Ester 4:3 - ŊMALƐ KRƆŊKRƆŊ LƐ

³ Shikpɔŋ fɛɛ shikpɔŋ nɔ he ni maŋtsɛ lɛ kitã kɛ akpɔ lɛ yashɛ lɛ, ŋkɔmɔyeli kpeteŋkple bagbee shi yɛ jɛi Yudafoi lɛ ateŋ. Amɛhi ŋmãa, amɛye ŋkɔmɔ, amɛwo yara amɛfo, ni mɛi babaoo kɔlɔ kpekpe amɛbu, ni amɛho amɛkamɔ lamlu mli.

Ṅmãle̱ Kroṅkroṅ Le̱

³ Ni šikpoṅ-fẽ-šikpoṅ heni maṅtše̱ le̱ kitã ke̱ ekpo̱ le̱ še̱ le̱, bĕle̱ ṅko̱me̱yeli kpeteṅkple eba Iudafoi le̱ ateṅ, ke̱ ṅmãhĩle̱ ke̱ yāfó ke̱ blo̱mo̱; ni mei pī kāmo̱kãmō̱ kpekpe ke̱ lamlu mli.

Ester 4:3 Iomraidhean Croise

Ester 1:1

Maŋtsɛ Ahashwerosh ye shikpɔji oha kɛ nyɔŋmai enyɔ kɛ kpawo anɔ akɛ maŋtsɛ kɛjɛ India aahu kɛyashi Etiopia.

Ester 3:12

No hewɔ lɛ, afi lɛ nɔ klɛŋklɛŋ nyɔŋ lɛ nɔ gbi ni ji nyɔŋma kɛ etɛ̃ lɛ nɔ lɛ, Haman kpee maŋtsɛ lɛ woloŋmalɔi lɛ fɛɛ, ni amɛnaa bakpe shi. Amɛŋma wolo lɛ bɔ pɛpɛɛpɛ ni Haman fã amɛ akɛ amɛŋma lɛ koni akɛyahã amraloi lɛ kɛ lumɛi ni kwɛɔ shikpɔŋ fɛɛ shikpɔŋ nɔ kɛ maŋ fɛɛ maŋ mli onukpa fɛɛ onukpa hu. Shikpɔŋ fɛɛ shikpɔŋ lɛ aŋma ewolo lɛ yɛ lɛ diɛŋtsɛ eniŋmãa mli, ni maŋ fɛɛ maŋ lɛ aŋma ewolo lɛ yɛ ewiemɔ mli. Aŋmala woji lɛ yɛ Maŋtsɛ Ahashwerosh gbɛi mli, ni akɛ ewolonaasɔomɔ waoga lɛ sɔo naa.

Ester 4:16

“Yaa ni oyabua Yudafoi ni yɔɔ Susa maŋ lɛ mli fɛɛ anaa kɛkpe; ni nyɛhia ŋmãa, ni nyɛsɔlea nyɛhãa mi. Nyɛkayea nii, ni nyɛkanua nu hu shwaneshwane kɛ nyɔɔŋnyɔɔŋ gbii etɛ̃. Mi hu mi kɛ miblayei lɛ baahi ŋmãa nakai nɔŋŋ. Enɛ sɛɛ lɛ mibaya mayana maŋtsɛ lɛ, tsɛbelɛ mla eŋmɛɛɛ gbɛ nakai. Kɛji miyagbo yɛ no hewɔ po jiŋŋ efeee nɔ ko.”

Ester 4:2

Etee eyawa maŋtsɛ we lɛ agbo lɛ naa; ejaakɛ mɔ ko mɔ ko bɛ hegbɛ akɛ ebuɔ kpekpe kɛboteɔ maŋtsɛ agbo lɛ mli.

Ester 4:4

Be ni Ester ablawai lɛ kɛ epiafoi lɛ bagba lɛ nɔ ni Mɔdekai feɔ lɛ, Ester ye jaramɔ jogbaŋŋ diɛŋtsɛ. Etsu ni akɛ atadei tee yahã Mɔdekai koni ekɛtsake kpekpe lɛ yɛ ehe; shi Mɔdekai heee atadei lɛ.

