Yuda 1:1 - Ngudradreadrekadhane Ka Sisiu 魯凱語聖經

¹ Kwaku yai sasiakawlaku ki Yesu Kirisitu, betakane ki Yakubu ka Yuda. Watigamiaku baai ki pinilriane ki Twaumase, ka panianianiake ikai adringi ki sakialibake ki Tama ka Twaumase, si ka kialakebe ki Yesu Kirisitu ka umawmase.

Yuda 1:1 Iomraidhean Croise

Matai 10:3

Pilripi, Barethulumiu, Tumase, tarakikaziluzilu ka Matai, lalake ki Alepaiuse ka Yakubu, Tadai,

Matai 13:55

Kikai lasu kaika amani kudra lalake ki daikusange ki angatu? Ku tinaini kaika Malria? Ku Yakubu, Yusepe, Simune, si Yuda kaika lagini?

Maruku 3:18

Anederiu, Pilripi, Barethulumiu, Matai, Tumase, lalake ki Alepaiuse ka Yakubu, Tadai, Cicintu ka Simune,

Maruku 6:3

Kai lasu kaika amani kudra tangea ka daikusange ki angatu? Kai ka lalake ki Malria, ka taka ki Yakubu, Yusepe, Yuda, si Simune, kai lagini kai labaibai kai yakai mitane kai makanaelre?” Lakamani kwini lalasu kavalracevace iniane.

Luka 6:16

lalake ki Yakubu ka Yuda, si sakabilrilanenga amani kudra kialangai ki Yesu ka swa Isekaliwte ka sia Yuda.

Yuhani 12:26

Ku aneane ku lri pasikai nakwane, lrika amani ku twapapalra nakwane; ku taikaiyaneli, lri ikai kwini ku sasiakawluli. Kudra pasiakai nakwane ku umawmase, ku Ama lri tara tukucingalre arakai iniane.”

Yuhani 14:22

Ku Yuda (kaika Yuda ka swa Isekaliwte) la kivaga, “Tamatama, asi papia naiane sikakathane adrelane, la kai papia ki yakawmasane ka laumawmase adrelane?”

Yuhani 15:16

Kai numi ka amani ku wapilri nakwane, amaniaku ku wapilri numiane, si sikawlu numiane katwase pumadru kudra lrika taikaiyane ka madru. Lu pangukai numi ku naganeli, adravane papia numi ki Ama kitubi ku manemane, lri tara baai numiane.

Yuhani 17:15

Kainaku kiatubi muswane ku alranesu iluku liniane patwalai kai kawmasane, ai kiatubiaku muswane ku apakidailanesu liniane kudra ki ngililisiane.

Yuhani 17:17

Arakaiya ku patengane ka sabulrwane si ani ngipapatarumara baai muswane; kudra vagasu amani ku patengane ka sabulrwane.

Yuhani 17:19

Ngwalai liniane, ngiapapatarumaraku baai muswane, lani mialri kwi lalasu ka patengatengane patarumara baai muswane.

Yuhani 6:39

Ku kidremedreme kwidra ki siakawlu nakwane yai, kudra baaini nakwane ku umawmase, anika kadrwa ku natangeanga ku mwacilri, si luka taalikaiyanenga ki vai lai pasielane liniane amia.

Nisikawlane 1:13

Kwini lalasu sa mucekele, la mubelenge mwa ki nikai ka taikaikaiyane lini; ikai kwini yakai ku Pitiru, Yuhani, Yakubu si Anederiu, Pilripi si Tumase, Barethulumiu si Matai, Yakubu ka lalake ki Alepaiuse, Simune ka Cicintu, si Yuda ka lalake ki Yakubu.

Nisikawlane 20:32

“Kaiasasane lri malraku numiane si baai sudralru pikai ki alrima ki Twaumase, si vagaini ka migemi. Lri dulru pakakecenge ki salrwane numi, si baai numiane kudra pasikaini ki umawmaseini padulrudulru ku akaesadhane.

Nisikawlane 27:23

Asi lwiyane kudra kisususuli, ka sukusukubuli ka Twaumase, ku maungu siakawlu ki sasiakawluini belenge si iya kai nakwane,

Ruma 1:1

Pawruaku ka sasiakawlu ki Kirisitu Yesu, ku Twaumase wapilri nakwane tunisikawlane, si pawkalrivili sikawlu nakwane ku apelaelane ku hukuingini.

Ruma 1:6

Kikai mialri ka kiapaelre numi ka la yakai Ruma, ka kiapilri ki Twaumase si ka swakainga ki Yesu Kirisitu ka umawmase.

Ruma 16:18

Asi lwiyane kai miyaiya kaika umawmase kai pasiakaikai ki Tamatamata ka Kirisitu kaungu, pangwalwalwadhane ki barange lini. Kwi lalasu arakai ku mathariri ka lrigilane ka vaga si pamama ki patengatengane kai kadraedrangelre ka umawmase.

Ruma 6:22

Kaiasasane, kiapatwalainga numi ki pasalrivane kipulatadre, si asasiakawlunga ki Twaumase; lu pakaelre numi ku niake baai patarumara iniane, ku lrika amalrane yai palralrawthunga ka niake.

Ruma 8:30

Ku Twaumase paswalanga pilri kwini ki umawmase, la dawlu liniane; ku dawluini ku umawmase, peaelaela pasudalepe tumadringelrese ka umawmase; ku pelaelaini pasudalepe tumadringelrese ka umawmase, pakiasupilri liniane ku lrigu.

