1 Samuel 2:2 - ŊMALƐ KRƆŊKRƆŊ LƐ

² “Mɔ krɔŋkrɔŋ ko bɛ tamɔ bo, Yehowa, osɛɛ lɛ mɔ ko bɛ dɔŋŋ; Mɔ ko bɛ hewalɛ tamɔ wɔNyɔŋmɔ lɛ.

Ṅmãle̱ Kroṅkroṅ Le̱

² Mokroṅkroṅ ko be̱ ní tamo̱ Iehowa, edšake̱ ose̱ le̱ mokomoko be̱; ni te̱sā ko hũ be̱ ní tamo̱ wo̱-Nyoṅmo̱ le̱!

1 Samuel 2:2 Iomraidhean Croise

2 Samuel 22:3

MiNyɔŋmɔ lɛ ji mitɛsaa, mɔ mli ni mibaa abo yɛ. Ebuɔ mihe tamɔ tsɛŋ, ni efãa mihe, ni ehãa mifeɔ shweshweeshwe. Lɛ ji miyiwalaherelɔ ni buɔ mihe, ni hereɔ mi kɛjɛɔ nɔnaa mli.

2 Samuel 22:32

Yehowa pɛ ji Nyɔŋmɔ, ni Nyɔŋmɔ pɛ ji wɔhefãlɔ.

2 Samuel 7:22

Anɔkwa, oda kpeteŋkple, Ofe, ejaakɛ mɔ ko mɔ ko kɛ bo yeee egbɔ, ni asaŋ yɛ nii fɛɛ ni wɔnu kɛ wɔtoi lɛ naa lɛ, osɛɛ lɛ nyɔŋmɔ ko nyɔŋmɔ ko bɛ.

1 Maŋtsɛmɛi 8:23

ni ekɛɛ, “Yehowa, Israel Nyɔŋmɔ! Nyɔŋmɔ ko bɛ ŋwɛi yɛ yiteŋ gbɛ loo shikpɔŋ lɛ nɔ yɛ shishigbɛ ni tamɔ bo, ni otoɔ kpãŋmɔ kɛ mɔbɔnalɛ ohãa otsuji ni boɔ bo toi kɛ amɛtsui fɛɛ lɛ.

Lalai 111:9

Ehã akpɔ̃ ewebii lɛ, ni ekɛ amɛkpãŋ naanɔ kpãŋmɔ, Egbɛi lɛ he tse, ni egbɛi lɛ he yɛ gbeyei.

Lalai 18:2

Yehowa ji mitɛsaa kɛ mimɔɔ ni wa, kɛ mijielɔ. MiNyɔŋmɔ kɛ mitɛsaa, mɔ mli ni mibaa abo yɛ; bo ji mitsɛŋ kɛ miyiwalaheremɔ akloŋto. Bo ji mimɔɔ ni wa.

Lalai 18:31

Shi namɔ ji Nyɔŋmɔ kɛjɛ Yehowa sɛɛ? Ni namɔ ji wɔbobaahe yɛ wɔNyɔŋmɔ lɛ sɛɛ.

Lalai 71:19

Oo Naa Nyɔŋmɔ, ojalɛ kɛ ohewalɛ lɛ kwɔ kɛshɛɔ ŋwɛii amli ŋwɛi. Oo Nyɔŋmɔ, bo ofee nibii wuji osaso bɛ.

Lalai 71:3

Tsɔ̃ abobaa tɛkplo ohã mi, kɛ mɔɔ ni wa ni okɛhere miyiwala, ejaakɛ mitɛsaa kɛ mimɔ̃ɔ ji bo!

Lalai 73:25

Namɔ miyɔɔ yɛ ŋwɛi fe bo? Ni nɔ ko nɔ ko bɛ shikpɔŋ nɛɛ nɔ ni mitaoɔ yɛ bo osɛɛ.

Lalai 86:8

Oo Nuŋtsɔ, nyɔŋmɔi lɛ ateŋ eko eko bɛ ni tamɔ bo; ni nitsumɔ ko nitsumɔ ko bɛ ni kɛ onitsumɔ yeɔ hegbɔ.

Lalai 89:6

Ejaakɛ namɔ yɔɔ atatuiaŋ ni ekɛ bo, Yehowa, ye hegbɔ? Ŋwɛibii lɛ ateŋ namɔ yɔɔ ni etamɔ Yehowa?

Lalai 89:8

Oo Yehowa, Nyɔŋmɔ Taiatsɛ, Oo! Namɔ ji hewalɛtsɛ tamɔ bo, Yehowa? Onɔkwayeli ebɔle ohe kpula kɛkpe!

Lalai 99:3

Aaajie ogbɛi kpeteŋkple ni he yɔɔ gbeyei lɛ yi. Ehe tse krɔŋkrɔŋ!

Lalai 99:5

Nyɛkafoa Yehowa, wɔNyɔŋmɔ lɛ; nyɛjaa yɛ enaneshi maaŋoo lɛ hiɛ! Ehe tse krɔŋkrɔŋ.

Lalai 99:9

Nyɛkafoa Yehowa, wɔNyɔŋmɔ lɛ! Nyɛjaa yɛ egɔŋ krɔŋkrɔŋ lɛ nɔ, ejaakɛ Yehowa, wɔNyɔŋmɔ lɛ, ehe tse krɔŋkrɔŋ.

2 Mose 15:11

“Namɔ tamɔ Bo, Yehowa, yɛ nyɔŋmɔi lɛ ateŋ? Namɔ tsuɔ nyam nii ni yɔɔ gbeyei kɛ naakpɛɛ?

