Yakubu 4:9 - Ngudradreadrekadhane Ka Sisiu 魯凱語聖經

⁹ Kunumi adirivana, kiangeange, tubia; malra kwini awlrakadhane pakabalrithi tu atubitubiane, malra kwini akiragadhane paakabalrithi tu adirivanane.

Yakubu 4:9 Iomraidhean Croise

Nihimi 8:9

Ku mapapangale sa kilalranga kudra kelrete ki hulrice, la makitu kikandu ku kidremedreme lini si tubi. Ku siwciu ka Nihimi, barakalai ka Izera, si swaceacenge ki hulrice ka swa Lrivi la pelaela ki mapapangale, “Kaikameane amani ku sanianiangenga ka vai ki Tamatama numi, kunumi madha kwalri kidremedreme si tubi.

Yubu 30:31

Nakialalranga naku ku matikiragai ku senai, kaiasasanenga kathanenga ku maralealeale tubitubi ku kilalrali.

Lasenai 119:136

Kai lreseli mia ki kadravane ka acilai mwalwaludru, asi lwiyane kai umawmase wabaebalrenga ki hulricesu makanaelre.

Lasenai 119:67

Sa kaisu pathavungwana nakwane, tapasalrisalriivanaku, ai kaiasasane palululudunga naku ku vagasu.

Lasenai 119:71

Ku kipathavuthavunguli akaesadhaneli, asi lwiyane pakiacawcakwane nakwane ki padradrekasesu.

Kavagavagane 14:13

Kai peravane alau lri mialri ka akwalriane ki kidremedreme; Kai peravane sana ngilribate, ku adirivanane alau lri mialri ka sakamiyana.

Wabulru 2:2

Wadrelaku kai mwalralrakai yai wacapange ka kadrwa ku kelele, lu kisupisupilri ku akiragadhane kadrwa ku paluludane.

Yerimia 31:13

Lu kamani kwidra, ku la pathagili ngitawvaileketane lri kiraragai si dralradralrai; ku latarudrawdrange si yacengecenge lai lri masiasilange kiraragai. Lri paasakiaragadhaku ku tubi lini, lri saasa liniane, ku kwalrialri ki kidremedreme lini lai asakiaragai.

Yerimia 31:9

Drela! Kai kawkawluli lri tarakadadalranane takutubitubi kainganai; kwi lalasu lri tupapalra nakwane katwase, lai tarakadalranane inulri. Lri ilukaku liniane lribate ki lavaalru, ililuku liniane ngukakai ki masadrarate ka kadalranane, ku kaika angwadrekane lini. Tamaku ki swa Iseraylri; Ku Iparaime amani ku eapeli ka lalake.

Silringau 5:15

Ku akiragadhane twalainga ki kidremedreme nai kawlrau; ku atubiane ku kidremedreme mwabalrithinga ki adralradhane.

Izikile 16:63

Lri paacepaku ku tapasalrivanesu patueelre, ai lri ngulringalringawsu kilakikai, la ngwalai ki inwane si kai thuru avavaga.” Ku abebeelengenga ka Tamatama amia kikai pelaela.

Izikile 7:16

Yakai ku laumawmase ku lri mia ki tavagu ka yavalrwalru ka kiapangituluku si mubere mwa lregelrege. Kwi lalasu lri ngwalai ki pasalrivane lini dadange makanaelre.

Matai 21:41

Kwini lalasu la iya kai, “Kwini lasu lri tara papaacai kwidra ki lamanganga ka laumawmase, si malra kwini babudwane pakisalru ki lri dulru pangimia baai ku sakisalrwane ku paisu ka drumane ki latarakawaungu.”

Matai 5:4

Ku watubitubi tungawngau ki pasalrivane ku umawmase mwaesai turamuru; ku Twaumase lri saasa liniane!

Luka 16:25

“Ai ku Aberahame amia kai, ‘Lalake, lri tara pulringausu sa panianianiakeanasu maka kiasupilringasu ku akaesadhane, ai kai Lazaru kadrwana ku tangilribataneini ku mathariri ka vai; kaiasasane yakainga kikai tarumaramara ku akisasane, kusu la ngibaalrenga si ikaingasu ki akwalriane.

Luka 6:21

Kaiasasane ku masilrasilrau ku umawmase ala mwaesai turamuru; kunumi lri tarumaranga numi ku akabucukane! Kikai asasane ku watubitubi ku umawmase ala mwaesai turamuru; lri kiraragainga numi!

Luka 6:25

Kaiasasane ku mabucubucuku ku umawmase lri matikurunga, asi lwiyane lri kasilraunga numi! Kaiasasane ku mwalrakalrakai ku umawmase lri matikuru, asi lwiyane lri adirivane numi si tubitubi turamuru!