Nehemia 1:2 - ŊMALƐ KRƆŊKRƆŊ LƐ

² ni Hanani ni ji minyɛmimɛi lɛ ateŋ mɔ kome lɛ kɛ hii komɛi jɛ Yuda ba. Mibi amɛ Yudafoi ni aŋɔ amɛ nom lɛ ateŋ mɛi ni hiɛ kã lolo lɛ ahe sane kɛ Yerusalɛm hu he sane.

Ṅmãle̱ Kroṅkroṅ Le̱

² ake̱ Hanani ni dši minyemimei le̱ ateṅ mokome le̱ ba, eke̱ Iuda hĩĩ komei; ni mibiame̱ Iudafoi ni edše mli ni eſe̱ ye̱ nomi le̱ ateṅ le̱, ke̱ Ierusalem he sane.

Nehemia 1:2 Iomraidhean Croise

1 Mose 14:10

Shi Sidim jɔɔ lɛ mli lɛ, amãtɛ bui sɔŋŋ yɔɔ jɛi. Awo Sodom kɛ Gomora maŋtsɛmɛi lɛ afoi, ni amɛnyɔnyɔi bui lɛ amli, shi maŋtsɛmɛi ni eshwɛ lɛ jo foi kɛtee gɔŋ lɛ nɔ.

2 Maŋtsɛmɛi 24:14

Ni Maŋtsɛ Nebukadnezar ŋɔ Yerusalɛm maŋbii lɛ fɛɛ kɛ lumɛi lɛ fɛɛ kɛ hii tabilɔi lɛ fɛɛ nom kɛtee, amɛyibɔ ji akpei nyɔŋma. Eloo ŋaalɔi kɛ sɔ̃lɔi lɛ fɛɛ hu; eshiii mɔ ko mɔ ko akɛ ja shikpɔŋ lɛ nɔ bii lɛ ateŋ mɛi ni ji ohiafoi lɛ kɛkɛ.

2 Maŋtsɛmɛi 25:12

Shi asraafoiatsɛ lɛ shi shikpɔŋ lɛ nɔ ohiafoi kwraa lɛ ateŋ mɛi komɛi yɛ Yuda koni amɛtsɔ̃mɔ waintromsaalɔi kɛ okwaafoi.

Ezra 9:14

Aso wɔɔku okitãi lɛ amli ekoŋŋ, ni wɔkɛ wɔhe ayabɔ maji ni feɔ nihiinii nɛɛ ahe ni wɔkɛ amɛ aye yooŋɔɔ lo? Aso omli fuŋ wɔ kɛyashiŋ beyinɔ ni oookpãtã wɔhiɛ ogbe naa bɔ ni eshwɛŋ mɔ ko mɔ ko aloo mɔ ko mɔ ko hu ejeŋ mli lo?

Nehemia 7:2

Kɛkɛ ni mitu Yerusalɛm miwo minyɛmi Hanani kɛ Hanania, mɔɔ lɛ mli lumɔ lɛ, dɛŋ, ejaakɛ nuu anɔkwafo ni sheɔ Nyɔŋmɔ gbeyei fe mɛi pii ji Hanania.

Yeremia 44:14

bɔ ni baahã Yudabii ni shwɛ lɛ ateŋ mɛi ni eba amɛbahi Ijipt shikpɔŋ lɛ nɔ lɛ ateŋ mɔ ko mɔ ko he ejeŋ mli; eyi naŋ wala; ekuŋ esɛɛ kɛyaŋ Yuda shikpɔŋ lɛ nɔ, he ni amɛshweɔ akɛ amɛku amɛsɛɛ kɛya koni amɛyahi jɛi ekoŋŋ lɛ, ejaakɛ amɛkuŋ amɛsɛɛ kɔkɔɔkɔ akɛ ja mɛi komekomei kɛkɛ ni aaana foijee hegbɛ.”

Ezekiel 6:9

no lɛ nyɛteŋ mɛi ni eje gbele mli lɛ aaakai mi yɛ majimaji lɛ ateŋ hei ni aŋɔ amɛ nom kɛtee lɛ. Kɛji mikumɔ amɛyiŋ flɛflɛ tsuii ni hã amɛkɛ yiŋ flɛflɛ yanyiɛ amɛmãgãi lɛ asɛɛ lɛ, amɛaanyaŋe amɛ diɛŋtsɛ amɛhe yɛ nifɔɔjianii kɛ musubɔɔ nii ni amɛfee lɛ fɛɛ ahewɔ.

Ezekiel 7:16

Shi kɛji hiɛkãalɔi komɛi aaaje mli lɛ, amɛaayahi gɔji lɛ anɔ tamɔ okpoi ni jɛ jɔɔ mli. Mɔ fɛɛ mɔ baaye ehe esha he ŋkɔmɔ.