Yakubu 5:5 - Ngudradreadrekadhane Ka Sisiu 魯凱語聖經

⁵ Yakai numi kai kawmasane ngulwalwalwadhane ki peravane, la ngilalapulapu numi ngipapakaricuru, la ukalavalava kudra taculuculwane ka vai.

Yakubu 5:5 Iomraidhean Croise

Lasenai 17:14

Kiatubiaku muswane arakaiya ku pukusu palribulu nakwane pakidaili liniane, kamani kwidra la yakai kawmasane kaesaesaesai ka umawmase. Kiatubiaku muswane pangicaema pathavungu liniane; pangulwadhana ki lalalake lini ikai ki amatikurwane, si laputeedrana baai ki lalake ki lalalake lini.

Lasenai 73:7

Ku kidremedreme lini ngiaburai ku ngilisianane; ku takidremedremane lini swaete ku tavuvulrucane.

Kavagavagane 17:1

Lu kaneane ku makawlukulu ku pange si la katharithariri ku kidremedreme, silrialribate ki yakai ki daane ngiakanekaneane la makalililisi.

Kavagavagane 7:14

“Kaikameane patarwamaraku ku Sulivatane ka lrisi, ku sapatarumarane ku beate yakai tavanane,

Wabulru 11:9

Layacengecenge, kiraragadha ngilribate ku taicengecenganesu! Sa icengecengeananasu kiraragadha! La ngisasingikaai pia ku nau pia iyasu! Ai pulringaava, ku Twaumase lri singikaai ku kakwakudhanesu saibange muswane.

Isaiya 22:13

Ai, mwalralralrakaiyana numi, kirararagai. Waculu numi ku lwange si kiu, si kanekane ungungulu. Amia numi kai, “Maesaesai lu kanekaaneta si ungungungulu, kulri tara paacaita lwiya.”

Isaiya 3:16

Ku Tamatama amia kai, “Kunumi drela, kai labaibai ki swa Yerusalrime ngiakalrilrigu turamuru! Kwi lalisu lu dadavace watangeranane, papia subelebelenge. Kwi lalisu apapiyaiya kwi maca lini, lu dadavace waraanau apapiyaiya ku tangivelevelane lini, paswaete ki drapale sikerekere.

Isaiya 47:8

Kusu ka ngialralrailrailraaingi ki akiragadhane ka umawmase, kilalra! Swatelrai kai taetalaneli amiasu; ngiapapasudalepesu ka saniange mia ki Twaumase, ka kadrwa ku umawmase ku kialekete muswane. Mia kau kaisu lri awalibakane, miakau kaisu lri kawlrase ku lalalake lu kidremedremesu.

Isaiya 56:12

Kwini lamabubusuku amia kai, ‘Baadhaili ku bava! Takisamula ungulu, lwiya lrika mathaithariri ku akivavangane!’ ”

Yerimia 12:3

Ai Tamatama, wathingalesu nakwane; wathingalesu kai kakwakudhaneli, la thingalesu ka patengatenganeli kadalame muswane. Kiatubiaku muswane alra saralidri pakatwase ki manganga ka umawmase, mia ki wamalra ki kiu bilibili pwa ki taculuculwane, alra liniane ruvu pakeela kudra ki taculuculwane ka vai.

Yerimia 25:34

“Tarasangililuku ki laumawmase, taraagwagu ki kawkawluli, kunumi karaleala tubi, si ikai ki thuvugu ngibalrwalrutai, tubia kiangeange kwi kidremedreme. Ku akipapacadhane numi wakelanga; lri mia numi ki balase ka kiu ka kiaculu,

Izikile 16:49

Kwi alisu si lalakeini ka ababai wakanekane kabucuku, si ngiesaesaesadhane ku tangilribalribatane ku vai, la kirimu ngikalrilrigu, si kai siraparapalenga kudra ki la kwalrialri matikurukuru ka laumawmase.

