Yakubu 5:4 - Ngudradreadrekadhane Ka Sisiu 魯凱語聖經

⁴ Ngwaelre numi lrilrigili malra kwini ki yakai ki umawma kawaungu pasikai numiane, la kivala numi ku takaungane lini ku paisu, kwini lalasu wakukusu numiane! Ku takaralealane ki la kiataletaleke wadarurunga ki calringa ki Tamatama ka abebeelengenga ki sanaka kwapingi.

Yakubu 5:4 Iomraidhean Croise

Tabekacane 4:10

Ku Tamatama la kaelaela si kivaga iniane, “Watumanesu? Kai erai ki agi twalai adringi ki dae kawriva, papia nakwane sidruru.

Yubu 34:28

Kwi lalasu wavutha ki matiakukuru ka umawmase papia ki Twaumase kitubi; ku Twaumase kialalranga ku kitubi lini ku akiparalubane.

Yubu 7:2

mia ki duri ka mwarikai ki lrilriane, mia ki mwalrawlrau ka mwakalavalava ku akipaiswane.

Lasenai 9:12

Ku Twaumase makalithi ki kwalrialri ka umawmase; kai lri karimuru ku kitubi lini, lri pathavungu ki twalilisi liniane ka umawmase.

Takatwasane Izipiti 22:27

asi lwiyane kwini kathane kwini laimai ku sakaculwaneini, lu kakadrwa kwini lai lri maka sakaereke? Lwiyasi kwini lasu la kitubi nakwane, lri tara tubalreaku, asi lwiyane mathalradhaku.

Takatwasane Izipiti 3:9

Pwadriadringadhaku kilalra kwini tubitubi ki kawkawluli, si drele ku tapangimiamiane ki swa Izipiti dredrepete liniane.

Isaiya 1:9

Alaiyasi ku Tamatama ka abebeelengenga ki sanaka kwapingi lu kai pasuru ku laniake ki tapiya ki laumawmase, nai miata ki swa Sudume si swa Gumura kamudunga.

Isaiya 5:7

Kai swa Iseraylri amani ku babududu ki Tamatama ka abebeelengenga ki sanaka kwapingi; kai laumawmase ki swa Yuda amani ku lredrekeini si marasikaikai ka babududu. Kwi lasu siadrama ku apangimiane lini ku madringelrese, ai nipatakamacamacane drele ku papacai si patueraerai ki umawmase! Kai lasu siadrama liniane ku akapapedrengane ku tangivelevelane, ai ku lingau ki nisidrurudrurwane kialalra madu ikai ki druanga!

Isaiya 5:9

Kialalraku ku taiyane kai ki Tamatama ka abebeelengenga ki sanaka kwapingi, “Kikai la tathaithariri ka tadradrau si laabeelenge ka daane lri akinaburukane, kadrwa ku umawmase ku lri ikaikai.

Yerimia 22:13

Matiisalregesege, kai umawmase kai yakai ku amatikurwane! Kai lasu arakai ku kai madringelrese ku alrima si ngitatudaane ku daane ki talialalai, arakai ku kai madringelrese ku tapiane la aru paswadrau tudaane ku daane ki talialalai. Kwi lasu wavutha ki laumawmase pakaungu, si kai pawlrawlrau.

Lrivi 19:13

“Kunumi madha pangulravalravange ki sakacekele, la madha ribiribici ku lamanemane lini. Madha pwadaidailane ku abaadhane ku sapawlrawlravane ki mwalrawlrau, adravane ka nimaka vavaalane ku awngane.

Habakuke 2:11

Adravane ka balingibingi ka lrenege lri karaleale kikaruburu muswane, lri mialri iya kwini karaleale ku bulri ki daane.

Malaki 3:5

Amia kai ku Tamatama ka abebeelengenga ki sanaka kwapingi, “Lri ikaiyaku numiane utaluvaivai, si saibange. Lri makakaaiyaku siwmi kukusu kudra ki la twalrisilrisi, manganganga ki sawvalai si ababai, ku kawarivariva ku kaika patengane, ku kiavala ku nikaungane ku lapaisu, ku pangwa drepete malra ku lawbubulu ki lawalibakane si lapakulrulrulu, si twasinalreme ki la wakela iziu ka umawmase. Lri hukukaku sanaka kai mwasakene nakwane ka umawmase.”

Matai 9:37

Lakamani, ku Yesu la kawriva ki lasituini, “Makalra kai akitalekane, ai tabekele ku lri kitaleke tarakaungu ku umawmase.

Luka 18:7

Bekace ku Twaumase kai pasikai putaluvaivai ku vinuthane kudra ki la piavaiyane pimaungu kitubitubi iniane ku akiparalubane kudra laumawmaseini? Ku taiyane, lri ngiabababalai ku apalribulane liniane?

Ruma 9:29

Mararaamau kunadruma ku taiyane ki Isaiya kai, “Alaiyasi ku Tamatama ka abebeelengenga ki sanaka kwapingi lu kai pasikai mitane pasuru ku lamwabaibalrithi, nai ngimiangata ki swa Sudume si swa Gumura ku tangimiane lini.”

Tapelane Drekase 15:9

Madha ngwalalai lri kelanga ku taisadrasadrane ka caili iya, si kai pakisaalru iniane; ikai ki kidremedreme numi madha pikaikai kikai ngialisiane. Lwiyasi kai numi pakisaalru, kwini lasu la papia ki Tamatama sidruru, lu mia kwini pasalriunga numi.

Kulusia 4:1

Ku atawki ka laumawmase, kunumi aparamaramava papia ki laduri, asi lwiyane wathingale numi, ikai subelebelenge mialri ikai ku tangeea ku Tamatama numi.