Marko 4:7 - ŊMALƐ KRƆŊKRƆŊ LƐ

⁷ Wui lɛ ekomɛi yashwie ŋmei ateŋ, ni ŋmei lɛ kwɛ̃ kɛba ŋwɛi ni amɛgbe tsei lɛ, hewɔ lɛ amɛwooo yibii.

Ṅmãle̱ Kroṅkroṅ Le̱

⁷ Ni eko yaſie ṅmeii ateṅ, ni ṅmeii le̱ hole ame̱he ne̱ ni ame̱gbe no̱, ní ewoo yibii.

Marko 4:7 Iomraidhean Croise

Yeremia 4:3

Nɔ ni Yehowa kɛɔ Yuda shikpɔŋ lɛ kɛ Yerusalɛm maŋ lɛ mli bii nɛ, “Nyɛhua nyɛshikpɔŋ ni ahuko nɔ lɛ, ni nyɛkadua nyɛwui lɛ yɛ ŋmei ateŋ.

Mateo 13:22

Ni ŋmei ateŋ he ni adu wu lɛ yɛ lɛ ji mɔ ni nuɔ wiemɔ lɛ, ni je nɛɛŋ henaagbamɔ kɛ nii pii ahe lakamɔ lɛ gbeɔ wiemɔ lɛ, ni ewooo yibii.

Mateo 13:7

Ni ekomɛi hu yashwie ŋmei ateŋ ni ŋmei lɛ kwɛ, ni amɛgbe amɛ.

Mateo 13:8

Shi ekomɛi hu yashwie shikpɔŋ kpakpa nɔ, ni ewo yibii: eko oha, eko nyɔŋmai ekpaa, kɛ eko nyɔŋmai etɛ̃.

Marko 4:6

Shi be ni hulu je lɛ, eshã amɛ, ni akɛni amɛbɛ fã hewɔ lɛ amɛglã.

Marko 4:8

Shi wui lɛ ekomɛi yashwie shikpɔŋ kpakpa nɔ, ni amɛkwɛ̃ ni amɛdara, ni amɛwo yibii: eko nyɔŋmai etɛ̃, eko nyɔŋmai ekpaa, kɛ eko oha.”

Luka 12:15

Ni ekɛɛ amɛ akɛ, “Nyɛkwɛa jogbaŋŋ ni nyɛhiɛ ahia nyɛhe nɔ yɛ hiɛjoomɔi srɔtoi fɛɛ ahe; ejaakɛ jeee gbɔmɔ nii ni ena ni eteke nɔ lɛ mli ewala yɔɔ.”

Luka 21:34

“Shi nyɛhiɛ ahia nyɛhe nɔ koni fufeemɔ kɛ dãatɔɔ kɛ yeyeeyefeemɔ yɛ wala nɛɛ mli nibii ahe akahe nyɛtsuii ni nakai gbi lɛ miibati nyɛ shi trukaa;

Luka 8:14

Ŋmei ateŋ bii lɛ ji mɛi ni nuɔ ni amɛyaa, ni je nɛɛŋ henaagbamɔi kɛ ninamɔ kɛ ŋɔɔmɔyeli gbeɔ wiemɔ lɛ yɛ amɛmli; ni amɛwooo yibii ni hiɔ shi ni saa kɛgbeɔ naa.

Luka 8:7

Eko yashwie ŋmei ateŋ, ni ŋmei lɛ kɛ lɛ kwɛ̃ ni amɛgbe lɛ.