Yuda 1:16 - Ngudradreadrekadhane Ka Sisiu 魯凱語聖經

¹⁶ Kikai laumawmase takalisiiane ki palrapalra, kaelaelaela ki palrapalra, patwapapalra kudra ngilisianane ki kidremedremeini, ngipaparamurane ku takawrivane, ngwalai ki akaesadhaneini la kathaithariri ki palrapalra.

Yuda 1:16 Iomraidhean Croise

Yubu 32:21

Kainaku lri pusakai ki aneane kwi tamakawrivarivarivane numi, lai lri kainaku kathaithariri ki aneeanenga.

Yubu 34:19

Kwi lasu kai pawakalrivili ki tara rathudu, la Kai tukucingalre ki sapaiswane si tudrekase ki matiakukuru; asi lwiyane kai umawmase bekaceini patuelre.

Lasenai 106:25

Kwi lalasu yakai adringi ki balrawbau kalisilisi, si kai mubangalre kilalra ku vaga ki Tamatama.

Lasenai 15:4

Kai lasu twadrekase ki pasalrisalriu ka manganga ka umawmase, la tukucingalre ki mwasakene mukuludru ki Tamatama ka umawmase. Kai lasu kai taulra ku asipunaneini ngwalai ku apangimiane ku kiketeketengaini.

Lasenai 17:10

makeelrathe ku kidremedreme lini, si paramuru lu kawriva.

Lasenai 73:8

Kwi lalasu mwalralrakai ki palrapalra, la iya ku ngialisiane ka vaga; kwi lalasu ngiatatwabelenge ngitatwadrau, si kikake ku adredrepetane ki palrapalra.

Kavagavagane 28:21

Ku kiadremedreme ku ngipapakaesadhane kai pacengecenge; ai yakaai kai laumawmase ku ngwalai ki tikiyane ka pange si kai pangimia saibange.

Isaiya 29:24

Ku makulrungu ku umawmase lri kicawcakwane si kalrigili; kudra takalisilisiane kaelaelaela ku umawmase lri mubangalrenga kibulru.”

Lrivi 19:15

“Madha kilrukilrungu ku dringelresane; madha pusakai ki matiakukuru, la mialri madha kikadadadalame ki yakai ku puku ka umawmase. Kunumi arakaiya ku aparamaramavane turingaringau ki sakacekele.

Taasipane 14:36

Ku sikawlu ki Musi pamwa lrilriu kavai kadaengane kwini lataralrilriu mailuku ku kaika tangimiamiane ku vaga kela pelaela, la dawlu ku akalisiane lini ki mapapangale ki Tamatama. Lakamani ku Tamatama pakia mwa liniane ku swalrubu kwini lalasu la pacai.

Taasipane 16:11

La kalisi numi ki Arungu, ku tangimiamiane, kunumi si la thadalradalrane numi ala ka wabaebalre numi ki Tamatama!”

Taasipane 16:41

Saka samakapusale, ku mapapangale makanaelre malisi ki Musi si Arungu iya kai, “Papacai numi ki kawkawlu ki Tamatama.”

Luka 15:2

Ku la swa Palrisai si tarabulrubulru ki Sisiu la kalisi iya kai, “Kikai umawmase ani tarumara ki manganga ka umawmase, si taelre liniane kalringulringulu!”

Luka 19:7

Ku laumawmase sadrele la makitu akuiya si iya kai, “Kikai umawmase kai, ani mwa kitubadhabadha kwini ki daane ki pasalrisalriu ka umawmase!”

Luka 5:30

La ikai kudra la swa Palrisai si kwidra talikaikai lini ka tarabulrubulru ki Sisiu la kalisi ki situ ki Yesu iya kai, “Anu kirimu taelre kai ki latarakikaziluzilu si latangangangace ka umawmase kanekane si ungungulu?”

Yuhani 6:41

Ku swa Yuda amani sa iya kai ku Yesu, “Amaniaku kwidra twalai belenge si mulebe ka taleke”, la kirimu matetenge madrekadrekase,

Yuhani 6:61

Ku Yesu wathingale ki lasituini sa matetetenge madrekadrekase ki kikai, la iya kai liniane, “Kikai vaga kai walrudralrudrai ki salrwane numi?

