Yakubu 4:11 - Ngudradreadrekadhane Ka Sisiu 魯凱語聖經

¹¹ Laretesane, madha matulililisi. Ku twalilisi ki retesane amani ku twalilisi ki hulrice. Alaiyasi tulilisi numi ki hulrice, kai numi ka pasalaladha ki hulrice, amaninga kudra twalilisi iniane.

Yakubu 4:11 Iomraidhean Croise

Lasenai 140:11

Ku wacapange kukusu ki palrapalra ka umawmase ani kai dulru acegecege; ku ngikararakacane ka umawmase ani ki amudu ki amatikurwane.

Luka 6:37

“Madha raeratene ki umawmase, ku Twaumase lri kai saibange numiane; madha tupasalrisalrivane ki umawmase, ku Twaumase lri kai tupasalriu numiane; pacepa ki umawmase, ku Twaumase lri pacepe numiane.

Ruma 2:1

Retesane, lu raeratengesu ki palrapalra, adravane ka aneanesu, kaika amaka pacepane. Lu raeratengesu ki palrapalra, la ka mialrisu piyaiya, ngiatatu pasalrivanengasu.

Ruma 2:13

Asi lwiyane kudra lri kai kitupasalrivane ki Twaumase ku umawmase kaika amani kudra kialalalalra ku hulrice sikakathane. Amani kudra pangiamia ki hulrice ka umawmase.

Ruma 7:7

Lu mia kwini, lri dulruta pasalrivane iya ki hulrice? Kaita lri dulru! Ai, pangwakai ki hulrice, ala thingalaku kai pasalrivane luka manemane. “Madha kararau”, ana kai iya ku hulrice, nai kainaku thingale ka manemane ku sia ravane.

1 Kurintu 4:5

Lakamani, lu kaiyana kela ku vai yai, kunumi madha kawriariariva sanaka aneanenga ki umawmase. Lri ukalava ku akelane ngusela ki Tamatama ala lri ikai ku bibiilrilinga ku asaibangane; lukamaninga kwidra, lri utaluvaivai kudra niseketane ikadradridrimitane, si putaluvaivai ku nau pangimia iyaiya kidremedreme ki umawmase. Lukamaninga kwidra, sanaka aneanenga lri patwalai ki Twaumase malra ku naika akidrengedrengerane.

2 Kurintu 12:20

Mwakuludraku lu mwaku drele numiane, si kai mamamwa ku sidramadramali; si lu drele numi nakwane, la kai mamamwa ku sidramadrama numi. La ukuludraku drele ku rivwane, pathalrane, ngikamianane, ngipapakaesadhane, twalilisi, ngiapalapalai ka vaga, wadradrarane, si wavangavange tulilisi.

Ipisu 4:31

Kunumi mwalra cilri patuelre ku lisiane, girimucane, elathane. Madha rivurivunga madha tulililisinga, ani kai ikainga ku lisiane patuelre.

1 Timuthi 3:11

Ku lalabaibai lini lai mialri ka mathariri ku takaumawmasane, kai kawriariariva ku cacapange ku vaga, lri kapapedrenge, matisudralru.

2 Timuthi 3:3

kadrwa ku kilibakane ki wacekecekele, kai mwalralra ku lisiane, pasasarau ku kaika patengane ka vaga, kai maka ngiararuthuku, malilisi, kai madalame ki mathariri.

Titu 2:3

La pakipapawlringava ki labaibai ka tarudrawdrange, dradreela ki kakwakudhanesu iya. Madha kawrivariva ku angilisianane ki palrapalra, madha aduriduri ki bava. Atakitwalravana ka mathariri,

Yakubu 1:16

Kadalameli ka laretesane, madha kilrilrigili!

Yakubu 1:19

Kadalameli ka laretesane, kunumi ka tangea tara kicacaligira kilalra ku taiyane ki palrapalra, madha kawpungu ku akawrivane, la madha kaduai kalisi.

Yakubu 1:25

Ai, kudra maka pwadriadringai drele kudra ki kiatulrepenge si lri dulru pangilralraingi ki umawmase ka kakudhane si pacuungulu pangimia ku umawmase, kaika kialalra si la karimuru, patengatengane ka pangiamia ki vaga ka umawmase, ku miyaiya kai ku umawmase ikai ki tapiane ini ku awngane lri tara kisubulrubulru ki Twaumase.

Yakubu 2:8

Alaiyasi pasalaladha numi ku tapacasane ki Sisiu iya kai, “Kilibaka ki umawmase mia lu ngikakilibakesu.” Ka kakudhane ki bavane ka cekele, ngiamianga pacengecenge.

Yakubu 5:10

Laretesane, ngulringava kudra pangwakai ku nagane ki Tamatama si kawriva ka layuginsia; twalralrava ku takwalriane si takiadilane lini.

Yakubu 5:7

Lakamani, laretesane, kunumi kiadila, pakela ku akelane ngusela ki Tamatama. Drela, kai tarakawaungu kiaadili turamuru mukalava ku taleke ki umawma, la kiaadili sidrama mukalava ku udale ki kalarigarigane si kalalidrarane.

Yakubu 5:9

Laretesane, madha makwiyaiyaiya, amani lu saibange numiane ku Twaumase. Ku amani ka lri saibange ka Tamatama lri padaalrunga si kela, yakainga lrawlrawdru.

1 Pitiru 2:1

Lakamani, kunumi cilria kai ngialisiane patuelre, madha kadraedrangelrenga, ngiakathaithaithariri, pathalra, kawriva ku tangilisianane ki palrapalra,