Yuda 1:9 - Ngudradreadrekadhane Ka Sisiu 魯凱語聖經

⁹ Adravane ku kiacapili ki sasiakawlu belenge ka Mikaele, ngwalai ki wapacainga ka kinawmasane ki Musi madradrikisi ki Akema la kai thuru arakai ku tusinalremeane ku vaga kaelaela iniane, amia kai lakathane, “Ku Tamatama lri kaelaela muswane!”

Yuda 1:9 Iomraidhean Croise

1 Lacaili 12:17

Ku Davidi la mulatadre kidredresenge liniane, kawriva liniane, “Lwiyasi lri tutalragi numi nakwane si ka paralubu nakwane, kiaragadhaku lu kipaelre numi naiane; kadrwa ku nau tulisi iyali numiane. Lwiyasi la kidredreme numi ku kialangai nakwane si baai ki badhali, lri thingale ku Twaumase ki cucungulane nai, lai lri pathavungu numiane.”

Takatwasane Izipiti 22:28

“Madha tudreadreadrekase ki Twaumase, la madha pusupusu ki kiacapili ki mapapangale.

Daniele 10:13

Ai ku palribulu ki kuni ki Perisia ka sasiakawlu belenge watelenge nakwane, lakamani ku ngiabalaili ku nitara 21 ku vai. La tangeangeaku asuru ikai Perisia, yakai ku tangeea ka kiacapili ki sasiakawlu belenge ka Mikaele kaiyanganai paralubu nakwane.

Daniele 12:1

Kudra sialaimai ku malubibiri ka kaimadhane ku laimai ka sasiakawlu belenge amia kai, “Lukamani kwidra, kudra palakelakebe ki sakacekelesu ka kiacapili ki sasiakawlu belenge ka Mikaele lri mutaluvaivai. Lai lri ikai ku lrika amatikurwane, twalai ku tacegecegane ki kuni madradraunga ka amatikurwane. Ikai kwini, ki sakacekelesu ku kiapacase pikai ki mibu ki niake ku nagane, lri kipalriibulu makanaelre.

Zakaria 3:2

Ku sasiakawlu ki Tamatama la iya kai ki Satange, “Satange, ani kaelaela ku Tamatama muswane! Ku madalame Yerusalrime ka Tamatama ani kaelaela muswane. Kikai umawmase kai ngiamia ki nipatwaladhane ki apwi malra bilibili ka vaeva ka angatu.”

Maruku 15:29

Ku ngwakai kwini lribate ku laumawmase twasinalrelreme ki Yesu, si veteevete ku awlru iya kai, “Henge, kusu ka nau buruku ku daane ki Twaumase, si lai maka tutulrulu tupela tudaane!

Tapelane Drekase 34:6

Ku Tamatama la malra iniane dralreke pikai balrealreanane ki cekele Bithepiure ka valrwalru Muabe, pakelanga kaikameane, kadrwa ku umawmase ku wathingale ku taikaiyaneini kidralreke.

1 Tisaruniki 4:16

Asi lwiyane, ku drekase ki Tamatama sana pulebe, ku kiacapili ki sasiakawlu belenge sana tawtau, ku rapa ki Twaumase sana elrange, ku Tamatama lri twalai belenge mulebe, kudra lamasalru ki Kirisitu si pacainga ku umawmase lri aswala siela,

1 Pitiru 3:9

Madha arakaikai ku ngialisiane bilri ki ngialisiane, ku tusinalremeane bilri ki tusinalremeane, ngibalrealringa arakai ku sasubulrubulrwane bilri, asi lwiyane ku dawlu numiane ki Twaumase ku pacugane lri subulrubulru numiane.

2 Pitiru 2:11

Adravane kudra walribate ku puku kai ki kaika patengane ka tarabulrubulru ka sasiakawlu belenge, mialri kai arakai ku tusinalremeane ku vaga; icucubungu ki Tamatama kukusu liniane.

Nipadrelane 12:7

Sakabilrilinga, kai belenge la makaruruburu. Ku Mikaele si sasiakawluini belenge makakaruburu ki baralebale, ku baralebale si sasiakawluini la mialri kainganai kidresenge kikaruburu.