1 Mose 26:3 - ŊMALƐ KRƆŊKRƆŊ LƐ

³ too gbɔ yɛ shikpɔŋ nɛɛ nɔ; ni mikɛ bo aaahi shi, ni majɔɔ bo, ejaakɛ bo kɛ oshwiei mikɛ nɛkɛ shikpɔŋ nɛɛ fɛɛ baahã,

Ṅmãle̱ Kroṅkroṅ Le̱

³ to gbo̱ ye̱ šikpoṅ ne̱ no̱, ni mike̱o aahĩ ši ni madšō̱o; ši bo ke̱ *oseši ma-ṅõ ne̱ke̱ šikpõdši ne̱ fẽ mahã, ni maye †kitã ni mikā otše Abraham le̱ no̱. *12,7. †22,13.

1 Mose 26:3 Iomraidhean Croise

1 Mose 12:7

Kɛkɛ ni Yehowa jie ehe kpo etsɔ̃ɔ Abram ni ekɛɛ, “Oshwiei mikɛ nɛkɛ shikpɔŋ nɛɛ baahã.” No hewɔ lɛ, Abram mã afɔleshãa latɛ yɛ jɛi ehã Yehowa, mɔ ni jie ehe kpo etsɔ̃ɔ lɛ lɛ.

1 Mose 13:15

bo kɛ oshwiei mikɛbaahã kɛaatee naanɔ.

1 Mose 13:17

Tee shi, nyiɛmɔ shikpɔŋ lɛ nɔ kɛtsɔ̃ ekɛlɛ kɛ elɛɛmɔ nɔ, shi bo mikɛbaahã”.

1 Mose 15:18

Ni nakai gbi lɛ, Nyɔŋmɔ kɛ Abram kpãŋ ni ekɛɛ, “Oshwiei lɛ mikɛ nɛkɛ shikpɔŋ nɛɛ baahã, kɛjɛ Ijipt faa lɛ naa kɛyashi faa kpeteŋkple ni ji Eufrate Faa lɛ naa.

1 Mose 17:19

Nyɔŋmɔ kɛɛ akɛ, “Okɛ oŋa Sara lɛ baafɔ binuu, ni obaawo lɛ gbɛi akɛ Isak. Mahã mi kɛ lɛ kpãŋmɔ lɛ ama shi ni etsɔ̃ naanɔ kpãŋmɔ ehã eshwiei ni aaaba yɛ esɛɛ lɛ.

1 Mose 17:8

Mikɛ shikpɔŋ ni obato gbɔ yɛ nɔ nɛɛ baahã bo kɛ oshwiei ni aaaba yɛ osɛɛ lɛ. Kanaan shikpɔŋ muu lɛ fɛɛ aaatsɔ̃ oshwiei anɔ kɛya naanɔ, ni matsɔ̃ amɛNyɔŋmɔ.”

1 Mose 20:1

Abraham fã yɛ he ni eyɔɔ lɛ kɛtee wuoyigbɛ shikpɔŋ lɛ nɔ. Eyahi Kadesh kɛ Shur teŋ, ni eyato gbɔ yɛ Gerar.

1 Mose 25:11

Abraham gbele sɛɛ lɛ, Nyɔŋmɔ jɔɔ ebinuu Isak. Ehi shi yɛ “Mɔ ni hiɛ kã ni naa mi” lɛ nubu lɛ he.

1 Mose 26:12

Ni Isak fee ŋmɔ, ni edu nii yɛ nakai shikpɔŋ lɛ nɔ; ni ena nakai bɔ toi oha yɛ nakai afi lɛ nɔ nɔŋŋ, ejaakɛ Yehowa jɔɔ lɛ.

1 Mose 26:14

Ena too kui kɛ tsina kui kɛ webii pii. Ni Filistibii lɛ ahiɛ kɔ̃ enɔ.

1 Mose 26:24

Yehowa jie ehe kpo etsɔ̃ɔ lɛ nakai nyɔɔŋ lɛ mli nɔŋŋ ni ekɛɛ, “Mi ji otsɛ Abraham Nyɔŋmɔ lɛ; kaashe gbeyei, ejaakɛ mikɛ bo yɛ, ni majɔɔ bo; mahã oshwiei afa yɛ mitsulɔ Abraham hewɔ.”