1 Kurintu 10:10

Takai twalrau liniane kudra yakai ku laumawmase ku avavaga kalisi; kwi lalasu ngwalai ku taavavagane kalisi la kipapacai ki tarapakamwamudu ka sasiakawlu belenge.

Galatia 5:16

Ku lrika atukucingalraneanali yai: Pasalaladha ku taarakane ki Siri, madha ngulwalwadhane ku murikaiyane ki kinawmasanesu.

Galatia 5:24

Kudra la swakainga ki Yesu Kirisitu ku umawmase, wakedrekedrenga pikai ki ziwzika patuelre ku ngialisiane ku takidremedremane pangukai ki beate lini.

Tapelane Drekase 1:27

La ikai numi ki balrawbau kalisilisi kawrivariva iya kai, ‘Magirimucu ku Tamatama naiane! Ku sangiluku mitane katwase Izipiti pakai ku amalrane mitane baai ki swa Amuri, kwini lalasu lai pakamudu mitane.

Pilripi 2:14

Adravane pia numi ku manemanenga madha akwiyaiya madha madrikidrikisi,

1 Tisaruniki 4:5

kaika asingikaiyane ku samurikaikai ki kinawmasane, mia ki kai wathingale ki Twaumase ka maelane ku takisuswane ka sinzia.

1 Timuthi 6:5

si kudra kaimadringelrese ku kidremedreme si waulrawnga ku patengane ku sabulrwane ku umawmase lri ngwalai si ka takirivurivuanenga. Ikai ki kidremedreme lini, ku akisuswane lrawlrawdru ki asatacekecekelanane sikakathane!

2 Timuthi 4:3

Ku vai lri daruru, lu kamaninga kwini ku umawmase lri kai tarumara ku kiatulrepenge ku sabulrwane, lri pasalaladha ki gathimi ki apasalrivane, si mwakidruanga sisinsi, pakai ku angulwadhanane ku lraceacengane ki calringa lini.

1 Pitiru 1:14

Pasalaladha ki Twaumase, madha pangisasingikaikai ki ngipapakaesadhane ki kidremedreme si marasikai numiane, mia saka siaswalane saka kulrunguana numi ka kadrwa ku thingale.

1 Pitiru 2:11

Kinilibakane ka laretesane, ikai kai kawmasane yai badhabadha numi, ka mwababadhane ka umawmase. Lri pasapukwana ku numiane, madha pangilralrailraingi ki urikai ki beate numi, kikai miyaiya kai ka urikai ki beate takikaruburuburane ki abake.

1 Pitiru 4:2

Twalainga kaikameane, kudra tedranenga ku taikaiyane numi kawmasane ku vai ki ruthuka ki kidremedreme ki Twaumase, madha kiruthukunga ki urikaiyane ki kinawmasane.

2 Pitiru 2:18

Kai lalasu kawariva ku ngikalrilrigwane ka ngiakulrungu ka vaga, arakai ku urikai ki kinawmasane lrilrigili kudra la tau katwatwase ubere ki ngialisiane ka sikace ka laumawmase.

2 Pitiru 3:3

Ku makuciaciingalrenga yai, lri tara thiingale numi, ikai ki bilrilanenga ka vai, yakai ku laumawmase ku kiaarakenga ki ngipapakaesadhane ki kidremedreme, lri kainganai ulralrakai numiane,

Yuda 1:15

Lri saibange sanaka umawmase, si pathavungu sanaka pasalrisalriu ka umawmase, asi lwiyane kudra kakwakudhane lini kai mwasakene ki Twaumase, la arakai ku sidrekasane ku vaga pasalriu ki Twaumase!”

Yuda 1:18

Kwini lalasu amia kai numiane, “Ikai ki bilrilanenga ki lrikisi yakai ku umawmase ku lri kainganai, pasalaladha kudra ki ngilisianane lini si kadrwa ku usakenane ku kidremedreme si tudreadrekase numiane.”