Yakubu 5:3 - Ngudradreadrekadhane Ka Sisiu 魯凱語聖經

³ Ku kingi si gingi numi lri kadilangenga; kai dilange lrika sarakaiyane kukusu numiane, lai lri mia ki apwi thamukulu pakamudu ki kinawmasane numi. Ikai kai ki lrika alikaiyane kawmasane, kathane ku arubwane pudringai ku tacekecekelane ku thingale numi.

Yakubu 5:3 Iomraidhean Croise

Tabekacane 31:48

Ku Labange la iya kai ki Yakubu, “Kaikameane, kikai lalrenege yai amaninga kudra sapatuthingalane ku tamakaketeketaneta.” Lakamani kikai kadaengane kai ku kipasi Galede.

Tabekacane 31:52

Kikai nirubwane kai lrenege, kikai nicegecegane tusangulringalringavane yai sapangulringavane pathingale mitane: Lutuumane kainaku lri lribate kikai ki nirubwane ka lalrenege si kikaruburu muswane, lai lri mialrisu kaisu lri maka lribate kikai ki nirubwane ka lalrenege kai nicegecegane tusangulringalringavane si kikaruburu nakwane.

Tabekacane 49:1

Ku Yakubu wadawlu sarubu ki lalalakeini mwa iniane, la iya kai liniane: Kela makanaelre, lri pelaelaku ku akipadradresengane numi lukabibilrili:

Yubu 16:8

Waruthukusu nakwane; kiaecebesu nakwane. Kaiasasanenga lrangicinga ka wacabu ki culraleli sikakathane; kai palrapalra arakai kikai si pasalriu iya nakwane.

Isaiya 2:2

Luka bibilrili ka vai, ku taikaiyane ki daane ki Tamatama ka lrelrelrege lri acegecege ikai belenge ki lalregelrege, lri kipubelenge, lri lriibate ki laabelenge ka lregelrege. Sanaka kuni lai lri kalrungulrungu kainganai.

Yerimia 19:9

Ku badha lri lringulu kai ki cekele, si papacai ki yakai kwini ka laumawmase. Kwini yakai adringi ki cekele ku laumawmase ngwalai ku takilringulane lini sa kakadrwa ku akaneane, la kaanenga ku beate ki pasiagiagisi lini, adravane ka lalalake lini wakaane!”

Mika 3:3

Wakane numi ku beate ki kawkawluli, la kulrangici numi liniane, si cwake pawtatiki ku culrale lini, miakau wagelregelre ku beate si pupalungu malra suliki liniane.

Mika 4:1

Lukabibilrili ka vai, ku taikaiyane ki daane ki Tamatama ku lregelrege lri acegecege ikai belenge ki lalregelrege, lri kipubelenge, si lriibate sanaka lregelrege. Lri takaalra ku laminzuku ku kaiyanganai makanaelre kalrungulrungu;

Nisikawlane 2:17

Ku Twaumase amia kai: Kikai yai apianeli lulri alikainga kai kawmasane: Lri malraku kai Rili pasaela baai ki sanaka aneanenga. Ku lalalake numi lri pelaela ku vagali; ku lalangukathabarane si tawvailekete numi lri drele ku maburusi; ku tarudrawdrange numi lri sipi ku palrealrebane.

Ruma 2:5

Ai, makawlukulunga kakelrathe turamuru kwi kidremedremesu, arwa dawlulringasu ku makaakalra ku elathane, ikai ki elathane si dringelresane ka sasaibangane ki Twaumase lu kelanga kudra vai lrika mateelrelrege ku akipathavungane.

2 Timuthi 2:17

kudra makawrivarivariva lini mia ki pu ka dula ka pakaburaburau ki beate. Kilakikai yakai ku Hemenau si Pilitu;

Yesua 24:27

La kawriva ki lamapapangale, “Drela, kikai lrenege lrika amani ku sapatuthingalane mitane makanaelre; kikai lrenege kialalra patuelre ku takawrivane ku vaga ki Tamatama mitane. Lakamani kwidra, kikai lrenege lrika amani ku isiwmi numiane, amani lwiyasi la baebalre numi ki Twaumase numi.”

2 Pitiru 3:3

Ku makuciaciingalrenga yai, lri tara thiingale numi, ikai ki bilrilanenga ka vai, yakai ku laumawmase ku kiaarakenga ki ngipapakaesadhane ki kidremedreme, lri kainganai ulralrakai numiane,

Nipadrelane 17:16

Kudra drelesu ku mangeale ka lawngu si kudra waudriwdripi lri kavalracevace kwini ki pairairange, lri ravase ku lamanemaneini patuelre, lai lrika mulaimaimainga kwini alisu; kwi lawaudriwdripi lri lama ku beateini, si arakai ku apwi lama iniane.

Nipadrelane 20:15

Sanaka kai kiapacase ku nagane pikai ki niake ka mibu, lri makitu kiverevere makanaelre pwadringi ki apwi ka baiyu.

Nipadrelane 21:8

Ai, kudra la makiwcu, kai pangiamia, ngialisiane, papacai ki umawmase, wacapange ki sawvalai si ababai, twalrisi, wasukubu ki samiamiange, si watavuvulrucu kawriva, yakai ku apwi si kananu kudaladalai ka baiyu si ukalavalava liniane; amani kwini kudra saka kingipusale pacai.”