1 Mose 28:13

ni Yehowa damɔ aŋtswere lɛ yiteŋ ni ekɛɛ akɛ, “Mi ji Yehowa, otsɛ Abraham Nyɔŋmɔ, kɛ Isak Nyɔŋmɔ lɛ; shikpɔŋ ni okã nɔ nɛɛ, bo kɛ oshwiei mikɛbaahã.

1 Mose 28:15

Na ole akɛ mikɛ bo yɛ ni he fɛɛ he ni oyaa lɛ, mabu ohe, ni mikɛ bo aaaba shikpɔŋ nɛɛ nɔ ekoŋŋ, ejaakɛ mishiŋ bo kɛyaashi beyinɔ ni mafee nɔ ni mitsi tã mikɛɛ bo lɛ.”

1 Mose 31:3

Kɛkɛ ni Yehowa kɛɛ Yakob akɛ, “Kuu osɛɛ kɛya otsɛmɛi kɛ owekumɛi ashikpɔŋ lɛ nɔ, ni mi kɛ bo aaahi shi.”

1 Mose 35:12

Shikpɔŋ lɛ ni mikɛhã Abraham kɛ Isak lɛ, bo mikɛbaahã, ni oshwiei ni aaaba yɛ osɛɛ lɛ mikɛ shikpɔŋ nɛɛ baahã.”

1 Mose 39:2

Yehowa kɛ Yosef yɛ, ni ehã efee nɔbatsɛ.

1 Mose 39:21

Shi Yehowa kɛ Yosef yɛ. Ena lɛ mɔbɔ ni ehã ena hiɛ yɛ gboklɛfoi akwɛlɔ lɛ hiɛ.

1 Mose 48:21

Kɛkɛ ni Yakob kɛɛ Yosef akɛ, “Naa, mi lɛ, migbele be eshɛ etã, shi nyɛ lɛ Nyɔŋmɔ kɛ nyɛ baahi shi, ni ekɛ nyɛ baaku sɛɛ kɛya nyɛblematsɛmɛi ashikpɔŋ lɛ nɔ ekoŋŋ.

1 Mose 50:24

Agbɛnɛ Yosef kɛɛ enyɛmimɛi lɛ akɛ, “Migbele be eshɛ; shi saramɔ Nyɔŋmɔ aaabasra nyɛ kɛ̃, ni eeekpala nyɛ yɛ shikpɔŋ nɛɛ nɔ kɛaatee shikpɔŋ ni ekã Abraham kɛ Isak kɛ Yakob kitã yɛ he lɛ nɔ.”

1 Kronika 16:16

ni ji kpãŋmɔ ni ekɛ Abraham kpãŋ lɛ; kɛ kitã lɛ hu ni ekã Isak lɛ,

Lalai 105:8

Ehiɛ yɛ ekpãŋmɔ lɛ nɔ kɛmiiya naanɔ. Ehiɛ yɛ ewiemɔ ni ekɛ ma shi ehã yinɔi akpe lɛ nɔ;

Lalai 105:9

kpãŋmɔ ni ekɛ Abraham kpãŋ lɛ, kitã ni ekã Isak lɛ;

Lalai 32:8

Mi, Yehowa, mawo bo ŋaa, ni matsɔ̃ɔ bo gbɛ ni onyiɛ nɔ; mihiŋmɛi aaakã ohe.

Lalai 39:12

Oo Yehowa, bo mifaikpamɔ lɛ toi ni ofee toi ohã mikɔmɔyeli lɛ. Mihiɛ yaafonu lɛ hewɔ lɛ kaamua onaa; ejaakɛ oshikpɔŋ nɛɛ nɔ gbɔ kɛkɛ ji mi, mɔkpɔŋ tamɔ mitsɛmɛi lɛ nɔŋŋ.

2 Mose 2:24

Nyɔŋmɔ nu amɛkɔmɔyeli lɛ, ni ekai kpãŋmɔ ni ekɛ Abraham kɛ Isak kɛ Yakob kpãŋ lɛ.

