Yakubu 4:8 - Ngudradreadrekadhane Ka Sisiu 魯凱語聖經

⁸ Kidetha ki Twaumase, ku Twaumase lri kidethe numiane. Kunumi ka yakai ku pasalrivane ka umawmase, bula kwi alrima numi; ngiakathaithariri ka umawmase! Bula ki kidremedreme numi!

Yakubu 4:8 Iomraidhean Croise

Tabekacane 18:23

Ku Aberahame la arwacucubungu, si iya kai ki Tamatama, “Lrika tenganesu malra kwini ki kadrwa ku pasalrivane ku umawmase si yakai ku pasalriu ka umawmase pakaredele amudu?

1 Lacaili 28:9

Ku Davidi la kawriva ki Sulumungu, “Lalakeli, kusu thingala ki Tamatama ka Twaumase ki tamasu, saliakavaeva ku kidremedreme marasikai iniane. Ku Tamatama wathingale demedeme ku kidredredremeta si sidramadramata. Lu kipasilapesu iniane, lri tarumara muswane; lu kidailisu iniane, lri kapalralrawthunga cilri muswane.

2 Lacaili 15:2

kwini lasu la mwa kikawriva ki talialalai ka Asa, iya kai iniane, “Talialalai ka Asa si swa Yuda si swa Biniyamingi makanaelre, kilalra kai aiyaneli! Sana pasalaladha numi ki Tamatama, lri tara tapaalra numiane. Lu kipasilape numi iniane, lri pakidringai numiane; lu kidaili numi iniane, lri cilri numiane.

Yubu 16:17

Ai kainaku pasalriu ngukai ki ngikarakacanane; ku inulrili tengatengaane.

Yubu 17:9

Kudra la ngiatatu mwalecege ku umawmase arwa ikai ku salrwane; kudra ngiatatu mabula ku umawmase lri aru kagalremegeme.

Yubu 9:30

Adravane arakaiyaku ku pasabu ngisasinau, la arakaiyaku ku titimwane tawlrima,

Lasenai 119:113

Mavalracevacaku ki apapiyaiyaiya ku kidremedreme muswane ku umawmase, ai madalamaku ki hulricesu.

Lasenai 145:18

Ku Tamatama wadeethe sanaka kiatubi iniane ka umawmase; la arwa dethe ki patengatengane kitubi iniane ka umawmase.

Lasenai 18:20

Ku Tamatama ngwalai ki uleceganeli pangibilri nakwane, ngwalai ku takivuthaneli kitupasalriu la patarumara baai nakwane ku akaesadhane.

Lasenai 24:4

Amani kudra mabula ku alrima alrivilrivi ku kidremedreme, kai wasukubu ki samiamiange, kai madraedrangelre kiketekete.

Lasenai 26:6

Tamatama, tawalrimaku tusapelaelane ka kiadralrilaku, si la ngithalringulaku ki tapatarumaramarane sukubu muswane.

Lasenai 51:10

Twaumase, kiatubiaku muswane pasikaiyaili darepe ku vaeva ku mabula ku kidremedreme; kiatubiaku muswane patarumaraili baai ku vaeva ku bavane laka tengatengane ka ri.

Lasenai 73:13

Lumia kwini, kiapapawlringavaku si ngilalakebe, kainaku walreme pasalriu, kikai yai avutha?

Lasenai 73:28

Kwaku, lu dulrwaku kidethe ki Twaumase matharirilringa! Lrika takilakelakebaneli ki abebeelengenga ka Tamatama; lri pelaelaelaku ku tapianeini patuelre.

Isaiya 13:15

Sanaka kiakidringai lri kipapacai makanaelre; sanaka kiapwalra ku umawmase lri kiara lrabu pacai makanaelre.

Isaiya 29:13

Ku Tamatama amia kai, “Kikai lamapapangale wasukusukubu nai amia nakwane! Kwi lalasu arakai ku bibiane lini usakene nakwane, ai ku kidremedreme lini kiadailinga nakwane. Ku takisuswane lini kathanenga kudra lanitukakudhanane ikai ki umawmase wathingalenga kai dredrele lu silrigu.

Isaiya 58:2

Kwi lalasu wasukusukubu nakwane lukakaiyaiyaiya, kwi lalasu miakau madalame thingale ku kadalrananeli, ku kuni lini la miakau pangiamiamiya ku dringelresane, si pasalalaladha ku hulriceli ka kuni. Kwi lalasu kiatubi nakwane ku abaadhaneli liniane ku paramaramavane ku hulrice, ka sapelaelane lini ala ka madalame sukubu nakwane.”