Izikile 39:17

Ku abebeelengenga ka Tamatama amia kai nakwane, “Lri tara kawlrau ka umawmase, lri patwalaisu kidruanga dawlu ki makaelaela ka ngiapalapalai walrawlrakwane ka waudriwdripi lani kainganai si kane kwi pasikaili liniane padulru kwi sapatarumarane ka beate. Ikai belenge ki lalregelrege ki swa Iseraylri lri ikai ku matidrareareange ku ngiakanekaneane, kwini lawaudriwdripi lri ikai kwini kanekane ku beate ungungulu ku erai.

Amuse 6:1

Kudra yakai Ziyungu pakamaesaesaesai ku umawmase, lri matisalregesege numi! Kudra yakai Samaria lregelrege si malakebe nai iyaiya ku umawmase, lri matisalregesege numi! Anai athingathingaalane ikai ki kuni ki swa Iseraylri, la kiusakesakene ki palrapalra amiamia numi!

Luka 16:19

“Sakanadruma yakai kudra satacekecekelane ka umawmase, lukavaivai la silaimai ku mathariri ku laimai, si pasawlrawlra turamuru kudra tapanianianiakaneini.

Luka 16:25

“Ai ku Aberahame amia kai, ‘Lalake, lri tara pulringausu sa panianianiakeanasu maka kiasupilringasu ku akaesadhane, ai kai Lazaru kadrwana ku tangilribataneini ku mathariri ka vai; kaiasasane yakainga kikai tarumaramara ku akisasane, kusu la ngibaalrenga si ikaingasu ki akwalriane.

Ruma 13:13

Ku tatwatumanane si takaumawmasaneta tangukalealedrane, mia kudra ki panianianiake ikai kudra ki vaiyane. Madha ngilralraingi kabusuku, madha ngilralraingi ikai ki asudringadhane, madha karivu mapathathalra.

1 Timuthi 5:6

Pangukai ki pasana ngilralrailraingi ku akiragadhane ku walibakane ka ababai, adravane panianianiake, ku patengatengane wapacainga.

2 Timuthi 3:4

Kai lalasu kialangai ki sinsi si talragi, ngialralraingi ku kaika pinalraingane ku kakudhane, ngiatatwabelenge ngitatwadrau, madadalame kisupilri ki akiragadhane ka silrialribate ki akilibakane ki Twaumase.

2 Pitiru 2:13

Kai lalasu wadarepe ku akwalriane, lai tara ngikakane ku madruini. Papia liniane, kudra akiraragadhane amani kwidra yatailebeane ki ledra ki vai pangilralraingi ki urikaiyane ki beateini. Kwi lalasu makudrulru si ngilisiane turamuru; lu kilringulu numiane kane ikai ki cukui, amani ku akiarubwanane numi si akitusinalremeane numi, asi lwiyane kai lalasu taarakaiyane ku salrilrigilane tuperavane!

Yuda 1:12

Kikai laumawmase ikai ki tangiakanekaneanane maramici ka kadrwa ku inwane, ngiakakudrulru, mia ki tarapagwagu ngiakakakalithi ku akabucukane sikakathane. Kai lalasu mia ki ememe kipalai ki valrigi, kai maka udale; la mia ki yakai ki kalalidrarane ai kai maka pwamadru ka angatu, akucane patala baalace, si kitulrepenge karudame pacai.

Nipadrelane 18:7

Ku taparamuraneini pasawlra, si ngilralrigulrigu, lri kitungimiyaiya pakwalri iniane, si lai pakwalri iniane turamuru. Asi lwiyane kwi alisu kai watelrai ngikakamani iya kai: Waneneaku ikai ki taetalane ka taelrelre ki talialalai, kainaku ka walibakane, kadrwa ku atubianeli!

1 Samuile 25:36

Ku Abigaile sa siwlringa mwa kavai ki Nabale, yacengecenge ngiakanekaneane ku Nabale ikai tavanane, mararaamau kudra kanekane ki talialalai. Ku kidremedremeini la kiraragai turamuru, ungulu si kabusuku, lakamani ku kaika kirimu ki Abigaile pelaela kudra tangimiamiane,

1 Samuile 25:6

Ku Davidi la pakawriva liniane ki Nabale iya kai, “Talragi, ku Davidi aii amiamia muswane! La subulrubulru muswane si wacekecekelesu makanaelre!