Mateo 8:2 - ŊMALƐ KRƆŊKRƆŊ LƐ

² Ni naa, kpitiyelɔ ko ba ebakoto lɛ ekɛɛ, “Nuŋtsɔ, kɛji oosumɔ lɛ, ooonyɛ ohã mihe atse!”

Ṅmãle̱ Kroṅkroṅ Le̱

² Ni na, kpitiyelo̱ ko ba bakotole̱ ekē̱: Nuṅtšo̱, ke̱dši ōsumo̱ le̱, oonyẽ ohã mihe atše!

Mateo 8:2 Iomraidhean Croise

2 Samuel 3:39

Afɔ mi mu awo mi Israel Maŋtsɛ moŋ nɛ, shi amrɔ nɛɛ nɛkɛ Zeruia bihii nɛɛ asane lɛ ebaje mi ablaŋ, ni ehiii mi nɔ ko feemɔ. Yehowa awo efɔŋfeelɔ lɛ nyɔmɔ yɛ enɔfɔŋ lɛ naa!”

2 Maŋtsɛmɛi 15:5

Ni Yehowa kɛ hela fɔŋ piŋ maŋtsɛ Azaria, ni eye kpiti kɛyashi egbele gbi; aŋmɛɛɛ lɛ gbɛ koni ehi maŋtsɛ we lɛ mli. Ni maŋtsɛ Azaria bi Yotam kwɛ maŋtsɛ lɛ sɛɛ akɛ maŋtsɛ yɛ maŋtsɛ we lɛ, ni eye maŋ lɛ nɔ.

2 Maŋtsɛmɛi 5:1

Siria maŋtsɛ lɛ yɛ asafoiatsɛnukpa ko ni atsɛɔ lɛ Naaman; gbɔmɔ wulu ji lɛ, ni enuŋtsɔ maŋtsɛ lɛ buɔ lɛ ejaakɛ lɛ enɔ Yehowa tsɔ̃ ehã Siriabii lɛ ye kunim. Eyɛŋ akɛ eji asraafonyo kãkãlɔ kpanaa nɛ, shi eeye kpiti.

2 Maŋtsɛmɛi 5:27

Enɛ hewɔ lɛ, Naaman kpiti lɛ aaatsɛŋe bo kɛ oshwiei fɛɛ kɛaatee naanɔ.” Ni eje ehiɛ eje kpo kɛ ehe kpiti sakoo tamɔ ayilɔ.

4 Mose 12:10

Shi be ni atatu kutuu lɛ jeɔ Buu lɛ nɔ lɛ, naa Miriam ni hela gbonyo eshwie ehe fɛɛ futaa oookɛɛ kpiti. Aaron yaakwɛ Miriam lɛ, hewolo nɔ hela gbonyo eshwie ehe fɛɛ oookɛɛ kpiti.

Mateo 10:8

Nyɛtsaa helatsɛmɛi, nyɛtea gbohii ashi, nyɛhãa kpitiyelɔi ahe atsea, nyɛfamɔa mumɔi fɔ̃ji; yaka nyɛna, yaka nyɛkɛhãa.

Mateo 13:58

Ni akɛni amɛheee amɛyeee hewɔ lɛ etsuuu hewalɛnii pii ko yɛ jɛi.

Mateo 14:33

Ni mɛi ni yɔɔ lɛlɛ lɛ mli lɛ bakoto lɛ amɛkɛɛ, “Nyɔŋmɔ Bi ji bo lɛɛlɛŋ!”

Mateo 15:25

Shi yoo lɛ ba bakulã shi yɛ ehiɛ ekɛɛ, “Nuŋtsɔ, feemɔ he eko ohã mi!”

Mateo 18:26

Kɛkɛ ni tsulɔ lɛ ho gbee enaji anaa ni ekpa lɛ fai ekɛɛ, ‘Nuŋtsɔ, too otsui shi ohã mi, ni mawo bo nyɔmɔ lɛ fɛɛ!’

Mateo 2:11

Ni amɛtee shĩa lɛ, ni amɛna abifao lɛ kɛ enyɛ Maria lɛ; ni amɛkula shi amɛja lɛ. Amɛfɛne amɛkotokui anaa, ni amɛkekee lɛ nii: shika kɛ krɔbɔo kɛ mire.

Mateo 20:20

Kɛkɛ ni Zebedeo bii lɛ anyɛ kɛ ebihii lɛ ba eŋɔɔ ebakula shi ni eba lɛ nɔ ko.

Mateo 26:6

Be ni Yesu yɔɔ Betania yɛ Simon, kpitiyelɔ lɛ, we lɛ,

Mateo 28:17

ni be ni amɛna lɛ lɛ, amɛkula shi amɛja lɛ; shi mɛi komɛi je ŋwane.

Mateo 28:9

Ni Yesu kɛ amɛ bakpe ni ekɛɛ, “Hejɔlɛ ahã nyɛ!” Ni amɛbamɔmɔ enaji amli; ni amɛkula shi amɛja lɛ.

Mateo 4:9

ni ekɛɛ lɛ akɛ, “Mikɛ enɛɛmɛi fɛɛ baahã bo, kɛji okula shi oja mi lɛ.”

Mateo 8:1

Shi be ni Yesu jɛ gɔŋ lɛ nɔ ekpeleke shi lɛ, asafoi pii nyiɛ esɛɛ.

Mateo 8:25

Ni ekaselɔi lɛ ba eŋɔɔ ni amɛbatsiɛ̃ lɛ amɛkɛɛ, “Nuŋtsɔ, heremɔ wɔyiwala, wɔhiɛ miikpãtã!”

Mateo 9:18

Be ni ekɛ amɛ wieɔ wiemɔi nɛɛ lɛ, onukpa ko ba bakoto lɛ ekɛɛ, “Mibiyoo eje mli amrɔ nɛɛ, shi ba ni okɛ onine abaŋmɛ enɔ, ni ehiɛ aaatsɛ̃.”

Luka 4:27

Ni kpitiyelɔi pii hu yɛ Israel yɛ gbalɔ Elisha yinɔ, shi atsaaa amɛteŋ mɔ ko mɔ ko, akɛ ja Naaman, Sirianyo lɛ kɛkɛ.”

Yohane 9:38

Ni ekɛɛ, “Miihe miiye, Nuŋtsɔ.” Ni ekula shi eja lɛ.

Bɔfoi 10:14

Shi Petro kɛɛ, “Dabida, Nuŋtsɔ, ejaakɛ miyeko nɔ ko ni buleɔ mɔ loo nɔ ko ni he tseee dã.”

Bɔfoi 10:25

Ni be ni Petro boteɔ shĩa lɛ, Kornelio kɛ lɛ bakpe, ni eho egbee enaji anaa ni eja lɛ.

1 Korintobii 14:25

aaajie etsuiŋ teemɔnii akpo faŋŋ, ni no aaahã ekɛ ehiɛ abu shi eja Nyɔŋmɔ, ni eeejaje akɛ, “Nyɔŋmɔ yɛ nyɛteŋ lɛɛlɛŋ.”

Kpojiemɔ 19:10

Ni miho migbee enaji anaa koni maja lɛ. Ni ekɛɛ mi akɛ, “Kwɛ, kaafee nakai! Bo kɛ onyɛmimɛi lɛ ni hiɛ Yesu odase lɛ mli lɛ anaanyo tsulɔ ji mi. Já Nyɔŋmɔ!” Ejaakɛ Yesu he odase lɛ ji gbalɛ mumɔ lɛ.