Yuda 1:3 - Ngudradreadrekadhane Ka Sisiu 魯凱語聖經

³ Kinathalradhane ka latalragilragi, maulainga naku pasana tigami kikawriva numiane patharukai kudra ngwakai mitane ka sapalribulane, ai lu kidremedremaku kai ngwadringai lu kainaku makakaai pakipapawlringau numiane, ku apacungulane numi pasikai ku asanguvavaalane ki Twaumase si tulrepenge bulru ki lasinzia ku akikaruburane ki salrwane.

Yuda 1:3 Iomraidhean Croise

Nihimi 13:25

La kaelaelaku liniane, pusu liniane, lrumai liniane, gucugucu ku isiu lini. Pangukaiya ki nagane ki Twaumase kiketekete la iyaku liniane, si kai palrainginga liniane si lalalake lini mathaethareve ki drumane ka zuku.

Isaiya 45:17

Ai ku swa Iseraylri lri kipalribulu ki Tamatama. Lri kapalralrawthunga akaci; ku laumawmaseini kai lri kitusinalremenga.

Isaiya 45:22

Yakawmasane ka laumawmase, lu papia numi nakwane lri kipalribulu numi. Twaumasaku, kadrwanga ku drumane.

Yerimia 9:3

Kwi lalasu watavuvuvulrucu; arakai ku kaika patengatengane si tupatengane ka sabulrwane, si rathudu kai ki kadaengane. Ku Tamatama amia kai: Kai kawkawluli kai watelrai pia ku malisi, la kai tu Twaumase nakwane ka Twaumase lini.

Nisikawlane 17:3

ku Kirisitu lri tara tarumara ku akipakwalriane ala lri twalai ki wapacai si sielane la iya swaceacenge palalrwai, la iya kai, “Kikai Yesu kai pelaelaelali numiane, amani kwidra Kirisitu.”

Nisikawlane 18:28

La kingikalrale ikai ki tayelrelrelreane ki laumawmase sapukwane kidrikisi kawriva pamalebe ki swa Yuda, patwalai ki Sisiu pelaela pathingale ku Yesu aka Kirisitu.

Nisikawlane 20:27

Asi lwiyane kadrwanga ku putedrali kai pelaela numiane ku kidremedreme ki Twaumase.

Nisikawlane 28:28

La iya kai ku Pawru, “Lakamani kunumi thingala, ku sapelaelane ku sapalribulane ki Twaumase wadarurunga ki sakamaelanane ka umawmase. Kwini lalasu alau lri kilalra kamani!”

Nisikawlane 4:12

Ku sapalribulane twalai iniane sikathane kela, asi lwiyane ikai ki kiacaebe ki belenge kai kawmasane, ku Twaumase kai patarwamara ku drumane ku nagane, si lri ngukaita iniane kipalribulu.”

Nisikawlane 6:7

Ku vaga ki Twaumase la pacungulu paruswadrau, ikai Yerusalrime ku sinzia la aru padrima aru takalrakaalra, la takaalra ku barakalai ku mialri tarumara si kisusu.

Nisikawlane 9:13

Ku Anania la tubalre, “Tamatama, takalranga ku umawmase ku napeaelaela nakwane, kai lasu ku tahakegadhaneini ki lakiasususu muswane ikai Yerusalrime.

Nisikawlane 9:22

Ai, ku Saule arwa sapukwanelringa pelaela kai vaga ki Twaumase, arakai ku sapukwane ku vaga pelaela ku Yesu ala ka Kirisitu, ku yakai Damasekuse ku swa Yuda la kai maka tubalrenga.

1 Kurintu 15:3

Peaelaelanga naku numiane ku tarumarali ku makuciacingalrenga ka hukuingi, amani kai: Singiakai ku taiyane ki Sisiu, ku Kirisitu pasiakai ki pasalrivaneta pacai,

Galatia 2:5

Ai, ngwalai ku apasikaiyane numiane pikai kikai patengane ka sabulrwane ka hukuingi, lri kai nai kalrupi kai ki miyaiya kai ki umawmase.

Galatia 3:28

Kadrwanga ku swa Yuda ku sakamaelanane ka umawmase niyane apatatukudha, ku duri ku ngialralrainginga ka umawmase, ku sawvalai ku ababai, ikai adringi ki niake ki Yesu Kirisitu avaevanga numi ka kinawmasane.

Galatia 6:11

Lu drele numi, kikai saniange ka pacase amaniaku ka wapacase si baai numiane!

Ipisu 1:1

Kunaku ka Pawru, pangwakaiyaku ku kidremedreme ki Twaumase ka amani ku nisikawlane ki Yesu Kirisitu. Watigamiaku si baai ki yakai Ipisu kudra la yakai ki Yesu Kirisitu pakaelre ku kidremedreme si puku ka lasinzia.

Tapelane Drekase 21:9

Lu pangimia numi kikai ani pia kwini iya ki Tamatama, kai numi lri siamece kikai kiame kai ki kiapapacai.”

Tapelane Drekase 9:10

Sakabilrilinga, ku Tamatama la baai nakwane kwini drusa ka lrenege ka alibi. Kikai drusa ka lrenege ka alibi la arakai ku dadiputhaneini ngipapacase ku vaga, ka amani sa isarubu numi ka vai, ka vagaini patuelre ikai lregelrege ki kelrabe ka apwi.

