Yakubu 4:12 - Ngudradreadrekadhane Ka Sisiu 魯凱語聖經

¹² Kathaane ku Twaumase ka wacegecege ki hulrice, ka tarasaibaibange; kathane ku lri dulru palribulu, lri dulru pakamudu. Aneanesu, ka wathuru raeratenge ki pasiagiagisisu!

Yakubu 4:12 Iomraidhean Croise

Yubu 38:2

Aneanesu, ka kawarivariva ku kadrwa ku thingale ka vaga, si kalrilrilriki ki lrigilaneli?

Isaiya 33:22

Adravane ikai ku varukuru ki badha ku mwadaane ki tawbilabilane ki lavarukuru, ku saerecane ku calrisi lri kalruka, ku balrawbau ki varukuru kai lri maka ngipaipai; ku yabelenge ku lalawbubulu lri aniravasanenga mitane ka lawbubulu, adravane ka mapiapilai ka kai maka wadulru dadavace lri ikaai ku drulru lini. Ku Tamatama amani ku tarasaibaibange mitane, ku tarakelrekelrete ku hulriceta, ku talialalaita; ku Twaumase lri palribulu mitane.

Matai 10:28

Kudra wadulru papacai ki kinawmasane sikakathane, lai kai lri dulru papacai ki abake, madha mukulukuludru; ku amukuludrane amani ku Twaumase, kathane ku lri dulru alra ki beate si abake cilri pwa swadriadringi.

Luka 12:5

Lri pakipapawlringavaku ku naika amukuludrane numi lukaaneane: Ku amukuludrane numi amani kudra lri malra iluku ku niake ki umawmase, si la ikaiyana ku puku malra cilri pwa swadriadringi ka Twaumase. Unu, nau pelaela numiane, kudra naika amukuludrane numi ala amani kwini lasu!

Ruma 14:13

Lakamani, takai kirimunga maraeraeratenge; tatukapatenganenga ku kidremedreme, si kai piapianga sanaka maneemane ku apamwadrekane ikai ki takisuswane si pasalriu ki laretesane.

Ruma 14:4

Aneanesu, si raeraeratenge ki sasiakawlu ki palrapalra? Kudra tawkini kai lri dulru tintingi ku tapangiesadhane si tapangilisianane kwini ki lasu? Sikamanianenga, ku Tamatama wadulru paralubu iniane, si ikai ku tapangimianeini tumane.

Ruma 2:1

Retesane, lu raeratengesu ki palrapalra, adravane ka aneanesu, kaika amaka pacepane. Lu raeratengesu ki palrapalra, la ka mialrisu piyaiya, ngiatatu pasalrivanengasu.

Ruma 9:20

Ai retesane, aneanesu, ka wathuru tubaebalre ki Twaumase? Kudra niarakaiyane ku dae tulawbubulu ala maka dulru kawriva ki wadarepe iniane iya kai, “Asu darepe tumiyaiya kai nakwane?”

Hiburu 7:25

Lakamani, lri tara dulru palribulu kudra ngwakai iniane si kidethe ki Twaumase ku umawmase, asi lwiyane lri palralrawthu panianiake, si atalingikaiyane liniane kitubi ki Twaumase.

Yakubu 5:9

Laretesane, madha makwiyaiyaiya, amani lu saibange numiane ku Twaumase. Ku amani ka lri saibange ka Tamatama lri padaalrunga si kela, yakainga lrawlrawdru.

1 Samuile 25:10

Ku Nabale la tubalre, “Aneane kwini Davidi? Aneane kwini lalake ki Yesi? Kikai takaalra ku laduri ku wakela kai mubere,