Yuda 1:11 - Ngudradreadrekadhane Ka Sisiu 魯凱語聖經

¹¹ Kikai laumawmase lri kisacepe ku amatikurwane! Thadaalrane ku angukaiyane lini ki Kaingi. Ngwalai ki zaisange, twaverevere mwa ki tapasalrivane ki Balame. Miyaiya ki Kura baebalre, mararaamau kaamudu.

Yuda 1:11 Iomraidhean Croise

2 Latalialalai 16:16

Ku Uria la pia paluludu ku tadrekasane ki talialalai.

Isaiya 3:11

Ai ku manganganga ku umawmase lri kikela ku amatikurwane; kwi lalasu lri ngwalai ku pia lini ku ngialisiane si mucugu.

Isaiya 3:9

Twalai ki tapangimiane ki lringau lini wadulru madu drele ku ngilisianane ki kidremedreme lini. Kwi lalasu mararamau ki swa Sudume, piataluvaivai pasalriu. Kwi lalasu lri kipadradresenge ku amatikurwane; kwi lalasu lri kipakiwbilrili ki kakwakudhaane lini.

Yerimia 13:27

Wadrele sa piasu ku kalraseini; wadrele sa ikaisu lregelrege si umawma tupapapalra ki latwaumase ki maelane ka takisuswane, mia ki patara sawvalavalai ka kadrwa ku inwane ka ababai ka wakurikurisi ki siasilangane. Swa Yerusalrime, lri matisalregesege numi! Lri pakela numi lwigane ala lri dulru numi ngibabula?

Izikile 13:3

Amia kai kawriva ku abebeelengenga ka Tamatama, “Kilakikai takukulrungu ka yuginsia lri kimwa ku amatikurwane! Kai lalasu ngiakakandu si kawriva; ku maburusi lini ngidadaedarepe lini.

Mika 6:5

Lakawkawluli, ngulringava sa kisanu tulisi ku talialalai ki swa Muabe ka Balake si tatubalreane iniane ki lalake ki Biure ka Balame; ngulringava ku tangimiane sa ikadalrananeta twalai Sitime mwa Gilegale. Lu ngulrialringau numi kikai patuelre, lri thingale numi ku piali ala ka pakai ku apalribulane numiane.”

Zakaria 11:17

Kudra manganga ka taraagwagu ka wacilri ki lakiu lri matisalregesege, ku amakaruruburane lri nguelre amudu ku pukuini. Ku alrimaini lri aru suludru; ku vanale ki macaini lai lri kitulreepenge kamukici.”

Taasipane 31:16

Thingala, amani kikai laababai ka kialalra ku vaga ki Balame, ikai kavai Piure lrilrigili ki laumawmase si baebalre ki Tamatama, la kipadradresenge ki swalrubu ku kawkawlu ki Tamatama.

Matai 11:21

Ku Yesu la iya kai, “Swa Kerazine, lri kipadradresengesu ku amatikurwane! Swa Bithesaida, lri kipadradresengesu ku amatikurwane! Ku taikaiyaneli numiane si pia ku pinangu Twaumasane ka puku, ana piane ikai ki swa Tayre si swa Sidune, kwi swakai kwini ku laumawmase nai ngikakabungunga ku kaimadhane si ngicacabungunga ku abu, ka sapelaelane kwini ki lalasu ala ka wacilringa ki ngialisiane si papianga ki madringelrese.

Tapelane Drekase 23:4

Asi lwiyane sakatwatwase numi Izipiti, kwini lalasu kai wabaai ku aungulane numi ku akaneane numi sa ikadadalranane numi, si la twalai Mesuputamia ka Pithure ka cekele dawlu ki lalake ki Biure ka Balame kela pusu numiane.

Hiburu 11:4

Ngwalai ki salrwane, ku Abele mathaithariri ki Kaingi ku patarumaraini ku sapatarumarane ki Twaumase. Ngwakai ki salrwane, si kilrigu ki Twaumase, ku kitumadringelreseini, amani sa ngikakamani ku Twaumase tarumara ku saceacebeini. Adravane sapacainga, ngwakaiyana ki salrwane si kawriva.

2 Pitiru 2:15

Kai lalasu kiadailinga ki pacengecenge ki kadalranane. Katwasenga mwa ki makawli ki kadalranane, thadalranenga ki kadalranane ki lalake ki Biure ka Balame. Ku Balame maraau ku kai madringelrese ka paisu.

1 Yuhani 3:12

Takai ngimia ki Kaingi. Kwini lasu swakainga kudra ki ngialisiane, papacai ki agini. Ani papaacai ki agini? Amani sa ngilisiane ku kakwakudhaneini, ku agini la kadringelrese ku kakwakudhaneini.

Nipadrelane 2:14

Ai, yakai kwini akaelaelaneli muswane: Ikai numiane yakai ku twapapapalra ku sabulrwane ki Balame; kai Balame walrilrigili ki Balake, si papasalriu ki swa Iseraylri, kane ku nipatarumaranenga ki samiamiange ku akaneane, la pasalriu ki ababai si sawvalai.