Marko 8:12 - ŊMALƐ KRƆŊKRƆŊ LƐ

¹² Ni edɔmɔ ŋtsɔi yɛ emumɔ mli ekɛɛ, “Mɛni hewɔ nɛkɛ yinɔbii nɛɛ taoɔ okadi? Miikɛɛ nyɛ yɛ anɔkwale mli akɛ, kɛ aaahã yinɔbii nɛɛ okadi ko fii!”

Ṅmãle̱ Kroṅkroṅ Le̱

¹² Ni edõmo̱ ntšo̱i ye̱ emumo̱ mli ni ekē̱: Meni hewo̱ ne̱ke̱ yino̱bii ne̱ taoo̱ okadi lolo? Le̱le̱ṅ, mīkē̱nye ake̱: Ké̱ aaṅõ okadi ko aha ne̱ke̱ yino̱bii ne̱, fĩ!

Marko 8:12 Iomraidhean Croise

Yesaia 53:3

Agbe ehe guɔ, ni gbɔmɛi kwa lɛ, eye awerɛho, ni ele hejaramɔ etamɔ mɔ ni atsɔ̃ɔ hiɛ atoɔ afã kɛ ana lɛ lɛ. Agbe ehe guɔ, ni wɔbuuu lɛ wɔhãaa fɛifɛi.

Mateo 12:38

Kɛkɛ ni mlatsɔɔlɔi kɛ Farisifoi lɛ ateŋ mɛi komɛi here nɔ ni amɛkɛɛ, “Tsɔɔlɔ, wɔmiitao onine naa okadi ko wɔkwɛ.”

Mateo 16:4

Yinɔbii fɔ̃ji kɛ gbãlãfitelɔi miitao okadi, shi ahaŋ amɛ okadi ko, akɛ ja gbalɔ Yona okadi lɛ.” Ni eshi amɛ eyiŋ etee.

Marko 3:5

Ni ekwɛ amɛhiɛiaŋ kɛkpe kɛ mlifu, ejaakɛ edɔ lɛ akɛ amɛtsui wa nɛkɛ; ni ekɛɛ nuu lɛ akɛ, “Kpã onine lɛ mli!” Ekpã mli, ni atsa enine lɛ ni eye emuu.

Marko 6:6

Ehiɛ fee lɛ yaa yɛ he ni amɛheee amɛyeee lɛ hewɔ. Ni eyakpa akrowai lɛ amli, ni etsɔ̃ɔ nii.

Marko 7:34

Ni ekwɛ ŋwɛi ni ehuu yɛ emli ni ekɛɛ mumui toimulɔ lɛ akɛ, “Hefata!” Eshishi ji, “Gbelemɔ!”

Marko 8:13

Ni eshi amɛ, ni eyabote lɛlɛ mli ekoŋŋ ni etee faa lɛ sɛɛ.

Marko 9:19

Yesu to he ekɛɛ amɛ akɛ, “Ao, yinɔbii ni heee yeee! Mɛɛ beyinɔ nɔŋŋ mi kɛ nyɛ aaahi shi kɛyashi? Mɛɛ beyinɔ mato mitsui shi mahã nyɛ kɛyashi? Nyɛkɛ gbekɛ nuu lɛ abaa miŋɔɔ.”

Luka 19:41

Ni be ni eshɛ etã ni ena maŋ lɛ, efo eshwie enɔ,