Yakubu 3:6 - Ngudradreadrekadhane Ka Sisiu 魯凱語聖經

⁶ Kai lridame mararaamau ki apwi ikai ki kinawmasaneta yai amani ku taikaiyane ki ngialisiane, wadulru kudrulru ki kinawmasane palraelre; pangwakai ki apwi ki swadriadringi si lama patuelre ki kadalranane ki tapanianianiakaneta.

Yakubu 3:6 Iomraidhean Croise

2 Samuile 16:20

Ku Abesalrume la ngibangulu papia ki Ahitupele kawriva, “Yakai ku anipia kwini iyasu? La lri pangitumaneta la iya?”

2 Samuile 19:43

Ku swa Iseraylri la kawriva, “Adravane ka maretetesana numi ki talialalai, ku tamangangimiane nai ku sakialibake nai ki talialalai ka Davidi silrialriibateana ku taimangealane ki sakialibake numiane iniane. Anu kirimu tudrekase naiane? Madha karimurimuru, amani nai ku aswalaalanga madrekadrekase ku wadawlu pasiwlri ki talialalai!” Kwini maecebe la makakarivuana, ai ku takidremedremane ki swa Yuda makelraelratheana ka makawlukulukulu ki swa Iseraylri.

2 Lacaili 13:17

Ku Abiya si lakwapingini la pamalebe ki swa Iseraylri, la amudu ku ta 500,000 ku garagarange ka kwapingi ki swa Iseraylri.

Lasenai 140:3

Kwi lridame ki lalasu mia ki siduduku ka sulrau; kwi bibiane lini mia ki swabe ka yakai ku duku.

Lasenai 64:3

Kwi lridame lini marangisi, mia ki lrabu ku rangisane, mia ki walraili ku duku ka vaga.

Kavagavagane 15:1

Ku akwasulrapele lu tubalre payadrengere ki lisiane; ku akwatibelre ku vaga arwa pakagirimucu.

Kavagavagane 16:27

Ku lagurucuki kiadremedreme ku akabebetethane ki umawmase, ku la taavavagane lini mia ki wakelrakelrabe ka apwi.

Kavagavagane 7:5

Kwi lalisu lri pakidaili muswane ki taelrelre ki palrapalra, si mubere ki malimeme ka vaga ki manganganga ki sawvalai ka ababai.

Isaiya 30:27

Ku madrau ka puku si lrigu ki Tamatama ikai adaidaidaaili lri dulru madu drele. Ku apwi si ebelre pathingalane ku elathaneini. Ku Twaumase lu avavaga kaelaela; ku vagaini mia ki kelrabe ka apwi.

Isaiya 50:11

Sanaka mabebetethenga ki umawmase, lri kitulisi ki apianeini ku ngialisiane. Ku Tamatama paiya kikai kelrete: Ku ngimiyaiya kai ku umawmase lri tara kisacepe ki amatikurwane!

Yerimia 20:10

Kialalraku ku matetetenge ki laumawmase: Kwidra nipasaravane ka vaga: Lri ngithalringulu ku matiaukukuludru wakelanga; bwala tahukuku iniane! Adravane ka katalragiyaneli mwakalavalava dredrele makanaelre ku akiarubwananeli kai kituumawmasenga. Kwi lalasu amia kai, “Pakikaila ki kaili ki lasu! Lata pwalra iniane, si bilri iniane.”

Yerimia 28:16

Lakamani ku Tamatama amia kai, lri amudaku muswane. Lri pacaisu ikai ki caili kai, asi lwiyane pasapukwanesu ki umawmase baebalre ki Tamatama.”

Taasipane 25:2

Kwini labaibai wadawlu liniane si kibalrulu ki tasukusukubane ki twaumase ki swa kai Muabe. Ku swa Iseraylri la kane kwidra sangusukubane ki twaumase lini, si sukubu kwini ki twaumase ki swakai Biure ka Baale. Lakamani, ku kaelaela ki Tamatama liniane,

Taasipane 31:16

Thingala, amani kikai laababai ka kialalra ku vaga ki Balame, ikai kavai Piure lrilrigili ki laumawmase si baebalre ki Tamatama, la kipadradresenge ki swalrubu ku kawkawlu ki Tamatama.

Matai 12:24

Ku swa Palrisai sa kilalra kwini vaga la iya kai, “Kudra maka pakatwaseini ki aidridringane, amani sa satalu ki talialalai ki aidridringane ka Belezebulu.”

Matai 5:22

Ai nau pudriadriingai pelaela numiane, ku akwalisi ki retesaneini, lri kisaibange. Ku maelaela ki retesaneini ‘Salrikathanesu’ iya, lri kiluku mwa ki tasaibaibangane; ku maelaela ‘Kulruduthu’ iya ki retesane, lri kai maka ubere ku sapathavungane ki apwi ki swadriadringi.