Yesaia 40:18

Belɛ namɔ nyɛkɛaato Nyɔŋmɔ he, ni mɛni yɔɔ su ni tamɔ esu?

Yesaia 44:6

Bɔ ni Yehowa, Israel maŋtsɛ, Israel Kpɔlɔ, Yehowa, Taiatsɛ lɛ, kɛɛ nɛ, “Mi ji klɛŋklɛŋ mɔ kɛ naagbee mɔ; kɛjɛ mi, misɛɛ lɛ Nyɔŋmɔ ko Nyɔŋmɔ ko bɛ dɔŋŋ.

Yesaia 44:8

Nyɛhe akakpokpoa ni nyɛkashea gbeyei! Ani jeee blema beebe mijɛ mikɛɛ nyɛ, ni nyɛnu kɛjɛ minaa? Nyɛ ji midasefoi! Ani misɛɛ lɛ Nyɔŋmɔ ko yɛ? Tɛsaa ko bɛ he ko he ko, mileee eko.”

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Yesaia 6:3

Mɔnɛ boɔ ekɛɔ mɔnɛ akɛ, “Krɔŋkrɔŋ, krɔŋkrɔŋ, krɔŋkrɔŋ ji Yehowa, Taiatsɛ lɛ! Shikpɔŋ muu lɛ fɛɛ eyi obɔ kɛ enunyam lɛ.”

Yeremia 10:6

Yehowa, mɔ ko mɔ ko bɛ ni tamɔ bo. Bo lɛ oje agbo, ni ogbɛi hu je agbo, ni eyɛ hewalɛ.

3 Mose 11:44

Mi ji Yehowa, nyɛNyɔŋmɔ lɛ. No hewɔ lɛ, nyɛfea nyɛhe krɔŋkrɔŋ; nyɛtoa nyɛhe krɔŋkrɔŋ, ejaakɛ mɔ krɔŋkrɔŋ ji mi. No hewɔ lɛ, nyɛkɛ nibii ni eyi shikpɔŋ lɛ nɔ obɔ̃ lɛ eko eko akabulea nyɛhe.

3 Mose 11:45

Mi ji Yehowa mɔ ni jie nyɛ kɛjɛ Ijipt shikpɔŋ lɛ nɔ, koni matsɔ̃ nyɛNyɔŋmɔ lɛ. No hewɔ lɛ, nyɛfea nyɛhe krɔŋkrɔŋ, ejaakɛ mɔ krɔŋkrɔŋ ji mi.

3 Mose 19:2

ni ekɛɛ Israelbii lɛ akɛ, “Nyɛfea nyɛhe krɔŋkrɔŋ, ejaakɛ mi, Yehowa, nyɛNyɔŋmɔ lɛ, mɔ krɔŋkrɔŋ ji mi.

Romabii 15:4

Ejaakɛ nibii abɔ ni aŋma ato momo lɛ, aŋma ni etsɔ̃ɔ wɔ nii, koni wɔkɛ hiɛmiamɔ kɛ ŋmalɛi lɛ amli miishɛjemɔ lɛ ana hiɛnɔkãmɔ.

Romabii 4:8

Ajɔɔ nuu ni Nuŋtsɔ lɛ ebuuu ehe esha lɛ ehãaa lɛ lɛ.”

5 Mose 3:24

‘Nuŋtsɔ Yehowa, ogbojee kɛ ohewalɛ lɛ eshishi kɛkɛ oje ojieɔ otsɔ̃ɔ otsulɔ nɛɛ; ejaakɛ mɛɛ Nyɔŋmɔ yɔɔ dɔŋŋ, yɛ ŋwɛi jio, shikpɔŋ lɛ nɔ jio, ni aaanyɛ hewalɛ naa nibii wuji ni otsu nɛɛ etsu?

5 Mose 32:20

Kɛkɛ ni ekɛɛ akɛ, ‘Mifeŋ amɛ ejurɔ ko dɔŋŋ.’ Makwɛ bɔ ni amɛnaagbee baatamɔ ahã, ejaakɛ yinɔbii toigbolɔi ji amɛ, bii ni yeee anɔkwa.

5 Mose 32:39

“‘Te nyɛna akɛ Mi nɔŋŋ ji Mi, ni misɛɛ lɛ nyɔŋmɔ ko bɛ dɔŋŋ? Migbeɔ, ni mihãa wala, mipilaa mɔ, ni mitsaa mɔ, ejaakɛ mɔ ko nyɛɛɛ nɔ ko ashɔ̃ yɛ mi midɛŋ.

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

5 Mose 4:35

Ahã nyɛna nibii nɛɛ koni nyɛkɛle akɛ Yehowa koome ji Nyɔŋmɔ, ni lɛ esɛɛ lɛ nyɔŋmɔ ko bɛ dɔŋŋ.

5 Mose 4:39

No hewɔ lɛ, nyɛnaa nyɛlea ŋmɛnɛ, ni nyɛkɛtoa nyɛyiŋ, akɛ Yehowa ji ŋwɛi kɛ shikpɔŋ lɛ fɛɛ Nyɔŋmɔ; lɛ esɛɛ lɛ mɔ ko bɛ dɔŋŋ.

1 Petro 1:16

Ejaakɛ aŋma akɛ. “Nyɛfea krɔŋkrɔŋ, ejaakɛ mɔ krɔŋkrɔŋ ji mi.”