Nehemia 1:1 - ŊMALƐ KRƆŊKRƆŊ LƐ

¹ Nehemia, Hakalia bi lɛ, saji nɛ. Yɛ Kislev nyɔŋ lɛ nɔ yɛ afi ni ji nyɔŋmai enyɔ lɛ nɔ lɛ, miyɛ Susa, maŋtsɛmaŋ lɛ mli,

Ṅmãle̱ Kroṅkroṅ Le̱

¹ Nehemia, Hakalia bi le̱, sãdši ne̱. Ni eba mli ye̱ nyõṅ Kislev le̱ no̱, ye̱ afi ni dši nyoṅmai-enyo̱ le̱ ne̱, beni miyo̱ Šušan mō̃ le̱ mli le̱,

Nehemia 1:1 Iomraidhean Croise

Ezra 10:9

Kɛkɛ ni Yuda kɛ Benyaminhii lɛ babua amɛhe naa kɛkpe yɛ Yerusalɛm yɛ gbii etɛ̃ lɛ mli, yɛ nyɔŋ ni ji nɛɛhu lɛ nɔ gbi ni ji nyɔŋmai enyɔ lɛ nɔ. Maŋ muu lɛ fɛɛ baho tara he ko kpataa ko ni yɔɔ Nyɔŋmɔ We lɛ hiɛ lɛ. Gbeyei emɔmɔ amɛ yɛ sane nɛɛ he, ni asaŋ nu ni nɛɔ waa lɛ ehã amɛmiikpokpo.

Ezra 7:7

Israelbii lɛ ateŋ mɛi komɛi kɛ Osɔfoi kɛ Levibii kɛ lalatsɛmɛi kɛ agbonaakwɛlɔi kɛ Sɔlemɔ we sɔ̃ɔlɔi lɛ ateŋ mɛi komɛi hu fata Ezra he kɛba.

Nehemia 10:1

Mɔ klɛŋklɛŋ ni sɔo naa lɛ ji Nehemia, amralo lɛ, ni ji Hakalia bi lɛ, ni lɛ esɛɛ lɛ Zedekia. Mɛi komɛi hu ni kɛ amɛnine wo shishi nɛ: osɔfoi

Nehemia 2:1

Gbi ko yɛ Nisan nyɔŋ lɛ nɔ yɛ Maŋtsɛ Artashasta yinɔ afi ni ji nyɔŋmai enyɔ lɛ nɔ lɛ, maŋtsɛ lɛ miiye nii, ni wain ma ehiɛ. Miwo wain lɛ, ni mikɛhã lɛ. Enako mi ni mifee mɔbɔmɔbɔ yɛ ehiɛ pɛŋ.

Nehemia 5:14

Kɛjɛ gbi nɔ ni awo mi amralo ni kwɛɔ Yuda shikpɔŋ lɛ nɔ kɛjɛ Maŋtsɛ Artashasta yinɔ afi ni ji nyɔŋmai enyɔ lɛ nɔ kɛyashi afi ni ji nyɔŋmai etɛ̃ kɛ enyɔ lɛ nɔ, no ji afii nyɔŋma kɛ enyɔ sɔŋŋ nɛ lɛ, mi kɛ minyɛmimɛi lɛ wɔheko niyenii ni ahãa amralo fɛɛ amralo akɛ egbɛnaa niyenii lɛ eko.

Ester 1:2

Susa maŋ lɛ mli ji he ni emaŋtsɛ sɛi lɛ yɔɔ, ni jɛi ejɛɔ ni eyeɔ maji lɛ anɔ.

Ester 3:15

Bɔfoi lɛ kɛ woji lɛ shi kɛ foi yɛ maŋtsɛ lɛ fãmɔ naa kɛtee shikpɔji lɛ anɔ. Ashiɛ akpɔ lɛ yɛ Susa ni ji maŋtsɛmaŋ lɛ mli hu. Kɛkɛ ni Maŋtsɛ Ahashwerosh kɛ Haman ho tara shi ni amɛnu dãa, be mli ni akpɔ lɛ ehã Susa maŋ lɛ fɛɛ ejijaa lɛ.

Daniel 8:2

Mina yɛ ninaa nɛɛ mli akɛ miyɛ maŋtsɛmaŋ ni atsɛɔ lɛ Susa ni yɔɔ Elam kpokpai anɔ shikpɔŋ lɛ nɔ lɛ mli. Midamɔ Ulai Faa lɛ naa.

Zakaria 7:1

Maŋtsɛ Dario yinɔ afi ni ji ejwɛ lɛ nɔ nyɔŋ ni ji nɛɛhu, ni ji Kislev nyɔŋ, lɛ nɔ gbi ni ji ejwɛ lɛ nɔ lɛ, Yehowa kɛ Zakaria wie.