Yuda 1:8 - Ngudradreadrekadhane Ka Sisiu 魯凱語聖經

⁸ Kikai kai mwasakene ki Twaumase ka laumawmase laka thadaalrane. Kwidra ngilisianane ki kidremedreme lini papasalriu liniane, kudrulru pangilisiane ki kinawmasane lini, kai lalasu twadrekase ku puku ki Twaumase, tusinalreme kudra ki yabelenge ka masasialrigu.

Yuda 1:8 Iomraidhean Croise

Tabekacane 3:5

Ku taiyane kai ki Twaumase, amani sathingale sana kane numi kavai madru ki angatu, lri ledra kwi maca numi; lai lri ngimia numi ki Twaumase dulru thingale ku mathariri si malisi.”

Takatwasane Izipiti 22:28

“Madha tudreadreadrekase ki Twaumase, la madha pusupusu ki kiacapili ki mapapangale.

Kavagavagane 30:11

Yakaai ku laumawmase ku wapusu kaelaela ki tama lini, kai wathingale kiaseasene ki tina lini.

Kavagavagane 30:17

Ku mwalralrakai ki tama, kudra latwadreadrekase ki pasuludrunga ka tina, lri kikane ki segese, ku maca lai lri kigaririu ki yaubulane ka talralreba.

Wabulru 10:20

Madha kawriariariva ku tangitumanane ki talialalai, adravane ka akalisiane pikai ki kidremedreme madha iyaiya. Madha kawriariariva ku tangitumanane ki sapaiswane ka umawmase, adravane ikaiyane tapeapecane maadha kawriariariva. Ku yabelenge ngipapapalai ka adhadhame alau lrika amani ku pasasarau kwini vagasu.

Taasipane 16:3

Yasarubu ikai cucubungu ki Musi si Arungu, la iya kai liniane, “Pasialribate numi paramuru! Kai mapapangale Twaumasane; ku Tamatama watapalra mitane. Anu ngitatwabeelenge, si lribate ki mapapangale ki Tamatama?”

Luka 11:25

Ala katwase siwlriwlri, la drele kwini ki daane laka madeemele si kabula ku talripethelane.

Luka 12:11

“Ku palrapalra lu iluku numiane pwa rarubwane ki swa Yuda, ku wailuku numiane mucucubungu ki tabebelenge ku wamwa ki warathudu si kisaibaibange, madha kakalikalithi ku lrika angipapasikaiyane ngipapalribulu kidrikisi kawrivariva, si ku manemanaini ku akawrivaneli iya;

Luka 19:14

Kwini sakacekeleini laka malrase iniane, la sikawlu ku tangea kabibilrili iniane si mwa iya kai, ‘Malrase nai kai ki lasu lu atalialalai naiane.’

Nisikawlane 23:5

La tubalre ku Pawru iya kai, “Lasakacekeleli, kainaku wathingale aka abebeelengenga ki barakalai kwini lasu. Ku Sisiu amianga kai, ‘Madha tulilisi ki taramarasikaikai ki mapapangale ka tabebelenge.’ ”

Nisikawlane 7:27

Kwini twasinalrelrelreme ki sakacekeleini la lrudrulu ki Musi si iya kai, ‘Aneane ku wadrekase muswane si lrika tamatamasu, tarasaibaibangesu si kelasu kicaicapili naiane?

Nisikawlane 7:39

“Ai, ku cucungulaneta kai kialalra iniane, la kai tumanemane iniane, si ka madadalameana siwlriwlri mu Izipiti.

1 Kurintu 3:17

Lakamani, alaiyasi ikai ku mabebetethe ku daane ki Twaumase, ku Twaumase lri tara kabebeetethe si amudu iniane; asi lwiyane kai daane ki Twaumase yai saniange, kunumi amani numi ku daane ki Twaumase.

1 Tisaruniki 4:8

Lakamani kudra malrase kikai ki sabulrwane, kaika malrase ki umawmase, malrasenga kudra ki wabaai ku Siri numiane ka Twaumase.

1 Timuthi 1:10

wacapange ki sawvalai si ababai, mamamwa ku tara sawvalai, walrilrigili, watavuvulrucu, wadraedrangelre kawriva ku asakalisiane ki palrapalra, si kilakikai wabaebalre ki kiatulrepenge ka sabulrwane kudra la miyaiya kai ku umawmase.

Hiburu 13:17

Pasalaladha ki tarasangililuku numiane, si kilalra ku vaga lini. Taradrangalrungalru ki abake numi, asi lwiyane lukabibilrili lri papia ki Twaumase baai ku takaungane lini. Lu kilalra numi liniane, lri kiragai kaungu, sana kai mia kwini, lri kasulri si kasalrai, luka miyaiya kai manemane ku akaesadhane numi?

1 Pitiru 2:17

Kunumi tukucingalra sanaka umawmase, kilibaka ki kiasusu ki Twaumase ka laretesane, usakena ukuludru ki Twaumase, la usakene ki Talialalai.