Marko 13:5 - ŊMALƐ KRƆŊKRƆŊ LƐ

⁵ Ni Yesu here nɔ ni ebɔ̃i amɛ kɛɛmɔ akɛ, “Nyɛkwɛa jogbaŋŋ koni mɔ ko akalaka nyɛ.

Ṅmãle̱ Kroṅkroṅ Le̱

⁵ Ni Iesu hereame̱ no̱ ni ebõi kē̱mo̱ ake̱: Nyekwe̱a dšogbāṅ koni moko akalakanye.

Marko 13:5 Iomraidhean Croise

Yeremia 29:8

Ejaakɛ bɔ ni Yehowa Taiatsɛ, Israel Nyɔŋmɔ lɛ, kɛɔ ji, nyɛkaŋmɛa nyɛgbalɔi kɛ nyɛklamɔfoi ni yɔɔ nyɛteŋ lɛ gbɛ ni amɛlakaa nyɛ; asaŋ nyɛkahea lamɔi ni amɛlaa lɛ nyɛye,

Marko 13:4

“Tsɔ̃ɔmɔ wɔ be mli ni aaafee nii nɛɛ, ni kɛ nii nɛɛ fɛɛ kwa aaaba mli lɛ, mɛni ji ehe okadi?”

Marko 13:6

Ejaakɛ mɛi pii aaaba yɛ migbɛi mli, ni amɛaakɛɛ akɛ, ‘Mi ji lɛ!’ Ni amɛaalaka mɛi pii.

Luka 21:8

Ni ekɛɛ, “Nyɛkwɛa jogbaŋŋ, koni akalaka nyɛ; ejaakɛ mɛi pii aaaba yɛ migbɛi mli ni amɛaakɛɛ, ‘Mi ni’, kɛ ‘Be lɛ eshɛ etã’. Shi nyɛkanyiɛa amɛsɛɛ.

1 Korintobii 15:33

Nyɛkahãa ashishiua nyɛ. “Naanyobɔɔ fɔŋ fiteɔ jeŋba kpakpa.”

Efesobii 5:6

Nyɛkahãa mɔ ko kɛ wiemɔi foji miishishiua nyɛ, ejaakɛ nii nɛɛ ahewɔ ni Nyɔŋmɔ mlifu baa toigbelebii lɛ anɔ lɛ.

Kolosebii 2:8

Nyɛkwɛa nyɛhe ni ahĩa, koni mɔ ko kɛ jeŋ nilee kɛ yaka shishiumɔ ni damɔ gbɔmɛi ablema tsɔ̃ɔmɔ kɛ je nɛɛŋ shishijee nibii anɔ, shi jeee Kristo nɔ lɛ, akaŋɔ nyɛ nom.

2 Tesalonikabii 2:3

Nyɛkahãa mɔ ko miishishiua nyɛ yɛ gbɛ ko gbɛ ko nɔ; ejaakɛ ja jamɔkwamɔ lɛ eba fɛɛ dã ni aaajie mlakwamɔ gbɔmɔ lɛ ni ji hiɛkpãtãmɔ bi lɛ kpo.

1 Yohane 4:1

Suɔmɔmɛi, nyɛkahea mumɔ fɛɛ mumɔ nyɛyea; shi moŋ nyɛkaa mumɔi lɛ nyɛkwɛa akɛ Nyɔŋmɔ mli amɛjɛ lo, ejaakɛ amalegbalɔi pii eba je lɛ mli.