Nehemia 1:3 - ŊMALƐ KRƆŊKRƆŊ LƐ

³ Amɛto he akɛ, “Mɛi ni aŋɔ amɛ nom lɛ ateŋ mɛi ni hiɛ kã lolo ni yɔɔ shikpɔŋ lɛ nɔ lɛ miina amanehulu kpele, ni amɛhiɛ eshwie shi. Yerusalɛm gbogbo lɛ akumɔ ashwie shi, ni enaa agboi lɛ ashã.

Ṅmãle̱ Kroṅkroṅ Le̱

³ Ni ame̱kē̱mi ake̱: Nomi le̱ ateṅ mei ni eſe̱ ye̱ šikpoṅ le̱ no̱ le̱, ame̱ye̱ amanehũlũ kple ke̱ ahorabō̱ mli; Ierusalem *gbogbo le̱ akũmo̱ aſie ši; ni egbói le̱ ake̱ la ešã. *2 Kron. 36,19.

Nehemia 1:3 Iomraidhean Croise

1 Maŋtsɛmɛi 9:7

no lɛ makpãtã Israel hiɛ kɛje shikpɔŋ ni miŋɔ hã amɛ lɛ nɔ. Makwa nɛkɛ Sɔlemɔ we nɛɛ ni mifee lɛ krɔŋkrɔŋ mihã mihe akɛ jɛi aaaja mi yɛ lɛ. Mɛi aaaye Israel he fɛo, ni eeetsɔ̃ nyaŋemɔnɔ yɛ maji krokomɛi ateŋ.

2 Maŋtsɛmɛi 25:10

Ni Babilonbii lɛ ata lɛ fɛɛ ni fata asraafoiatsɛ lɛ he lɛ kumɔ Yerusalɛm gbogboi lɛ kɛkpe.

2 Kronika 36:19

Ema Sɔlemɔ we lɛ naa la ni eshã lɛ, ni ekumɔ Yerusalɛm he gbogbo lɛ eshwie shi. No sɛɛ lɛ, ema maŋ muu lɛ naa la ni eshã lɛ kɛ emli mɔji fɛɛfɛji lɛ kɛ jwetrii fɛɛ.

Ezra 2:1

Agbɛnɛ naa shikpɔŋ lɛ nɔ bii ni Maŋtsɛ Nebukadnezar baŋɔ amɛ nom kɛtee Babilon lɛ ateŋ mɛi ni ku amɛsɛɛ kɛjɛ nomŋɔɔ lɛ mli kɛba Yerusalɛm kɛ Yuda lɛ agbɛii. Amɛteŋ mɔ fɛɛ mɔ tee emaŋ.

Ezra 5:8

Wɔmiitao ni Maŋtsɛ ana ale akɛ wɔyiŋ wɔtee Yuda shikpɔŋ lɛ nɔ, ni wɔtee Nyɔŋmɔ kpeteŋkple lɛ we lɛ. Aama kɛ tɛi kpeleikpelei, ni akɛ tsei eshwie egbogboi lɛ anɔ. Ahiɛ nɛkɛ nitsumɔ nɛɛ mli kɛ mɔdɛŋbɔɔ, ni eeya nɔ jogbaŋŋ yɛ mɛi ni tsuɔ nii lɛ adɛŋ.

Nehemia 11:3

Yuda maji lɛ amli lɛ, mɔ fɛɛ mɔ hi lɛ diɛŋtsɛ emaŋ yɛ shikpɔŋ lɛ nɔ: Israelbii, kɛ osɔfoi kɛ Levibii kɛ Sɔlemɔ we sɔ̃ɔlɔi kɛ Solomon tsuji abii lɛ.

Nehemia 2:13

Mitsɔ̃ jɔɔ lɛ mli agbo lɛ naa nyɔɔŋ kɛje kpo kɛtsɔ̃ Drako Nubu lɛ he kɛtee Tumo Agbo lɛ naa. Misra Yerusalɛm gbogboi lɛ mikwɛ bɔ ni amɛkumɔ amɛshwie shi, kɛ enaa agboi ni ashã lɛ.

Nehemia 2:17

Shi agbɛnɛ mikɛɛ amɛ akɛ, “Nyɛ diɛŋtsɛ nyɛmiina nɔ amane mli ni wɔyɔɔ, bɔ ni Yerusalɛm ekumɔ kɛbua shi, ni ehe agboi lɛ hu ashã. Nyɛbaa ni nyɛhãa wɔtswaa Yerusalɛm gbogbo lɛ koni wɔhiɛshishwiemɔ nɛɛ sɛɛ afo.”

Nehemia 2:3

ni mikɛɛ, “Maŋtsɛ yi ana wala kɛya naanɔ! Nii, mɛɛba ni esaaa akɛ mihiɛ afee mɔbɔmɔbɔ be ni maŋ ni ji he ni mitsɛmɛi asaŋi yɔɔ lɛ etsɔ̃ amaŋfɔ̃, ni ashã ehe agboi lɛ?”

Nehemia 7:6

Mɛnɛɛmɛi ji Yuda shikpɔŋ lɛ nɔ bii ni Maŋtsɛ Nebukadnezar baŋɔ amɛ nom kɛtee Babilon lɛ ateŋ mɛi ni jɛ nomŋɔɔ lɛ mli ba lɛ. Amɛ ji mɛi ni ku amɛsɛɛ kɛba Yerusalɛm kɛ Yuda, ni amɛteŋ mɔ fɛɛ mɔ tee emaŋ lɛ.

Ester 1:1

Maŋtsɛ Ahashwerosh ye shikpɔji oha kɛ nyɔŋmai enyɔ kɛ kpawo anɔ akɛ maŋtsɛ kɛjɛ India aahu kɛyashi Etiopia.

