Yakubu 4:4 - Ngudradreadrekadhane Ka Sisiu 魯凱語聖經

⁴ Kunumi ka kai pangiamia kai masalru ka laumawmase! Bekace numi kai thiingale ku twatalragi ki kawmasane ala ka amani ku kiatubadha ki Twaumase? Sanaka twatalragi ki yakawmasane lri kamani ku kiatubadha ki Twaumase!

Yakubu 4:4 Iomraidhean Croise

Tabekacane 3:15

Lri makakabadhasu kavai ki ababai, ku mwabaibalrithi numi lri makakabadha. Kwini lasu lri twithi ki awlrusu; ala lri kacesu pakadula ki alrudrudraneini.”

Lasenai 21:8

Ku talialalai lri pwalra ki badhaini patuelre; lai lri ravase ki malisilisi iniane makanaelre.

Lasenai 50:18

Lu kipadradresengesu ki sadre la sitalragisu liniane; si taelrelre ki wacapange ka umawmase.

Lasenai 73:27

Kudra lawacilri muswane ku umawmase lri tara pacai; sanaka kai twakapatengatengane muswane ka umawmase, lri amudusu.

Isaiya 57:3

Kunumi ka lapasalrisalriu ka umawmase naika wakela numi si kisaibange! Alau kai numi ka mathaithariri ki lataraivigi, ki latarapasalriu ki ababai, ki lapairairange.

Yerimia 2:2

papia ki yakai Yerusalrime ka laumawmase iya kai: Pwalringavaku, sa icengecengeananasu madalamesu nakwane! Sa taukarudrarudrangeta, madalamesu nakwane turamuru! Twapapalrangasu nakwane ngukakai ubulane, si ngukakai ki kaika takauawngane.

Yerimia 9:2

Lu ikaiyaku ubulane ana ikaai ku takipaidringaneli, si dulru mwadaaili mubere ki sakacekeleli. Kwi lalasu yadrepele ka wabaebaebalre. Kadrua ku takapatengatenganane ku kidremedreme.

Izikile 16:32

Ai kaisu maiya ki pairairange ka ngwalalai ki paisu ngikakilangalangai ku kinawmasane sikakathane; mapasaisalriwsu ki sawvalai ka ababai, ka madadalamesu mupadruku ki maelane ka umawmase, la kalrase ki taelrelre.

Husia 3:1

Ku Tamatama amia kai nakwane, “Lu mwa tupela kadalame kudra wacilri ki taelrelreini si mwa kadalame ki drumane ka apairairange. Kadalama iniane, mia ku takadalamaneli ki swa Iseraylri. Unu kwi lalasu wabaebalre si cilri nakwane, la katwase sukubu ki drumane ka twaumase, la kadalame kudra ki nipatarumaranenga ka pange ka budu, ai madaalameana naku liniane.”

Matai 12:39

Ku Yesu la iya kai, “Kikai zidai kai umawmase ala ngialisianenga turamuru, ala kai saliakavaeva ku kidremedreme turamuru! Kunumi la kitubitubianana numi nakwane ku apadrelane ku pinangu Twaumasane ka puku! Ini, kathaane ku pinangu Twaumasane ka puku ki yuginsia ka Yuna, kadrwanga ku drumane ku pinangu Twaumasane ka puku ku apadrelane numiane.

Matai 16:4

Kikai zidai kai umawmase ala ngialisianenga turamuru, wacapangenga ki sawvalai si ababai! Lri kitubi numi ku pinangu Twaumasane ka puku? Kathaane ku pinangu Twaumasane ka puku ki Yuna, lri kai numi maka drelenga ku drumane ku pinangu Twaumasane ka puku.” Sa maka kawrivanga ku Yesu, la katwase liniane.

Matai 6:24

“Kadrua ku umawmase kulri dulru pasikai ki tadrusa ku tawki. Lu kai kalrase kikai, lri kadaalame kikwini, lai lri tukucingalre kikai, si sidrekase kikwini. Kunumi kai numi lri maka dulrulriinga apasilange asasiakawlu ki Twaumase, la aduri ki paisu.

Luka 19:27

Ala kudra kai lri paatalialalai nakwane liniane kudra labadha, mailuka liniane mwakai, si picucubungu nakwane papacai!’ ”

Yuhani 15:19

Alaiyasi ka swakai numi kikai kawmasane, kai yakawmasane lri tara kilibake ku swakai iniane ku umawmase. Ai, patwaladhaku kikai kawmasane pilri numiane; kai numi ka swakai kikai kawmasane, lakamani ku kalisi numiane kai yakawmasane.

Yuhani 17:14

Wabaainga naku ku vagasu liniane, kai yakawmasane la kavalracevace liniane, asi lwiyane kwi lalasu kaika swakai kai ki yakawmasane, mararaamau nakwane ka kaika swakai kai ki yakawmasane.

Yuhani 7:7

Kai kawmasane kai lri kalisi numiane, ai maliisi nakwane, asi lwiyane kainaku watelrai putaluvaivai ku tangilisianane ki kakwakudhane lini.

Ruma 5:10

Kuta nabadhata ki Twaumase, ai ngwalai ku tapacadhane ki Lalakeini, la makakadalrungata iniane. Kudra makakadalrungata iniane, kaita lri kirimulringa ngukai ku tasielane panianiake ki Kirisitu si kipalribulu?

Ruma 8:7

Lakamani, ku pasalaladha ki takaumawmasane ku umawmase amani ku kiatubadha ki Twaumase; asi lwiyane kai pasalaladha ku kelrete tukakudhane ki Twaumase, si ku patengatengane lai lri kai maka dulru pasalalaladha.

1 Kurintu 1:20

Lu mia kwini, ku malrigili ku umawmase yainu? Ku ngiathingale ku umawmase yainu? Kudra malrigili kidrikisi ku vaga ki kawmasane yainu? Ku Twaumase wamalranga pakakukulrungu kai lrigilane kawmasane!

1 Kurintu 1:21

Ku Twaumase arakai ku lrigilaneini, la kai maka singikai ki lrigilaneini si thingale iniane kai umawmase kawmasane; ngiabaalrelringa, ku Twaumase pangukai kudra pelaelaelata kudra “Makulrungu” ka hukuingi si palribulu ki masalru iniane ka umawmase.

Galatia 1:10

Lu iyaku kai kawriva pakaiyaku ku akilrigwaneli ki umawmase? Ini! Ku urikaili yai akilrilrigwane ki Twaumase! Nau kikadalame ki umawmase amiaku? Alaiyasi nau kikadalame ki umawmase iyaku, kainaku ka sasiakawlunga ki Kirisitu.

Yakubu 1:27

Ikai ki tadrelane ki Tama ka Twaumase, kudra alriviilrivi ka kadrwa ku pwalane ku takisuswane ala amani kudra: Siarapale ki yakai ki kwalrialrialri ka lapakulrulrulu si walibakane ka ababai si ngiapapakilibake ku kaika akipangilisiananeini ki kawmasane.