Yuda 1:7 - Ngudradreadrekadhane Ka Sisiu 魯凱語聖經

⁷ Si kudra yakai Sudume, Gumura, si ngwadadeethe ka lacekele ku umawmase, ngiamia kwidra ki lasasiakawlu belenge, kwidra kakudhane lini wacapange ki sawvalai si ababai, pangilralraingi ki beate lini, lakamani ku kiarakai lini ku kai lri kaedrepenga ka apwi kipathavungu. Kikai miyaiya kikai akipapawlringavaneta sanaka umawmase.

Yuda 1:7 Iomraidhean Croise

Tabekacane 13:13

Ku swa Sudume ngialisianenga turamuru, kai lalasu pakialringaunga pasalriu ki Tamatama.

Tabekacane 18:20

Ku Tamatama la iya kai, “Kialalraku ku makaalra ku nisidrurwane papia ki swa Sudume si swa Gumura; kwi lalasu swaetenga ku pasalrivane.

Tabekacane 19:5

La tawtau ki Lute, kivavaga iniane, “Kai maungu kudra yakai numianane kwini laumawmase yakai inu? Ta pulatadra liniane! Lanai taelre liniane apece.”

1 Latalialalai 22:46

Kwini lasu mwalra demedeme ku pasurwana ki tamaini ka Asa kudra yakai ki tasamiamiangane kudra ki lapairairange ka sawvalai.

Isaiya 1:9

Alaiyasi ku Tamatama ka abebeelengenga ki sanaka kwapingi lu kai pasuru ku laniake ki tapiya ki laumawmase, nai miata ki swa Sudume si swa Gumura kamudunga.

Isaiya 13:19

Kai Babilunia nangiaradhekane turamuru ka kuni, ka lrigu ki laumawmaseini. Ai kwaku ka Tamatama lri balreaku iniane, mararaamau ku nataamudaneli ki Sudume si Gumura.

Isaiya 33:14

Ku yakai Ziyungu ku pasalrisalriu ku umawmase lri mukuludru manugiligili. Kwi lalasu amia kai, “Ku saibange ki Twaumase mia ki apwi kai kaedredrepe palralrawthu, lri dulruta twalai kai ki apwi mubere?”

Yerimia 20:16

Kwi lasu ani ngimia ki kiamudu ki Tamatama ka cekele, kai kikakalithi ki Tamatama. Kwi lasu luka mialrealre ani kilalra ku watubitubi karalealeale, luka mwalringedele ani kilalra ku makarururuburu makakaralealeale.

Yerimia 50:40

Kunadruma kwaku ka Twaumase mabebetethaku ki swa Sudume si swa Gumura, si ngiathalringulu ka lacekele, ku swa Babilunia lai mialri ka thadaalrane kiamudu, kadrwanga ku umawmase kulri ikai kwini. Kwaku ka Tamatama amiaku kikai.

Silringau 4:6

Ku takipathavungane ki kawkawluli, pakilrialringau ki laumawmase ki swa Sudume. Ku Twaumase sa amudu ki Sudume, yasasane padaalru.

Husia 11:8

“Swa Iseraylri, lri tumanaku dulru cilri numiane? Lri tumanaku sarare numiane? Lri dulrwaku mia ku taamudaneli ki Adema kabebetethe numiane? Lri dulrwaku mia sa kiecebaku ki Zebuime si tungimiyaiya numiane? Kainaku walreme tungimiyaiya kikai, asi lwiyane madalamaku numiane!

Amuse 4:11

Ku Tamatama amia kai, “Ikai numiane lri ikai ku apakamudaneli ku laumawmase, mia sa pakaamudaku ki swa Sudume si swa Gumura. Kunumi ka latedranenga ka waudripi panianiake mararaamau ki niribicane patwalai ki apwi ka vaeva ka angatu. Ai kunumi sakamiyana numi kai maka ngibangulu papia nakwane.

Matai 10:15

Nau pudriadriingai pelaela numiane, ikai ki tasaibangane ka vai, ku takipathavungane ki swa Sudume si swa Gumura lrika maliapapaiyana ku takipathavungane kwini ki swakai kwini!”

Matai 11:24

Lakamani, lri pelanaku pelaela numiane, ikai ki tasaibangane ka vai, ku akipathavungane ki swa Sudume lrika maliapapaiyana ki akipangimiane numi!”

Matai 25:41

“Ku talialalai ala papia ki tali virini ka umawmase iya kai, ‘Katwasa! Kunumi ka nipuswane ki Twaumase, katwasaili! Si mwa kudra ki palralrawthu kai kaedrepe ka apwi ka nipadulrudulrwane pasikai ki Akema si twapapapalra iniane!

Luka 17:29

Ala kudra sa daruru ku vai ku takatwasane ki Lute kwini ki Sudume ka cekele, kudra thilaru ka apwi twalai subelebelenge mulebe, si alra amudu liniane makanaelre.

1 Kurintu 6:9

Bekace numi kai thingale ku manganga ku umawmase kai lri maka dulru akawkawlu ki kuni ki Twaumase? Madha ngikadraedraedrangelre! Sanaka wacapange ki sawvalai si ababai, wasukubu ki samiamiange, swadringai paswadringai, apairairange ka sawvalai, maupapalange ku tara sawvalai,

Tapelane Drekase 29:23

Lri aubulane ku laumawma, ki kadaengane lai lri suete ku balaru si timu, kaika adulrwanenga kaungu, adravane ka laubulu kai lri dulrunga cebe. Ku kadaengane numi lri mia kudra sa kalisi ku Tamatama si kabebetethe ki cekele ki swa Sudume, Gumura, Adema, Zebuime.

2 Tisaruniki 1:7

si kudra kwalrialri ku umawmase lri pakarededele naiane mukerenge. Lu adrelanenga ikai ki apwi ku Tamatama ka Yesu si sapukwane ka lasasiakawluini belenge, ku Twaumase lri pangimianga pia kikai.

2 Tisaruniki 1:8

Lri pathavungu ki kai wathingale iniane, si kwidra la kai kialalra ku patharukai ki hukuingi ki Tamatamata ka Yesu kwini laumawmase.

2 Pitiru 2:2

Adravane ka miyaiya kai, takaalrana ku umawmase ku lri tupapalra kudra ngilisianane ki kakwakudhane lini, ngwalai liniane ku patengane ka sabulrwane la kikabebetethe.

2 Pitiru 2:6

Ku Twaumase pathavungu ki swa Sudume si swa Gumura ka drusa ka cekele, pulebe ku apwi si lama, arakai tusabulrwane ki kai masalru ka laumawmase.

2 Pitiru 3:7

Kikainga kai subelebelenge si kai lebe laka thadaalrane ka arakai ku vaga ki Twaumase pikai paasuru, lri ukalava ki kai masalru ka umawmase ku akisaibangane, lulri kipakamudunga kudra vai, lri ara apwi lama.