Ester 9:31

koni amɛ kɛ amɛshwiei aye Purim gbii lɛ yɛ be ni ato lɛ mli tamɔ bɔ ni amɛto be kɛ gbɛjianɔ ni amɛkɛhiɔ ŋmãa, ni amɛkɛfeɔ yara lɛ.

Hiob 2:8

Hiob kɛ ŋɛsuko wamɔɔ ehe, ni eho eta mlu mli.

Yesaia 22:12

Nakai gbi lɛ Nuŋtsɔ Nyɔŋmɔ, Taiatsɛ lɛ, tsɛ koni nyɛfo ni nyɛye ŋkɔmɔ ni nyɛshɛshɛɛ nyɛyi ni nyɛmia kɛ kpekpe.

Yesaia 22:4

No hewɔ lɛ, miikɛɛ akɛ, nyɛfɔa mi kwɛmɔ; nyɛhãa mafoa kɛ dɔlɛ. Nyɛkagbaa nyɛhe naa nyɛshɛjea mimii yɛ maŋbii ahiɛ ni ekpãtã lɛ hewɔ.

Yesaia 58:5

Ani nɛkɛ ŋmaahilɛ mito lɛ? Enɛ ji ŋmaahilɛ ni gbɔmɔ kɛhumiɔ shi lɛ? Ani no ji yishimaa kɛ kpekpebumɔ kɛ lamlumlikamɔ lo? Enɛ nyɛtsɛɔ lɛ ŋmaahilɛ gbi ni sa Yehowa hiɛ lɛ?

Ezekiel 27:30

Amɛwo ohe yara ni amɛfo bo waa. Amɛloo mlu amɛwo amɛyiteŋ ni amɛkoklo lamlu mli.

Daniel 9:3

Mihi ŋmãa, ni mibu kpekpe, ni mita lamlu mli kɛmiitao Nuŋtsɔ Nyɔŋmɔ lɛ hiɛgbɛ yɛ sɔlemɔ kɛ faikpamɔ mli.

Yona 3:6

Be ni Nineve maŋtsɛ lɛ nu wiemɔ lɛ, ete shi yɛ emaŋtsɛ sɛi lɛ nɔ, ni ejie etade fɛɛfɛo ni ewo lɛ yɛ ehe efɔ̃ shi, ni ekɔ kpekpe ebu, ni eho eta lamlu mli.

Mateo 13:42

ni amɛkɛ amɛaawo la flɔnɔɔ lɛ mli; jɛi yaafo kɛ nyanyɔji ashishikpemɔ aaahi.

Mateo 22:13

Kɛkɛ ni maŋtsɛ lɛ kɛɛ etsuji lɛ akɛ, ‘Nyɛfimɔa eniji kɛ enaji ni nyɛwoa lɛ nyɛyashɛa nyɛfɔ̃a gbɛsɛɛ duŋ lɛ mli! Jɛi yaafo kɛ nyanyɔji ashishikpemɔ aaahi.’

Mateo 25:30

Ni tsulɔ ni he bɛ sɛɛnamɔ ko nɛɛ, nyɛtsia lɛ nyɛwoa gbɛsɛɛ duŋ lɛ mli; jɛi yaafo kɛ nyanyɔji ashishikpemɔ aaahi!’ ”

Yoshua 7:6

Kɛkɛ ni Yoshua kɛ Israel onukpai lɛ kɛ dɔlɛ gbala amɛhe atadei, ni amɛloo mlu amɛwo amɛyiteiaŋ, ni amɛkɛ amɛhiɛi bumɔ shi yɛ Yehowa Kpãŋmɔ Adeka lɛ hiɛ kɛyashi gbɛkɛ;

1 Samuel 11:4

Be ni Yabesh bɔfoi lɛ yashɛ maŋ ni ji Gibea, he ni Saul yɔɔ lɛ, ni amɛbɔ amɛmaniɛ lɛ, maŋtso muu lɛ wo yara.