Lalai 79:4

Wɔhewɔ maji lɛ miibɔ wɔ ahora; amɛŋmɔɔ wɔ, ni amɛyeɔ wɔhe fɛo.

Abe̱i 25:28

Mɔ ni nyɛɛɛ ehe nɔ eye lɛ, etamɔ maŋ ni akumɔ ehe gbogboi ashwie shi.

Yesaia 43:28

No hewɔ lɛ, mibule He Krɔŋkrɔŋ lɛ mli lumɛi lɛ. Mikɛ Israel hã ni akpãtã ehiɛ, Israel he guɔ gbo.”

Yesaia 5:5

“Agbɛnɛ mibatsɔ̃ɔ nyɛ nɔ ni mibafee miwaintrom lɛ. Mibajie ehe afabaŋ lɛ koni kooloi akpãtã ehiɛ. Mibakumɔ ehe gbogbo lɛ hu koni anaanaa enɔ kɛho.

Yeremia 24:9

Mibahã amɛtsɔ̃ gbeyei nɔ amɛhã shikpɔŋ lɛ nɔ maŋtsɛyelihei fɛɛ; ni abaaye amɛhe fɛo, ni abaabɔ amɛ ahora, ni amɛbaatsɔ̃mɔ mɛi ni alomɔ amɛ yɛ hei fɛɛ ni mibagbɛ amɛ mashwã kɛya lɛ.

Yeremia 29:18

Mibahã ta kɛ hɔmɔ kɛ gbele hela anyiɛ amɛsɛɛ, ni jeŋ maŋtsɛyelihei fɛɛ ni yɔɔ shikpɔŋ lɛ nɔ lɛ ahe baajɔ̃ amɛhe yɛ nɔ ni baaba amɛnɔ lɛ hewɔ. Amɛbaatsɔ̃ gbeyei nɔ amɛhã shikpɔŋ lɛ nɔ maŋtsɛyelihei fɛɛ, ni abaaye amɛhe fɛo, ni abaabɔ amɛ ahora, ni amɛbaatsɔ̃ mɛi ni alomɔ amɛ yɛ hei fɛɛ ni mibagbɛ amɛ mashwã kɛya lɛ.

Yeremia 39:8

Babilonbii lɛ ma maŋtsɛ we lɛ kɛ maŋbii lɛ ashĩai lɛ anaa la, ni amɛshã; ni amɛkumɔ Yerusalɛm he gbogboi lɛ amɛshwie shi.

Yeremia 42:18

“Yehowa Taiatsɛ, Israel Nyɔŋmɔ lɛ, kɛɛ akɛ, ‘Bɔ ni mimli fu Yerusalɛmbii, ni mimli wo amɛ la lɛ, nakai nɔŋŋ mimli baafu nyɛ kɛji nyɛtee Ijipt. Akɛ nyɛ baakã kitã, ni akɛ nyɛ baalomɔ; nyɛhe baafee mɛi naakpɛɛ, ni abaabɔ nyɛ ahora; ni nyɛnaŋ shikpɔŋ nɛɛ nɔ dɔŋŋ.’ ”

Yeremia 5:10

“Abote ewain tromi lɛ amli ni afolɔ waintsei lɛ ashwie, shi moŋ akafite tromi lɛ kwraa kɛmɔ shi. Akplɔ etsei aniji lɛ ashwie. Ejaakɛ amɛjeee mi, Yehowa, minii.

Yeremia 52:14

ni Babilon tabilɔi ni fata maŋtsɛ hebulɔi asafoiatsɛ Nebuzaradan he lɛ kumɔ gbogboi fɛɛ ni bɔle Yerusalɛm he kɛkpe lɛ amɛshwie shi.

Yāfó 1:7

Yerusalɛm kaiɔ, yɛ emanehulu kɛ haomɔ gbii lɛ amli, ojarawa nibii ni eyɔɔ kɛjɛ blema beebe lɛ. Be ni emaŋbii gbee henyɛlɔi adɛŋ, ni bualɔ ko bualɔ ko bɛ lɛ, henyɛlɔi lɛ ye ehe fɛo ni amɛŋmɔ lɛ yɛ eshigbeemɔ lɛ hewɔ.

Yāfó 2:9

Zion agboi lɛ enyɔ kɛbote su mli, akumɔ ni afite amɛsɛɛ adabaŋi lɛ. Emaŋtsɛ lɛ kɛ elumɛi lɛ eyaje jeŋmaji lɛ ateŋ. Mla lɛ bɛ dɔŋŋ lɛ, egbalɔi lɛ enaaa Yehowa dɛŋ ninaa ko dɔŋŋ.

Yāfó 3:61

“Ao! Yehowa, onu ahora ni amɛbɔɔ mi lɛ, kɛ yiŋshai fɛɛ ni amɛto yɛ mihe lɛ.

Yāfó 5:1

Ao! Yehowa, kaimɔ nɔ ni eba wɔnɔ lɛ; kwɛmɔ bɔ ni wɔhiɛ eshwie shi!

3 Mose 26:31

Mahã nyɛmaji lɛ atsɔ̃mɔ amaŋfɔ̃i, ni mafite nyɛjamɔhei lɛ hu; ni mihereŋ nyɛtsofakɛŋma lɛ ŋma dɔŋŋ.

3 Mose 26:33

Ni nyɛ diɛŋtsɛ lɛ mahã ta abanina nyɛ, ni magbɛ nyɛ mashwã majimaji ni yɔɔ jeŋ lɛ anɔ. Gbɔmɛi baatã yɛ nyɛshikpɔŋ lɛ nɔ, ni nyɛmaji lɛ baatsɔ̃mɔ amaŋfɔ̃i.