Yakubu 4:1 - Ngudradreadrekadhane Ka Sisiu 魯凱語聖經

¹ Kwini maulrulrulrudru numi si karivurivu twalai inu? Twalai adringi numiane kwini makakaruburuburu ka gathimi ki kinawmasane kainganai!

Yakubu 4:1 Iomraidhean Croise

Yerimia 17:9

Kai kidremedreme ki umawmase kadrwa ku walribate ku tavuvulrucane, laka kadrwa ku walribate ku ngilisianane; aneane kulri maka dulru paladeke drele?

Matai 15:19

Asi lwiyane ku twalai ki kidremedreme ki umawmase kainganai, makaelaela ku ngilisianane ku takidremedremane; kilakikai ngialisiane ka takidremedremane lri papasalriu iniane ki papacai, ki pasalriu ki sawvalai ki ababai, ki padralra, ki kwaupa, ki draedrangelre siwmi, ki twalilisi.

Yuhani 8:44

Sakwa ka lalalake numi ki Akema, ka kiadredreedreme ku apasalaladhane pia ku piapia ki tama numi. Twalai ki sapathagili amani ku papacai, kai sakaikai ki patengane ka sabulrwane, asi lwiyane kadrwa iniane ku patengane ka sabulrwane. Takaumawmasaneini ki atavuvulrucane; asi lwiyane amani ku taratavuvuvulrucu, laka tangadrane ki atavuvulrucane.

Ruma 7:23

kai kinawmasaneli kiaililuku ki maelane ki nikelretane ka kakudhane, kikai nikelretane ka kakudhane la makakaruburuburu ki yadringi ki kidremedremeli ka kadalameli ka nikelretane ka kakudhane, la kainaku maka katwase kidaili kikai saruthukane ki nikelretane ka kakudhane ki pasalrivaneli; kikai nikelretane ka kakudhane yadringi nakwane ka tara tumwamwamulrace nakwane.

Ruma 7:5

Lu singikaikaiyanata ku takikathianeta ka umawmase panianianiake, ku hulrice ki Musi pangiavelevele ki ngialisiane ki kidremedremeta, si ikai ki beateta utaluvaivai, ku angimiane laka apacadhane.

Ruma 8:7

Lakamani, ku pasalaladha ki takaumawmasane ku umawmase amani ku kiatubadha ki Twaumase; asi lwiyane kai pasalaladha ku kelrete tukakudhane ki Twaumase, si ku patengatengane lai lri kai maka dulru pasalalaladha.

Galatia 5:17

Asi lwiyane ku murikaiyane ki kinawmasane makakabadha ki Siri, tara maulrudru, lai kai numi maka dulru pia ku nau pia iyaiya numi.

Kulusia 3:5

Lakamani, kunumi tara papacadha kwini yakai ki kinawmasane numi ilililuku kudra la ngwakai kawmasane ka urikaiyane ki kidremedreme, amani kilakikai wacapange ki sawvalai si ababai, matiadingeselre, ngialisiane ka urikaiyane ki kinawmasane, malisi ka takidremedremane, si ravane (kai ravane taingeane ka wasukubu ki samiamiange).

2 Timuthi 2:23

Cilria kwidra ngiakulrungu ka kadrwa ku thingalane ka amadrikidrikisane ka vaga, wathingalesu, ki kikai amadrikidrikisane ka vaga wadawlu ki rivwane si kakathane.

Titu 3:3

Kuta kunadruma namiyaiyata ka kadrwa ku thingale, wabaebalre, si amuli, amanita ku duri ki makaelaela ka murikai ki beate si angulwadhanane kiragai si panianianiaketa ikai ki ngialisiane ka sapapacai si pathalrane, si makababadha.

Titu 3:9

Kidaila ki kadrwa ku thingalane ka nimadrikidrikisane ka vaga, si pangukai ki tamacucungulane ka lanagane si hulrice maakulisi; kilakikai patuelre kadrwa ku vai, kadrwa ku kucingalrane.

Yakubu 1:14

Lu ikai ku tangea ku kiakituthiathingale, kiabilibili ki gathimi ki kinawmasaneini.

Yakubu 4:3

Lu kitubi numi la kai numi maka tarumara, amani sa kai pacengecenge ku tapapiane ki kidremedreme numi; ku kitubi numi apasawlrane ngukai ki peravane lakathane.

1 Pitiru 1:14

Pasalaladha ki Twaumase, madha pangisasingikaikai ki ngipapakaesadhane ki kidremedreme si marasikai numiane, mia saka siaswalane saka kulrunguana numi ka kadrwa ku thingale.

1 Pitiru 2:11

Kinilibakane ka laretesane, ikai kai kawmasane yai badhabadha numi, ka mwababadhane ka umawmase. Lri pasapukwana ku numiane, madha pangilralrailraingi ki urikai ki beate numi, kikai miyaiya kai ka urikai ki beate takikaruburuburane ki abake.

2 Pitiru 2:18

Kai lalasu kawariva ku ngikalrilrigwane ka ngiakulrungu ka vaga, arakai ku urikai ki kinawmasane lrilrigili kudra la tau katwatwase ubere ki ngialisiane ka sikace ka laumawmase.

2 Pitiru 3:3

Ku makuciaciingalrenga yai, lri tara thiingale numi, ikai ki bilrilanenga ka vai, yakai ku laumawmase ku kiaarakenga ki ngipapakaesadhane ki kidremedreme, lri kainganai ulralrakai numiane,