Hosea 7:1 - ŊMALƐ KRƆŊKRƆŊ LƐ

¹ “Kɛ mito miyiŋ akɛ matsa mimɛi Israelbii lɛ koni amɛshwere pɛ, kɛkɛ lɛ Efraim kɛ Samaria nifɔɔjianii lɛ eje kpo: no ji mɔshishiumɔ kɛ juu kɛ ojotswaa yɛ gbɛteŋ.

Ṅmãle̱ Kroṅkroṅ Le̱

¹ Beni mikē̱ mibatšá Israel le̱, ke̱ke̱ ni Efrata nišaianii le̱ ke̱ Samaria nifõdšianii le̱ dše kpo; edšake̱ ame̱tšuo̱ amalenii, ni dšulo̱ boteo̱ mli, odšotſalo̱i asafo haä nii ye̱ agbó nā.

Hosea 7:1 Iomraidhean Croise

Hosea 7:13

“Kpoo hã amɛ ejaakɛ amɛshi mi, ni amɛbɔ ko. Amɛhiɛ ekpãtã ejaakɛ amɛtse mihiɛ atua. Mi lɛ mitao akɛ mahere amɛyiwala; shi amɛ lɛ amɛmalemaleɔ mihe.

Hosea 6:4

Shi Yehowa kɛɔ akɛ, “Ao! Israel, mɛni mafee ohe? Ao! Yuda, te mafee bo tɛŋŋ? Ejaakɛ osuɔmɔ lɛ etamɔ leebi atatu; etamɔ leebi bɔ ni kpalaa oya.

Luka 19:42

ni ekɛɛ, “Eji yɛ ogbi nɛɛ nɔ lɛ ona ole nii ni hi hã ohejɔlɛ lɛ kulɛ! Shi agbɛnɛ akɛtee bo.

Hosea 4:2

Nɔ ni eshwɛ amɛ pɛ ji kitãkãmɔ kɛ amale kɛ mɔgbee kɛ juu kɛ gbãlãfitemɔ; amɛkuɔ mla fɛɛ mla mli, ni amɛshwieɔ lá shi ni eko nyiɛ eko sɛɛ.

Luka 13:34

Yerusalɛm, Yerusalɛm, bo mɔ ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi, shii enyiɛ mitao akɛ mibuaa obii anaa, tamɔ bɔ ni wuɔ buaa ebii anaa ewoɔ efiji ashishi lɛ, ni nyɛkpɛlɛ̃ɛɛ!

Mateo 23:37

“Yerusalɛm, Yerusalɛm, bo ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi; shii enyiɛ mitao akɛ kulɛ mabua obii anaa tamɔ bɔ ni wuɔ buaa ebii anaa ewoɔ efiji ashishi lɛ, ni nyɛkpɛlɛ̃ɛɛ!

Mika 6:16

Enɛ baaba mli, ejaakɛ Maŋtsɛ Omri nibii gbohii lɛ kɛ ebi Ahab nibii fɔ̃ji lɛ, nomɛi anɔ nyɛtsa. No hewɔ lɛ, mahã nyɛmaji lɛ atsɔ̃ amaŋfɔ̃, ni abuŋ nyɛ, ni aaabo nyɛ ‘tsia’!”

Amos 8:14

ni mɛi ni kɛ Samaria jemawɔji lɛ kãa kitã amɛkɛɔ akɛ, ‘Mina Dan jemawɔŋ lɛ,’ loo ‘Mina Beersheba jemawɔŋ lɛ,’ amɛbaanyɔnyɔi.”

Hosea 11:12

Yehowa kɛɛ, “Israelbii ebɔle mihe kɛkpe kɛ amale kɛ mɔshishiumɔ, ni Yudabii kã he amɛmiitse miihiɛ atua, mi ni ji Nyɔŋmɔ anɔkwafo kɛ mɔ krɔŋkrɔŋ lɛ.”

Hosea 10:5

Samaria maŋ bii lɛ aaashe gbeyei, ni amɛbaaye ŋkɔmɔ yɛ Bet-Aven shika tsinabi lɛ hewɔ. Amɛ kɛ wulɔmɛi lɛ ni jaa tsinabi lɛ baawo yara amɛfo yɛ enyam ni afo sɛɛ lɛ hewɔ.

Hosea 8:9

Ejaakɛ Israel tsɔ̃ tamɔ ŋaŋ teji ni miifo shi. Etee eyabi Asiria dɛŋ yelikɛbuamɔ; asaŋ Efraim bɔ maŋsɛɛbii apaa koni amɛbu ehe.

Hosea 8:5

Mitaooo tsinabi ni ajaa yɛ Samaria maŋ lɛ mli lɛ kwrakwra. Mimli ewo amɛ la naakpa. Mɛɛ beyinɔ po amɛaaba amɛjeŋ jogbaŋŋ yɛ Israel?

Hosea 5:1

“Nyɛ Osɔfoi, nyɛboa sane nɛɛ toi! Nyɛ Israelbii, nyɛkaa toi! Nyɛ maŋtsɛ we lɛ mli bii, nyɛfea toi, shi naa, abaakojo nyɛ fɛɛ, ejaakɛ nyɛfee nyɛhe tamɔ akpa ni atsɔ̃ yɛ Mizpa, kɛ yaa ni akɛlɛɛ shi yɛ Tabor Gɔŋ lɛ nɔ.

