji nyɛbo nɛkɛ mlai nɛɛ toi, ni nyɛye nɔ lɛ, no lɛ Yehowa, nyɛNyɔŋmɔ lɛ, baaye kpãŋmɔ ni ekɛ nyɛ ekpãŋ lɛ nɔ, ni ebaasumɔ nyɛ kɛ suɔmɔ ni tsakeee tamɔ bɔ ni ewo nyɛtsɛmɛi lɛ shi eto lɛ.

5 Mose 7:21

Nyɛtsui akafãa yɛ amɛhewɔ, ejaakɛ Yehowa, nyɛNyɔŋmɔ lɛ, ni ji Nyɔŋmɔ kpeteŋkple ni he yɔɔ gbeyei lɛ, ji mɔ ni yɔɔ nyɛteŋ lɛ.

5 Mose 7:9

No hewɔ lɛ, nyɛnaa nyɛlea akɛ Yehowa, nyɛNyɔŋmɔ lɛ, lɛ ji Nyɔŋmɔ koome lɛ, Nyɔŋmɔ anɔkwafo, mɔ ni yeɔ shi ni ewo nɔ, asaŋ ni esuɔmɔ tsakeee yɛ mɛi ni esumɔɔ ni amɛyeɔ ekitãi anɔ kɛyashiɔ amɛshwiei ni ji akpe lɛ ayinɔ tɔ̃ɔ lɛ.