Yerimia 4:11

Lu kelanga kwidra, yakai ku umawmase kulri pelaela ki swa Yerusalrime: Yakai ku maculu ka saseverane ka twalai calragulragu papia liniane valrigi, kaika amani kwidra lri palai ki lrapi ka vaivalrigi iya,

Yerimia 4:14

Swa Yerusalrime, sinava kwi pasalrivane ki kidremedreme, lri dulrusu kipalribulu. Lri pakelasu lwigane ka takavalringiviingane ki pasalrivane?

Silringau 3:57

Twabalrengasu nakwane, si pelaela nakwane madha kakiwcu iya.

Izikile 18:31

Cilria kudra piapia numi ku ngialisiane patueelre, la balrithi ku bavane ku kidremedreme, bavane ku ri! Swa Iseraylri, asingithaanga pacai?

Malaki 3:7

Mararamau numi ki cucungulane numi, takiwvagadhane numi katwase ki hulriceli, si kai palululudu. Amiaku kai ka Tamatama ka abebeelengenga ki sanaka kwapingi: Kunumi yai ngibangula papia nakwane, la nau ngibangulu papia numiane. Ai amia numi kai kivaga, ‘Lri tumane nai ala ka ngiabangulu nai papia muswane?’

Matai 12:33

“Ku mathariri ku angatu, ku madru mathariri; ku malisi ku angatu, ku madru malisi. Wadulru madu patwalai ki madru si thingale ku mathariri ku malisi ka angatu.

Matai 15:2

“Kai lasitusu ani kai paluludu ku kakudhane ki cucungulaneta? Sa lri kane kwidra kai wasusu ku tinukakudhane paswalana tawlrima!”

Matai 27:24

Sadrele ku Pilatu, la thingale adravane kawrivana kadruanga ku vai, lri aru pangiracukulringa ku akalrithavulane, la malra ku acilai si icucubungu ki mapapangale tawlrima, si iya kai, “Ku pawaludru ku erai kai ki umawmase, ku pasalrivane kai yakai nakwane, kunumi ngikakamanianga siamece!”

Nisikawlane 15:9

Ikai mitane si ikai liniane, ku Twaumase kadrwa ku apatulrilrigane, ngwakai ku takasalrwane lini la bula ki takidremedremane lini.

2 Kurintu 7:1

La kinilibakane ka laretesane, kudra wamalrangata kikai la pinalraingane, lri ngipapakabulata, si mwalra patuelre ku kudrulru ki kinawmasane si kidremedreme, ikai ki usakenane si ukuludrane ki Twaumase ku tapanianianiakane la maka kitulrepenge kabula.

1 Timuthi 2:8

Ikai ki latairuburubwane, anatumane lu inulri ku sawvalai, laka patengatengane pubelenge ku alrima si inulri, la kai kalisi, la kai rivu.

Hiburu 10:22

ala kuta tatara arakai ku patengane ka kidremedreme si mapapedrenge ka salrwane, arakai ku nibulanenga, ka kadrwa ku pwalane ku kidremedreme, si nisinavanenga arakai ku acilai ka kinawmasane, kainganai aru adeethe ki Twaumase.

Hiburu 7:19

Ku hulrice ki Musi kadrwa ku apakitulrepengane sanaka manemane. Kikai la ikainga ku mathaithariri ku sidramata, ngukai iniane, lri dulruta arwa deethe ki Twaumase.

Yakubu 3:17

Ai, ku twalai belenge kainganai ku lrigilane yakai ku taathingalanane ukalrivili; ku aswalaalanga yai bulane, ku mwasakadrusa yai rathudane, ngitatwalebeane, sulrapelane, swaete ku thalradhane, wadulru pumadru ku makaalra ku mathariri ka madru, kadrwa ku ngipapakaesadhane, kadrwa ku nikadraedrangelrane.

1 Pitiru 1:22

Kikai asasane, ngwalai ku tapasalaladhane numi ki tengane ka sabulrwane, ngiababulanga numi, si ka tengatengane numi kilibake ki drumane ki retesane, patwalai ki kidremedreme makilibalibake.

1 Pitiru 3:21

kikai acilai sapathingalane ka sapabanavane. Kikai sapabanavane palribulunga numiane kikai, kaika wasinau ki kudrulru ki kinawmasane numi, pakabula ki kidremedreme ku apapiane ki Twaumase kiketekete, kikai sapabanavane ngwakai ki tasielane ki Yesu Kirisitu si palribulunga numiane.

1 Yuhani 3:3

Sanaka siadramadrama ku autaluvaivadhane ki Kirisitu ku umawmase lrika tangibabulane makanaelre, mia ki Yesu ka mabula.

1 Samuile 14:35

Ku Saule la pasikai ki Tamatama cegecege ku tapatarumaramarane; kikai amani ku aswalaalanga ku cegecegeini ku tapatarumaramarane.