Pilripi 1:1

Kunaku ka Pawru si Timuthi ka sasiakawlu ki Yesu Kirisitu, watigami nai si baai ki yakai Pilripi ka kawkawlu ki Twaumase, kamani ku sinzia ki Yesu Kirisitu, si kiacapili ki kiwkai si la taraparaluralubu.

Pilripi 1:27

Ku makuciacingalrenga yai: Ku tapanianianiakane numi nai pamamwa ku kitubi ki hukuingi ki Kirisitu. Lu kamiyaiya kai, adravane ku wadulrwaku ku kainaku wadulru kela drele numiane, wathingalaku patuelre numiane ka maramaramau ku tapadarurane numi, ka makeecenge kai lri taluela, si maramaramau ku kidremedreme maparawralubu pasikai ki salrwane ki hukuingi kikaruburu.

Kulusia 1:2

tigami numiane ka yakai Kulusia ka sinzia, kamani ku yakai adringi ki Kirisitu ka patengane ku kidremedreme ka laretesane. Ku Tamaita ka Twaumase ani baai numiane ku migemi si sulivatane!

1 Tisaruniki 2:2

Wathingale numi, sa kai nai mwana kwini numiane, ikai Pilripi kiatulilisi nai, si kitusinalrelreme. Ai, ku Twaumaseta wabaai naiane ku garangane, la kai nai ukuludru sanaka maneemane ku watelenge, la pelaela nai numiane ku hukuingini.

1 Timuthi 1:18

Lalakeli ka Timuthi! Singikai ku siaswalane kudra tayugingane pangukai muswane, kikai drekase lri badhaku sudralru muswane. Kilakikai vaga amani ku sarakaiyanesu kikaruburu ka adreme.

1 Timuthi 6:12

Ikai ki amakalrwalrumalane ki takisuswane pakaelrea ku puku lailai, ngipapasikai akaci si malra ku palralrawthu ku niake; ngwalai kai ku takidawlanesu ki Twaumase, si icucubungu ki takaalra dredredreele ka umawmase putaluvaivai pelaela kudra mathariri ka takisuswane.

2 Timuthi 1:13

Kakecenga pangimia ku baaili muswane kudra kiatulrepenge ka vaga, anikamani ku takelretanesu tukakudhanane, la pangimia ku takielreaneta ki Yesu Kirisitu si malrata ku salrwane si sakialibake.

Titu 1:4

Titu, kai tigamili baai muswane kaiasane, lalakeli muswane ka patengatengane ikai ki tamararamavaneta ki takisuswane. Ku Tama ka Twaumase si Takipalribulribulaneta ka Yesu Kirisitu ani baai ku migemi, ku sulivatane muswane!

Hiburu 13:22

Laretesane, kiatubiaku numiane kiadila tarumara kai sapasapukwanane ka vaga; kainaku twalragi turamuru pacase kikai tigami.

Hiburu 6:9

Ai, nikilibakane ka laretesane, unu amia nai kai kawriva, ai masalrwana nai numiane kwini tangimiamiane numi ka kai matumane, padeethenga ki akipalribulane.

1 Pitiru 5:12

Ikai ki retesane ka Silra ka pakaelre ku takidremedremane paralubu, wapacasaku kikai edreekane ka tigami baai numiane. Lri pasapukwana ku numiane, si pelaela numiane kikai yai patengatengane ka migemi ki Twaumase. Ikaiya kikai ki migemi belenge acegecege kapapedrenge.

2 Pitiru 1:1

Kwaku ka Simune Pitiru yai sasiakawlaku ki Yesu Kirisitu si nisikawlane. Wapacasaku tigami baai kwidra la ngwakai ki dringelresane ki Twaumase si Takipalribulribulane ka Yesu Kirisitu, si kudra mia naiane kisupisupilri kwidra thadaalrane ka tinukucingalrane ka salrwane ka laumawmase.

2 Pitiru 2:21

Wathingale ka yakai ku pacengecenge ku kadalranane, ai matwase kudra tarumaranga lini ka saniange ka drekase, ku miyaiya kai ku umawmase maesaesai ana kai thingale ka yakai ku pacengecenge ku kadalranane.

Yuda 1:1

Kwaku yai sasiakawlaku ki Yesu Kirisitu, betakane ki Yakubu ka Yuda. Watigamiaku baai ki pinilriane ki Twaumase, ka panianianiake ikai adringi ki sakialibake ki Tama ka Twaumase, si ka kialakebe ki Yesu Kirisitu ka umawmase.

Yuda 1:17

Ai, kinilibakane ka latalrailragi, madha karimurimuru ku taiyane ki lasasiakawlu ki Tamatamata ka Yesu Kirisitu.

Yuda 1:20

Ngukai numiane, kinilibakane ka latalrailragi, kunumi naika takapapedreengane numi acegecege ikai ki sanianiangenga ka takisuswane, satalu ku puku ki Siri inulri,

Nipadrelane 12:11

Ku laretesaneta ngwakainga ki erai ki Lrulai ka Kiu si tapelaelane lini ku patengane ka sabulrwane si pamalebenga ki baralebale; kwi lalasu pakeela ku walreme ngiacacilri ku niake lini.

Nipadrelane 2:10

Madha ukulukuludru ku lrika akipadradresenganesu ku akwalriane. Drela! Lri kilrialringau numiane kwi Akema, lai malra patwalai numiane ku tapiya ku umawmase si pwadringi ki takiememengane; lri kipakwalri numi ku minaka mangealane. Kapatengatengana kwi kidremedremesu pakela ki wapacai, la nau baai muswane ku civare ki niake.