Hosea 4:17

Israel ekɔ wɔŋjamɔ efɔ enɔ; nyɛŋmɛa ejeŋ he nyɛhãa lɛ.

Ezekiel 23:4

Onukpa lɛ gbɛi ji Ohola, ni fioo lɛ atsɛɔ lɛ Oholiba. Mikɛ amɛ hi shi, ni mikɛ amɛ fɔfɔɔ bihii kɛ biyei. Ohola damɔ shi kɛha Samaria, ni Oholiba damɔ shi kɛhã Yerusalɛm.

Ezekiel 16:46

“Onyɛmi yoo nukpa ji Samaria, mɔ ni kɛ ekrowai yɔɔ okooyigbɛ lɛ; ni onyɛmi yoo gbekɛ ji Sodom, mɔ ni kɛ ekrowai lɛ yɔɔ owuoyigbɛ lɛ.

Yeremia 51:9

Kulɛ wɔɔtsa Babilon, shi ehiii lɛ tsamɔ. Nyɛshia lɛ, ni nyɛhãa wɔteŋ mɔ fɛɛ mɔ aya lɛ diɛŋtsɛ emaŋ nɔ he ni ejɛ, ejaakɛ Babilon toigbalamɔ lɛ eshɛ ŋwɛi, ni awo nɔ kɛyashɛ atatuiaŋ tɔ̃ɔ.”

Yesaia 59:12

“Nuŋtsɔ, wɔtɔ̃mɔi lɛ fa tsɔ yɛ ohiɛ, ni wɔhe eshai lɛ yeɔ odase shiɔ wɔ, ejaakɛ wɔtɔ̃mɔi lɛ jwere wɔhiɛ, ni wɔnishaianii lɛ hu wɔle fɛɛ.

Yesaia 28:1

Kpoo hã Israel dãatɔlɔi hewolɔi lɛ! Kpoo hã Israel anunyam fɔfɔi fɛɛfɛo ni kã ekuɛ lɛ! Kpoo hã fɔfɔi akekre ni yɔɔ Israel lumɛi ni etɔrɔ kɛ ŋmãa kɛ wain lɛ ayitsei ahe lɛ.

Ezekiel 24:13

Ohiɛkɔ̃ɔ kɛ mujinii lɛ no ji ŋkanale lɛ. Akɛni kulɛ mitsuu ohe ni ohe atse shi ohe tseee hewɔ lɛ, hii shi yɛ ohe muji lɛ mli kɛyaashi beyinɔ ni matɔ mihe owele, ni mimii aaashɛ mihe.

Hosea 11:8

“Ao Israel, te mafee tɛŋŋ maŋmɛɛ ohe hu? Te mafee tɛŋŋ makwa bo hu? Aso manyɛ ohiɛ makpãtã tamɔ bɔ ni mifee Adma lɛ; aloo tamɔ bɔ ni mikɛ Zeboim ye lɛ? Mitsui miitswa yɛ mimli, ni mimusuŋ miitsɔ̃ mi yɛ ohe.

Yesaia 59:13

Wɔtɔ̃, ni wɔkwa Yehowa, ni wɔkpale yɛ wɔNyɔŋmɔ lɛ sɛɛ. Yiwalɛ kɛ atuatsemɔ wiemɔi wɔwieɔ; amale wiemɔi ni wɔtoɔ yɛ wɔtsuiiaŋ lɛ jeɔ kpo yɛ wɔnaa.

Yesaia 59:14

Jalɛ saneyeli ekpale kɛtee sɛɛ, ni jalɛ eyadamɔ sɛɛ flɛŋŋ, ejaakɛ anɔkwale etã yɛ blohuŋ, ni anɔkwale bɛ nɔ ko mli.

Hosea 12:1

“Israelbii agbi muu mli tɔlɛ kɛ deŋme lɛ, ehe baaa sɛɛnamɔ ko, shi moŋ efiteɔ nii. Amɛhã amale kɛ yiwalɛ ebu yɛ amɛteŋ. Amɛ kɛ Asiria ekpãŋ, ni amɛ kɛ Ijipt miiye mu jara.”

Hosea 12:2

“No hewɔ lɛ, Yehowa kɛ Yudabii lɛ yɛ sane. Ebaawo Israelbii nyɔmɔ yɛ amɛjeŋba naa; eeegbala amɛtoi yɛ amɛnifeemɔnii anaa.

Amos 3:9

Kɛɛmɔ mɛi fɛɛ ni yɔɔ Ashdod kɛ Ijipt mɔji lɛ amli lɛ akɛ, “Nyɛyabuaa nyɛhe naa yɛ Samaria gɔji lɛ anɔ koni nyɛkwɛa basabasa ni afeɔ kɛ niseniianii ni yaa nɔ yɛ Samaria.”

Amos 3:10

Yehowa kɛɛ akɛ, “Amɛkɛ yiwalɛ kɛ juu buaa nibii anaa yɛ mɔji lɛ amli. Amɛleee nɔ ni ja gbɛ feemɔ tete.