2 Mose 3:12

Nyɔŋmɔ to he akɛ, “Mi kɛ bo ni yaa lɛ, ni enɛ ji nɔ ni aaaye he odase akɛ mi mitsu bo lɛ. Kɛji oyajie Israelbii lɛ kɛje Ijipt kɛba lɛ, nyɛbaa gɔŋ krɔŋkrɔŋ nɛɛ he nyɛbajaa mi.”

2 Mose 6:4

Ni misaa mi kɛ amɛ kpãŋ akɛ mikɛ Kanaan shikpɔŋ lɛ baahã amɛ, shikpɔŋ ko ni amɛyato gbɔ yɛ nɔ lɛ.

2 Mose 6:7

Maŋɔ nyɛ mafee mi diɛŋtsɛ mimaŋ, ni matsɔ̃ nyɛNyɔŋmɔ, ni nyɛaale akɛ mi ji Yehowa, nyɛNyɔŋmɔ lɛ, ni jie nyɛ yɛ Ijipt nyɔŋyeli lɛ mli lɛ.

2 Mose 6:8

Mikɛ nyɛ aaatee shikpɔŋ lɛ ni mikã he kitã akɛ mikɛbaahã Abraham kɛ Isak kɛ Yakob lɛ nɔ. Mi ji Yehowa.’ ”

Yesaia 43:2

Kɛji oofo faa ni mli kwɔ lɛ, mikɛ bo yɛ; ni oofo faa hu nu lɛ esuŋ bo; Kɛji onyiɛ la mli lɛ, eshaŋ bo, ni lalilɛi lɛ kpãtãŋ ohiɛ.

Yesaia 43:5

Kaashe gbeyei, ejaakɛ mi mikɛ bo yɔɔ. Maŋɔ oshwiei kɛaajɛ bokã kɛba, ni mabua onaa kɛaajɛ anai.

Mika 7:20

Obaajie onɔkwayeli kɛ osuɔmɔ ni tsakeee lɛ kpo otsɔ̃ɔ omaŋ lɛ, ni ji Abraham kɛ Yakob shwiei lɛ tamɔ bɔ ni owo wɔtsɛmɛi lɛ ashi blema bei lɛ amli beebe lɛ.

4 Mose 23:19

Nyɔŋmɔ jeee gbɔmɔ adesa ni eeemale, aloo gbɔmɔ ni eeeshwa ehe yɛ nɔ ni efee hewɔ. Mɛni ekɛɛ dã ni efeee; aloo ewo ehe shi ni eyeee nɔ?

5 Mose 1:8

Shikpɔŋ lɛ mikɛfɔ̃ nyɛhiɛ nɛɛ. Nyɛyaa ni nyɛyaŋɔa! Yehowa wo nyɛtsɛmɛi Abraham kɛ Isak kɛ Yakob shi yɛ he akɛ ekɛbaahã amɛ kɛ amɛshwiei.’ ”

5 Mose 34:4

Kɛkɛ ni Yehowa kɛɛ Mose akɛ, “Shikpɔŋ lɛ ni miwo Abraham kɛ Isak kɛ Yakob shi yɛ he akɛ, ‘Mikɛbaahã nyɛshwiei’ lɛ, no nɛ. Mihã ona kɛ ohiŋmɛitsei enyɔ, shi jɛi ni oyaŋ.”

Filipibii 4:9

Nii hu ni nyɛkase ni nyɛmɔ mli ni nyɛnu ni nyɛna yɛ mihe lɛ, nomɛi nɔŋŋ nyɛfea, ni hejɔlɛ Nyɔŋmɔ lɛ kɛ nyɛ aaahi shi.

Hebribii 11:9

Hemɔkɛyeli ekɛyahi shiwoo shikpɔŋ lɛ nɔ akɛ gbɔ, ni ekɛ Isak kɛ Yakob ni ekɛ amɛ ji nakai shiwoo lɛ nɔŋŋ yelɔi lɛ hi bui amli;

Hebribii 6:17

No hewɔ hu ni be ni Nyɔŋmɔ tao akɛ etsɔ̃ɔ shiwoo lɛ yelɔi lɛ akɛ eyiŋtoo lɛ tsakeee kwraa lɛ, ekɛ kitã damɔ mli