Ester 1:3 - ŊMALƐ KRƆŊKRƆŊ LƐ

³ Emaŋtsɛyeli afi ni ji etɛ̃ lɛ nɔ lɛ, Maŋtsɛ Ahashwerosh ŋmɛ okplɔ̃ ehã elumɛi kɛ etsuji fɛɛ yɛ maŋtsɛ we lɛ mli. Mɛi okplɔ̃ ni eŋmɛ lɛ ji Persia kɛ Media shikpɔji lɛ anɔ tatsɛmɛi lɛ kɛ amralofoi lɛ.

Ṅmãle̱ Kroṅkroṅ Le̱

³ ye̱ emaṅtše̱yeli afi ni dši etẽ le̱ no̱ le̱, eṅmẽ elumei le̱ fẽ ke̱ etšũdši ni dši Persia ke̱ Media tatše̱mei le̱ ke̱ abladei ke̱ šikpõdši le̱ ano̱ lume̱i le̱ okplõ ye̱ ehīe.

Ester 1:3 Iomraidhean Croise

1 Mose 40:20

Ni eba mli akɛ gbi ni ji etɛ̃ lɛ, Farao fɔmɔgbi ni. Eŋmɛ etsuji fɛɛ okplɔ̃ ni ejie edãawolɔi anukpa lɛ kɛ ebolooshãlɔi anukpa lɛ yɛ tsuŋ yɛ enukpai lɛ ahiɛ.

1 Maŋtsɛmɛi 3:15

Kɛkɛ ni Solomon hiɛ tsɛ̃, ni naa lamɔ ni. Nyɔŋmɔ kɛ lɛ ewie yɛ mli. Eba Yerusalɛm, ni ebadamɔ Yehowa afɔleshãa latɛ lɛ hiɛ, ni eshã shãa afɔle. No sɛɛ lɛ, eŋmɛ etsuji lɛ fɛɛ okplɔ̃.

Ezra 1:2

“Bɔ ni Koresh, Persia maŋtsɛ lɛ, kɛɛ nɛ, ‘Yehowa ŋwɛi Nyɔŋmɔ lɛ etu shikpɔŋ lɛ nɔ maŋtsɛyelii fɛɛ ewo midɛŋ, ni efã mi akɛ miyama shĩa mihã lɛ yɛ Yerusalɛm yɛ Yuda shikpɔŋ lɛ nɔ.

Ester 1:14

Mɛi adɛŋ ŋaawoo ni efɔɔ bimɔ ji Karshena kɛ Shetar kɛ Admata kɛ Tarshish kɛ Meres kɛ Marsena kɛ Memukan ni ji Persia kɛ Media lumɛi ni hiɛ gbɛnai wujiwuji yɛ emaŋtsɛyeli lɛ mli lɛ.

Ester 1:4

Maŋtsɛ Ahashwerosh kɔ nyɔji ekpaa, ni ekɛjie emaŋtsɛyeli lɛ he nibii ni woɔ ehiɛ nyam, asaŋ ni tsɔ̃ɔ egbojee lɛ kpo etsɔ̃ɔ maŋ.

Ester 2:18

Kɛkɛ ni Maŋtsɛ Ahashwerosh tsɛ okplɔ̃ kpeteŋkple ekɛwo Ester hiɛ nyam; ni ekpee eshishi lumɛi kɛ etsuji fɛɛ kɛba okplɔ̃ lɛ shishi. Ehã eshishi shikpɔji lɛ ye gbi ko akɛ hejɔɔmɔ gbi; ni ekekee mɛi nii babaoo bɔ ni sa maŋtsɛ.

Ester 3:7

Maŋtsɛ Ahashwerosh maŋtsɛyeli afi ni ji nyɔŋma kɛ enyɔ lɛ nɔ klɛŋklɛŋ nyɔŋ ni atsɛɔ lɛ Nisan lɛ nɔ lɛ, Haman hã abɔ̃i oshiki, ni ji Pur, fɔ̃ɔ daa gbi kɛtao gbi ni hi hã eyiŋtoo lɛ he nitsumɔ. Afɔ̃ oshiki nɛɛ aahu kɛyashi nyɔŋ ni ji nyɔŋma kɛ enyɔ, ni ji Adar nyɔŋ lɛ nɔ.

Yesaia 21:2

Ajie ninaa ko ni yɔɔ gbeyei atsɔ̃ɔ mi: mɔsɛɛgbɛtsɔ̃ɔlɔ ni miitsɔ̃ɔ mɔ ko sɛɛgbɛ, kɛ nifitelɔ ni miifite nii. Elam, kwɔɔ kɛya! Media, yaasa maji lɛ ayi! Mahã ŋkɔmɔi fɛɛ ni Babilon eha eyeɔ lɛ sɛɛ afo!

Yeremia 51:11

“Yehowa etsiɛ Mediabii amaŋtsɛmɛi lɛ amumɔ hiɛ, ejaakɛ yiŋ ni eto yɛ Babilon maŋ lɛ he ji akɛ ebaakpãtã ehiɛ, ejaakɛ ekɛ no baatɔ eSɔlemɔ we lɛ he owele. Tabilɔi ni eba maŋ lɛ tuamɔ lɛ asafoiatsɛmɛi lɛ fã akɛ, ‘Nyɛjɔa gãimlibii lɛ anaa, ni nyɛkɔlɔa tsɛŋi!’

Daniel 5:1

Gbi ko lɛ Maŋtsɛ Belshazar tsɛ enukpai lɛ ateŋ mɛi akpe okplɔ̃ kpeteŋkple ko, ni ekɛ amɛ fɛɛ nu dãa kutuu.

Daniel 5:28

ni ‘aja mli’ lɛ miitsɔ̃ɔ akɛ aja omaŋtsɛyeli lɛ mli, ni akɛhã Medianbii lɛ kɛ Persiabii lɛ.”

Daniel 6:1

Esa Maŋtsɛ Dario hiɛ, ni eto amraloi oha kɛ nyɔŋmai enyɔ akɛ amɛkwɛ emaŋtsɛyeli muu lɛ fɛɛ nɔ.

Daniel 8:20

“Gwantɛŋ nuu agbo ni ona kɛ eklontoi enyɔ lɛ damɔ shi hã Media kɛ Persia maŋtsɛmɛi lɛ.

Marko 6:21

Ni gbi ni sa lɛ bashɛ, be ni Herode yeɔ efɔmɔ gbijurɔ ni eŋmɛ ebladei kɛ esafoiatsɛmɛi kɛ Galilea onukpai lɛ okplɔ̃ lɛ: