Daniel 4:3 - ŊMALƐ KRƆŊKRƆŊ LƐ

³ “Kwɛ bɔ ni okadii ni Nyɔŋmɔ jieɔ etsɔ̃ɔ wɔ lɛ tsiitsii hã. Kwɛ bɔ ni enifeemɔ nii yɔɔ naakpɛɛ naakpa. Emaŋtsɛyeli lɛ, naanɔ maŋtsɛyeli ni, ni ejɛɔ yinɔ kɛyaa yinɔ!

Ṅmãle̱ Kroṅkroṅ Le̱

³ Kwe̱ bo̱ni ekadii le̱ dăra hã ke̱ bo̱ni enākpe̱nii le̱ wa hã! *Emaṅtše̱yeli le̱ nāno̱ maṅtše̱yeli ni, ni eno̱yeli le̱ dše̱o̱ yino̱ ke̱-yeä yino̱! *5,27.

Daniel 4:3 Iomraidhean Croise

Hiob 25:2

“Nyɔŋmɔ dɛŋ hewalɛ fɛɛ yɔɔ, mɛi fɛɛ ashe lɛ gbeyei; ehã toiŋjɔlɛ ehe shi yɛ eŋwɛi maŋtsɛyeli lɛ mli.

Lalai 104:24

Oo Yehowa, onitsumɔi lɛ fa naakpa, fɛɛ jɛ onilee mli. Shikpɔŋ lɛ nɔ eyi tɔ kɛ onibɔɔnii sɔŋŋ.

Lalai 105:27

Amɛtsu Nyɔŋmɔ naakpɛɛ nitsumɔi lɛ yɛ Ijipt; amɛfee naakpɛɛ nii lɛ yɛ Ijipt shikpɔŋ lɛ nɔ.

Lalai 145:13

Omaŋtsɛyeli lɛ, naanɔ maŋtsɛyeli ni; ni olumɔyeli lɛ hiɔ shi kɛyaa yinɔi fɛɛ nɔ.

Lalai 66:7

Eeye maŋtsɛ kɛ hewalɛ kɛmiiya naanɔ, ni ehiŋmɛii kã majimaji fɛɛ ahe. Atuatselɔi akawo amɛhe nɔ!

Lalai 72:18

Ajie Yehowa, Israel Nyɔŋmɔ lɛ, yi! Lɛ ekoome too efeɔ naakpɛɛnii.

Lalai 77:19

Ofo ŋshɔ kwɔŋkwɔŋ lɛ. Onyiɛ kɛtsɔ̃ ŋshɔkei lɛ amli; shi anaaa onanemaamɔhei.

Lalai 86:10

Ejaakɛ oje agbo, ni ofeɔ naakpɛɛnii. Bo okoome pɛ ji Nyɔŋmɔ.

Lalai 92:5

Oo Yehowa, kwɛ bɔ ni onitsumɔi lɛ dara hã! Ni ojwɛŋmɔ mli kwɔ naakpa.

Yesaia 25:1

Ao Yehowa, bo ji miNyɔŋmɔ; mibakafo bo, mibajie ogbɛi lɛ yi. Ejaakɛ otsu naakpɛɛnii. Oyiŋ ni oto kɛjɛ blema beebe lɛ oye ehe anɔkwa.

Yesaia 28:29

Yehowa, Taiatsɛ lɛ, ji mɔ dɛŋ ni nilee nɛɛ hu jɛ. Enilee yɛ naakpɛɛ, ni ejwɛŋmɔ mli kwɔ naakpa.

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Daniel 2:2

No hewɔ lɛ, Maŋtsɛ Nebukadnezar fã akɛ ayatsɛ ashwãifeelɔi kɛ klamɔfoi kɛ ŋkunyaayelɔi ni yɔɔ Babilonbii ateŋ lɛ abaha lɛ koni amɛbatsɔ̃ɔ lɛ elamɔi lɛ ashishi. Be ni gbɔmɛi nɛɛ shɛ maŋtsɛ lɛ hiɛ lɛ,

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 4:17

Nɛkɛ ji bɔ ni ŋwɛi saralɔi lɛ ekpɛ mli ehã, ni mɛi krɔŋkrɔŋi lɛ hu kɛ amɛ kpãa gbee nakai nɔŋŋ, koni adesai fɛɛ kɛna amɛle akɛ mɔ ni yɔɔ ŋwɛi shɔŋŋ lɛ, eyɛ hewalɛ yɛ gbɔmɔ adesa nɔyeli fɛɛ nɔyeli nɔ, asaŋ akɛ eŋɔɔ hewalɛ ehãa mɔ ni lɛ esumɔɔ, ni ekɛ gbɔmɛi amliwoo tete po taa maŋtsɛ sɛi nɔ.’

Daniel 7:14

Ahã lɛ nɔyeli kɛ anunyam kɛ maŋtsɛyeli hewalɛ koni majimaji kɛ asafoi srɔtoi kɛ wiemɔi srɔtoi ashikpɔji anɔ bii fɛɛ asɔ̃mɔ lɛ. Emaŋtsɛyeli lɛ naanɔ maŋtsɛyeli ni, ni esɛɛ efoŋ; ni mɔ ko mɔ ko nyɛŋ hiɛ akpãtã.

Daniel 7:27

Kɛkɛ lɛ abaatu shikpɔŋ tso muu lɛ fɛɛ nɔ maŋtsɛyeli hewalɛ lɛ kɛ egbojee lɛ fɛɛ awo Nyɔŋmɔ Ofe lɛ mɛi krɔŋkrɔŋi lɛ adɛŋ. Amɛmaŋtsɛyeli hewalɛ nɛɛ sɛɛ efoŋ, ni shikpɔŋ lɛ nɔ lumɛi fɛɛ baasɔ̃mɔ amɛ, ni amɛbaabo amɛ toi.”

Romabii 11:33

Ao, Nyɔŋmɔ nifalɛ kɛ ŋaa kɛ nilee mlikwɔlɛ! Ekojomɔi lɛ anyɛɛɛ shishi ana, ni egbɛi lɛ hu anyɛɛɛ sɛɛ mo aja!

5 Mose 4:34

Aloo nyɛnu nyɔŋmɔ ko eka dã akɛ eeeya maŋ ko nɔ, ni eyakpɔ̃ mɛi komɛi kɛje nakai maŋ lɛ mli ni ebafee mɛi lɛ lɛ diɛŋtsɛ emɛi tamɔ bɔ ni Yehowa, nyɛNyɔŋmɔ lɛ, tsɔ̃ kai kɛ okadii kɛ naakpɛɛ nii, kɛ ta kɛ nineshiwalɛ kɛ hewalɛ kpeteŋkple nɔ efee ehã nyɛ yɛ Ijipt, yɛ nyɛ diɛŋtsɛ nyɛhiŋmɛiiaŋ lɛ?

1 Timoteo 1:17

Shi naanɔi aMaŋtsɛ lɛ, mɔ ni gbooo, mɔ ni anaaa, mɔ ni ji Nyɔŋmɔ kome lɛ, aŋɔ woo kɛ anunyam ahã kɛyashi naanɔi anaanɔ. Amen!

Hebribii 1:8

Shi Bi lɛ, ekɛɛ yɛ ehe akɛ, “Ao Nyɔŋmɔ, omaŋtsɛ sɛi lɛ ma shi kɛmiiya naanɔi anaanɔ, ni omaŋtsɛ tso lɛ, jalɛ maŋtsɛ tso ni.

Hebribii 2:4

ni Nyɔŋmɔ diɛŋtsɛ hu kɛ okadii kɛ naakpɛɛnii kɛ hewalɛnii srɔtoi kɛ Mumɔ Krɔŋkrɔŋ hãmɔ lɛ miiye odase miishi nɔ, yɛ lɛ diɛŋtsɛ esuɔmɔ naa.

1 Petro 4:11

Kɛ wiemɔ mɔ ko wieɔ lɛ, ewie lɛ akɛ Nyɔŋmɔ wiemɔi; kɛ sɔ̃ɔmɔ mɔ ko sɔ̃mɔɔ lɛ, esɔ̃mɔ akɛ hewalɛ ni Nyɔŋmɔ hãa lɛ lɛ mli ejeɔ esɔ̃mɔɔ, koni atsɔ̃ Yesu Kristo nɔ awo Nyɔŋmɔ hiɛ nyam yɛ nii fɛɛ mli; lɛ enɔ ji anunyam lɛ kɛ hewalɛ lɛ kɛyashiɔ naanɔi anaanɔ lɛ. Amen!

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”