Maruku 7:15

Kudra twalai latadre si mwadringi ki umawmase kai lri pakakudrulru ki umawmase; ngiabaalrelringa kamani, kudra twalai adringi ki umawmase ngibwale ala amani ku lri pakakudrulru ki umawmase.”

Luka 16:24

la tawtau kwini lasu iya kai, ‘Kusu ka cucungulaneli ka Aberahame, kakurwaili! Si sikawlu ki Lazaru ani arakai ku galawgauini dapenge ku acilai si kela pakangangerece ki lridameli, asi lwiyane, yakaiyaku kikai ki apwi si kwalrialri turamuru!’

Nisikawlane 20:30

Adravane ikai numiane, yakai ku lri beabekace ku drangelrane, si lrilrigili ki lasinzia katwase tupapalra liniane.

Nisikawlane 5:3

Ku Pitiru la iya kai kwini ki lasu, “Anania, asu kiruthuku ki Satange kwi kidremedremesu, la draedrangelre ki Siri, la pasurusu ku drumane ku langadhane ki kadaengane?

Nisikawlane 6:13

Kikai lalasu kwidra langai lini ka laumawmase la kainganai si iya kai, “Kai umawmase kai tarakawrivariva baebalre ki daane ki Twaumase si hulrice ki Musi.

Tapelane Drekase 13:6

“Adravane ku betakane numi, lalalake numi, kadalame numi ka labaibai numi, ku katalragiane numi, lau lri kibububuli kakakadra numiane mwa sukubu kwini ki kaika sukusukubu ki cucungulane numi ka twaumase.

Titu 1:11

Tara paidrengera ku akawrivane kilakikai umawmase, asi lwiyane, kwi lalasu ngwalai ki ravane ki paisu, la arakainga ku kaika apelaelaelane ku lavaga si kabebetethe ki taikaalra ki tacekecekelane.

Yakubu 2:7

Ku twalililisi ku tarumaranga numi ku niwsakenane ka nagane, amani kwini lalasu.

Yakubu 3:7

Kai umawmase wadulru ruthuku ki labulabulai, ki langiapapapalai, ka laadhadhame, lawagulagulai, si layaaciacilai; ku patengatengane, kwini lasu waruthukunga ki sanaka waudriwdripi.

2 Pitiru 3:3

Ku makuciaciingalrenga yai, lri tara thiingale numi, ikai ki bilrilanenga ka vai, yakai ku laumawmase ku kiaarakenga ki ngipapakaesadhane ki kidremedreme, lri kainganai ulralrakai numiane,

3 Yuhani 1:10

Lu kelaku lri putaluvaivadhaku ku tapianeini, arakai ku malisi ka vaga tulilisi mitane, pasasarau ku vaga tulilisi! La kai kakathane kikai, kai paswadalrudalru ki singibabadhane ka retesane, waruruthukulringa kudra kiasanu pasudalru ku laumawmase, si lri pakatwase liniane ki kiwkai!

Nipadrelane 12:9

Ku baralebale ala kiverevere pulebe; ka amani kudra sidrumane ka sulrau, ku nagane sia Akema sia Satange, ka amani ku walrilrilrigili sanaka umawmase. Sa kiverevere pwa kai kawmasane; ku sasiakawluini la mialri kiverevere pulebe.

Nipadrelane 13:14

Kwi waudriwdripi tarwamara ku lrekeme, la ikai cucubungu ki aswalaala ka waudriwdripi pia ku matiasamali, ngwalai kai la lrilrigili sanaka umawmase kai kawmasane. Kawariva ki yakawmasane ki umawmase ku apasikaiyane kudra ki kia aralrabu kadula ai panianianiakeana ka waudriwdripi pia tusamiamiange.

Nipadrelane 18:23

Ku tinaki kai lri maka ledranga; lai kai akilalranenga ku tamatatetetengeane ki tawkarudrarudrange. Ku muswane ka tarathathathakai ka umawmase kamani ku sapupukuanenga kawmasane makanaelre; kai kawmasane kai umawmase la mialri kilrilrigili pamama!”

Nipadrelane 19:20

Kwini waudriwdripi la kiravase; kudra kaika patengane ka yuginsia ka nayakai cucubungu iniane pia ku matiasamaimali ku tapiane la mialri kipakarededele kiravase. (Kikai kaika patengane ka yuginsia napaiya ku matisamaimali ku tapiane si lrilrigili kudra ki lanipatuthingalane arakai ku waudriwdripi si wasukubu ki tinuwaudriwdripane ka umawmase.) Kwini waudriwdripi si kaika patengane ka yuginsia kia pataka papanianianiake kicilri pwa kwini ki kwadaladalai ki kananu ka apwi ka baiyu.