Ruma 9:24

Asi lwiyane kuta kaika nipatwaladhane ki swa Yuda sikakathane, mialri ka nipatwaladhane ki sakamaelanane ka umawmase dawlu.

1 Kurintu 1:2

watigami nai si baai ki kiwkai ki Twaumase ka lasinzia ikai Kurintu. Kunumi si yakai kidruanga kitubitubi ku nagane ki Tamatamata ka Yesu Kirisitu, laka thadaalrane ikai adringi ki Yesu Kirisitu kidawlu asinzia si ka swakainga ki Twaumase. Ku Kirisitu yai Tamatama lini, la mialri ka Tamatamata.

1 Kurintu 6:11

Ikai numiane, yakai ku laumawmase ku miyaiya kai kunadruma. Ai, sataluta ku nagane ki Tamatama ka Yesu Kirisitu si Ri ki Twaumase, la kisinawnga numi, kiapaalrivilrivinga numi si papia ki Twaumase, si makakadalrunga numi ki Twaumase.

Ipisu 5:26

Ku piaini ki kikai yai lri pangukai ki vagaini si acilai pakabula ki kiwkai, ku lrika alrivilrivaneini,

1 Tisaruniki 2:12

Pasapukwane nai numiane, wasasa nai numiane, kai nai watelrai pasapukwane numiane ku aikaiyane numi ki tapanianiakane kikiragai ki Twaumase, amani ku wadawlu numiane kainganai kisupilri ku pukuini si lriguini.

1 Tisaruniki 5:23

Ku amani ku wabaai mitane ku sulivatane ka Twaumase ani pakabula numiane pakitulrepenge, si palakebe ki abake, kidremedreme, si kinawmasane numi, lu kelanga ngusela ku Tamatama ka Yesu Kirisituta lani kitulrepenge, si kakadrwa ku tangilisianane.

2 Timuthi 1:9

Ku tapalribulane mitane ki Twaumase, la dawlu mitane si aumawmaseta iniane, kaika amani sa ikai ku manemane ku takathariraneta ku tangivelevelane, twalai ki kidremedremeini si migemini. Sakaiyana ikai sanaka maneemane pangwakainga ki Yesu Kirisitu baai mitane kikai migemi,

2 Timuthi 4:18

Ku Tamatama lri tara palribulu nakwane pakidaili ki ngialisiane patuelre, lai malra nakwane pakasulivate mwa ki kunini ka belenge. Ku lrigu anika palralrawlrawthu papia iniane! Amingi.

Hiburu 3:1

La pinilriane ki Twaumase ka laretesane! Kidremedrema ki Yesu, amani ku sikawlu ki Twaumase ka sasiakawlu, amani ku pasudalepe ki salrwaneta ka abebeelengenga ki barakalai.

Yakubu 1:1

Kwaku ka Yakubu ka sasiakawlu ki Twaumase si Tamatama ka Yesu Kirisitu; aii amiamiaku numiane ka kawkawlu ki Twaumase ka yakai kidruanga kai kawmasane.

1 Pitiru 1:2

Kudra kipilri numi yai singiakai ki kidremedreme ki Tama ka Twaumase ka nikelretaneenga, ka ngwakai ki Siri ala kabula, pakai ku apasalaladhane ki Yesu Kirisitu, si kabula arakai ku eraini. Ku swaete ka migemi ki Twaumase, si sulivatane ani baai numiane!

1 Pitiru 1:5

lri baai numiane ka la ngwalai ki salrwane ki Twaumase si kipalribulu ki pukuini, pakai ku amalrane numi kudra nipadulrwanenga, lri ikai ki satwalrepenge ki lrikisi utaluvaivai ka sapalribulane.

1 Pitiru 2:9

Ai, kunumi yai pinilriane numi ka vaeva ka zuku, ka barakalai ki talialalai, mabula ka kuni, laumawmase ki Twaumase. Ku Twaumase wapilri numiane pakatwase ki kadradridrimitane, si mwa ki ledraini, la pelaelaela ku matiasamaymali ku takaunganeini.

1 Pitiru 5:10

Ai, lu kipakwalringa numi kwini edreekane, kwidra amani ku wabaai sanaka migemi ka Twaumase, amani kwidra wadawlu numiane si pangukai ku tamaelreane ki Yesu Kirisitu si mavalavala kisupilri ku palralrawthu ka lrigu ka Twaumase, lri kamani ka pangiamia pakitulrepenge numiane, pakapapedrenge numiane, baai ku puku si pakapapedrenge ku tangadrane baai numiane.

2 Pitiru 1:1

Kwaku ka Simune Pitiru yai sasiakawlaku ki Yesu Kirisitu si nisikawlane. Wapacasaku tigami baai kwidra la ngwakai ki dringelresane ki Twaumase si Takipalribulribulane ka Yesu Kirisitu, si kudra mia naiane kisupisupilri kwidra thadaalrane ka tinukucingalrane ka salrwane ka laumawmase.

Yuda 1:21

panianiaka ka taikaiyane adringi ki sakialibake ki Twaumase, ukalavalava ku kalithane ki Tamatama ka Yesu Kirisitu, lanu malra ku palralrawthu ka niake.

Yuda 1:3

Kinathalradhane ka latalragilragi, maulainga naku pasana tigami kikawriva numiane patharukai kudra ngwakai mitane ka sapalribulane, ai lu kidremedremaku kai ngwadringai lu kainaku makakaai pakipapawlringau numiane, ku apacungulane numi pasikai ku asanguvavaalane ki Twaumase si tulrepenge bulru ki lasinzia ku akikaruburane ki salrwane.