Yakubu 4:5 - Ngudradreadrekadhane Ka Sisiu 魯凱語聖經

⁵ Kai Sisiu amia kai, “Ku Twaumase akuli turamuru kudra baaini pikai adringi mitane.” Kwini vaga kadrwa ku pacugane amia numi?

Yakubu 4:5 Iomraidhean Croise

Tabekacane 26:14

Ku swa Pelisitine sa drele ka makalra ku lalwange, lakiu si ladurini, la pathalra turamuru,

Tabekacane 30:1

Ku Rakile kai pasiakai ki Yakubu tulalake, la kirimu pathalra ki takaini, la iya kai ki Yakubu, “Baadhaili ku lalake; lu kaisu pia kwini, lri pacadhaku!”

Tabekacane 37:11

Ku lataka ki Yusepe la pathalra iniane turamuru, ai ku tamaini takidredredreemane kikai.

Tabekacane 38:9

Ai ku Unange wathingale lu tulalake ku lalake kai lrika lalakeini, lakamani sa tadrusa apece ki sakadaneini, waraanau pawcilri pidaedae ku buluini, pakai ku kaika apasikaiyane ki takaini tulalake.

Tabekacane 6:5

Ku Tamatama sadrele ki laumawmase samakitu ngilisiane ku kidremedreme,

Tabekacane 8:21

Ku Tamatama kiaragai ku sangulremane ki nipatarumarane, la iya kai kidremedreme, “Lutuumane kainaku lri ngwalainga ki kakwakudhane ki umawmase si pusu ki kadaengane. Wathingalaku, kai umawmase singika vavalake ikai ku pasalrivane. Lutuumane kainaku lri pangimianga kikai amudu demedeme sanaka panianianiake ikai kai ki kadaengane.

Lasenai 106:16

Ikai ki tasulasuladhane lini, kwi lalasu pathalra ki Musi, la kalavare ki saniange ka sasiakawlu ki Tamatama ka Arungu.

Lasenai 37:1

Madha ngwalalai ki manganganga ka umawmase si kwalri taupungu ku kidremedreme; madha pusamalramalra ki paiyaiya ku kaika madringelrese ka umawmase.

Kavagavagane 21:10

Kai manganga ka umawmase apiane ku ngialisiane ku kidredredreme lukavaiyane lukamaungu, kadrwa ku kalithane ku kidremedreme ki pasiagiagisi.

Wabulru 4:4

La peelanga naku drele: Kai umawmase lu kwalrialri kaungu, si silasilape ku akilrigwane ku nagane yai, ngwalai ku tapusamalrane ki lapasiagiagisi. Kikai yai mialri ka ungawngau, ka pwalralra ki saseverane.

Isaiya 11:13

Ku swa Iseraylri lri kai pathalranga ki swa Yuda; ku swa Yuda lalri kai tubadhanga ki swa Iseraylri.

Taasipane 11:29

Ku Musi la tubalre, “ngwakaisu ki amuesadhaneli si pathalra? Palraingaku ku Tamatama la malra kikai Ri si vala sanaka kawkawluini, lani mia ki yuginsia makanaelre karaleale!”

Taasipane 23:19

Ku Twaumase makaela ki umawmase, kai lri tavuvulrucu kawriva; Kai ka paramia ki langumawmase, kai lri tupela ku takidremedremaneini. Ku palraingingaini ku vaga, lri tara pangimia; Sana avavaga, ngiamia ku awngane.

Yuhani 10:35

Wathingaleta ku vaga ki Sisiu kai lri akabalrithi palralrawthu; papia kwidra ki tarwamara ku vaga ki Twaumase, ku Twaumase twa Twaumase liniane.

Yuhani 19:37

La ikaiyana ku taiyane kai ki Sisiu, “Kwi lalasu lri paswabelenge drele kudra ara idiri lini culrulu ka umawmase.”

Yuhani 7:42

Asi lwiyane kai Sisiu wapacase, ku Kirisitu yai mwabaibalrithi ki Davidi, lri kitulalake ikai cekele ki Davidi kavai Bithelrihime.”

Nisikawlane 7:9

“Kudra lalalake ki Yakubu pathalra ki bitakane lini ka Yusepe, la malra kilangai iniane pwa Izipiti. Ai ku Twaumase yakai tapalrapalra iniane,

Ruma 1:29

Kwini lalasu swaete ku makaelaela ku kai madringelrese, malisi ka kakudhane, ravane, sapawlisilisiane, la mialri suete ku pathalrane, apapacadhane, akarivwane, apawlibakane, si kai lalasu kiabubuli madrekadrekase. Matwalililisi,

Ruma 9:17

Ikai ki Sisiu, ku Twaumase amia kai ki talialalai ki swa Izipiti kawriva, “Ku pacegecegeli paatalialalai muswane, amani ku lrika aputaluvaivadhanesu ku pukuli, lani salraelre kawmasane kai naganeli.”

1 Kurintu 6:19

Kai numi wathingale kwi kinawmasane numi ala ka daane ki Siri? Kai Siri yakai adringi numiane, ka patarumara ki Twaumase. Kwi kinawmasane numi kaika numianenga, Twaumasanenga.

2 Kurintu 6:16

Ku daane ki Twaumase si samiamiange pikakwa tara acegecege? Amanita ku mabula ka daane ki palralrawlrawthu ka Twaumase. Mia ku taiyane ki Twaumase kai: Lri taelreaku ki umawmaseli, si ikai liniane masasawlriwlri. Lri a Twaumasaku liniane; lai aumawmase nakwane.

Galatia 3:8

Kai Sisiu paswalanga drele, ku Twaumase lri pangukai ku salrwane ki sakamaelanane ka umawmase la makakadalru iniane, lakamani paswalanga kai hukuingi si pelaela ki Aberahame, iya kai, “Sanaka umawmase lri ngwalai muswane si ki subulrubulru ki Twaumase.”

Titu 3:3

Kuta kunadruma namiyaiyata ka kadrwa ku thingale, wabaebalre, si amuli, amanita ku duri ki makaelaela ka murikai ki beate si angulwadhanane kiragai si panianianiaketa ikai ki ngialisiane ka sapapacai si pathalrane, si makababadha.