Mateo 4:1 - ŊMALƐ KRƆŊKRƆŊ LƐ

¹ Kɛkɛ ni Mumɔ lɛ ŋɔ Yesu kɛtee ŋa nɔ, koni abonsam ayaka lɛ.

Ṅmãle̱ Kroṅkroṅ Le̱

¹ Agbe̱ne̱ *Mumo̱ le̱ ṅõ Iesu ke̱-te ṅãno̱, koni abonsam ayakale̱. *Heb. 4,15.

Mateo 4:1 Iomraidhean Croise

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

1 Maŋtsɛmɛi 18:12

Amrɔ pɛ ni mibashi bo matee lɛ, Yehowa Mumɔ lɛ aaabakpla bo kɛya he ko ni mileee. Kɛji mitee miyakɛɛ Ahab, ni eba, ni ebaninaaa bo lɛ, bɔ fɛɛ bɔ ni fee lɛ, ebaagbe mi. Kaimɔ akɛ Yehowa jalɔ ji otsulɔ kɛjɛ migbekɛbiiashi beebe.

2 Maŋtsɛmɛi 2:16

ni amɛkɛɛ lɛ akɛ, “Naa, agbɛnɛ lɛ, naa wɔ otsuji hii kãkãlɔi nyɔŋmai enumɔ yɛ omasɛi, wɔmiikpa bo fai, hã wɔya ni wɔyatao onuŋtsɔ lɛ; eko lɛ aleee nɔ, Yehowa Mumɔ lɛ ewo lɛ kɛtee, ni eyashɛ lɛ efɔ̃ gɔji lɛ eko nɔ aloo jɔi lɛ eko mli.” Ni ekɛɛ amɛ akɛ, “Dabida, nyɛkatsũa kɛyaa.”

Ezekiel 11:1

Mumɔ lɛ wo mi, ni ekɛ mi tee Yehowa Sɔlemɔ we lɛ bokãgbɛ agbo lɛ naa. Ni naa, mina hii nyɔŋmai enyɔ kɛ enumɔ yɛ agbo lɛ shinaa lɛ shi. Amɛteŋ mɛi komɛi ji Azur bi Yaazania kɛ Benaia bi Pelatia, maŋhiɛnyiɛlɔi lɛ.

Ezekiel 11:24

Mina yɛ ninaa lɛ mli akɛ Mumɔ lɛ wo mi, ni ekɛ mi tee nomii lɛ aŋɔɔ yɛ Babilon; kɛkɛ ni mumɔ lɛ je minɔ.

Ezekiel 3:12

Agbɛnɛ lɛ Mumɔ lɛ wo mi, ni minu gbee kpeteŋkple ko gbɛɛmɔ yɛ misɛɛgbɛ tamɔ shikpɔŋ hosomɔ, ni gbee lɛ kɛɛ, “Jiemɔ miijie Yehowa ni yɔɔ ŋwɛi lɛ anunyam lɛ yi yɛ eshihilɛhe lɛ.”

Ezekiel 3:14

Yehowa hewalɛ lɛ ba minɔ, ni ewo mi kɛtee. Mitee kɛ mlila ni naawa naakpa.

Ezekiel 40:2

Nyɔŋmɔ ŋɔ mi kɛba Israel shikpɔŋ lɛ nɔ yɛ ninaa mli, ni ekɛ mi yadamɔ gɔŋ grɔŋŋ ko nɔ. Gɔŋ nɛɛ nɔ lɛ, mina nɔ ko tamɔ maŋ ni ato yɛ mihiɛgbɛ.

Ezekiel 43:5

Mumɔ lɛ wo mi ni ekɛ mi ba mligbɛ kpo lɛ nɔ; ni naa, Yehowa anunyam lɛ yi Sɔlemɔ we lɛ mli obɔ̃ tɔ.

Ezekiel 8:3

Ekpã nɔ ko ni esu tamɔ nine mli ni ekɛmɔ̃ miyiteŋ tsɔi ni efi tɔo lɛ mli. Mumɔ lɛ wo minɔ kɛtee shikpɔŋ kɛ ŋwɛi teŋ, ni ekɛ mi tee Yerusalɛm yɛ Nyɔŋmɔ he ninai lɛ amli. Ekɛ mi ba mligbɛ kpo lɛ nɔ agbo ni kwɛɔ kooyigbɛ shinaa lɛ naa, he ni amãgã ni hãa Nyɔŋmɔ yeɔ awuŋã lɛ ma lɛ.

Yohane 14:30

Mikɛ nyɛ ewieŋ nibii pii dɔŋŋ, ejaakɛ je lɛ mli lumɔ lɛ miiba, ni ebɛ hewalɛ ko yɛ minɔ;

Bɔfoi 8:39

Ni be ni amɛje nu lɛ mli lɛ Nuŋtsɔ lɛ Mumɔ lɛ sha Filipo kɛtee; ni piafonyo lɛ enaaa lɛ dɔŋŋ, shi eyi gbɛ kɛ nyamɔ.

Romabii 8:14

Ejaakɛ mɛi abɔ ni Nyɔŋmɔ Mumɔ lɛ kpalaa amɛ lɛ, amɛ amɛ ji Nyɔŋmɔ bii.

Hebribii 2:18

Ejaakɛ akɛni lɛ diɛŋtsɛ lɛ ena kaa mli amanehulu hewɔ lɛ, enyɛɔ eyeɔ ebuaa mɛi ni akaa amɛ lɛ.

Yakobo 1:14

Shi mɔ fɛɛ mɔ lɛ, lɛ diɛŋtsɛ ekɔnɔ ni gbalaa lɛ ni lakaa lɛ lɛ kaa lɛ.