Yakubu 3:2 - Ngudradreadrekadhane Ka Sisiu 魯凱語聖經

² Maduaita mulibake pasalriu; kudra kadrwa ku tapasalrivane ikai ki vaga amani ku kiatulrepenge ka umawmase; kwini lasu lri dulru ngiraruthuku patuelre.

Yakubu 3:2 Iomraidhean Croise

1 Latalialalai 8:46

“Alaiyasi ku kawkawlusu la pasalriu muswane, (kadrwa ku kailri pasalriu ku umawmase), la ikaisu ki lisiane palraingi ki badha pamalebe liniane, la malra liniane ravase putali drumane, adravane ka ngitwatwatumane ku adailane,

2 Lacaili 6:36

“Alaiyasi ku kawkawlusu la pasalriu muswane, (kadrwa ku kai lri pasalriu ku umawmase), la ikaisu ki lisiane palraingi ki badha pamalebe liniane, la malra liniane ravase putali drumane, adravane ka ngitwatumane ku adailane kwini ki taikaiyane,

Yubu 15:13

Papiapiasu ki Twaumase kalisi; sikathurwanengasu arakai kai miyaiya kaika vaga tubaebaebalre iniane.

Lasenai 34:13

Kwi lridame numi ani kai kawriva ku ngialisiane ku vaga; kwi bibiane numi la mialri madha katavuvuvulrucu.

Lasenai 39:1

Amianga naku kai: Lri kipapawlriingavaku kai kakwakudhaneli, si kai papasalriu ki lridameli; lu icucubungu nakwane ku manganganga ka umawmase, lri iceelrebaku kai avavagavaga.

Kavagavagane 10:19

Ku savagane lri tara pasalriu; ku waruthuku ki ngudwi yai malrigili.

Kavagavagane 13:3

Ku kiapapawlringau ku akawrivane, palakebe ki niake; ku mavagathe kai maka ngiraruthuku, ngiapapakamudu.

Kavagavagane 20:9

Aneane ku lri dulru mabula kai kidremedremeli, kiasinawnga ku pasalrivaneli iya?

Kavagavagane 21:23

Ku wadradrele ku akawrivane ka umawmase lri mubere ki amatikurwane.

Wabulru 7:20

Kai kawmasane kadrwa ku umawmase ku tapiapiane ku mathariri si kai pasalrisalriu.

Isaiya 64:6

Yakaai kai pasalrivane nai makanaelre, adravane kai mathaithaariringa kai kakwakudhane nai mialri ka miyaiya ki makudrulru ka papuripuricane ka laimai. Ngwalai ki pasalrivane nai, miata ki rudawdame ka vasau ka kiapalai ki valrigi.

Lrivi 13:39

ku barakalai lri drele iniane. Lwiyasi kwini takaudiudingane la kadradrimiti ku takalrawlrapungane, kikai sapathingalane ka kathane ku lrangici ka kainganai ku twabeaberathane; kikai umawmase ikai ki lrisi mabula.

Matai 12:34

Kunumi ka lasiduduku ka sulrau, sakwa ngilisiane numi, lri dulru tumane putaluvaivai ku mathariri ku vaga? Asi lwiyane ku yakidremedremane suete, ku ngudwini lri avavaga putaluvaivai.

Matai 12:37

Asi lwiyane, ku Twaumase lri arakai ku vagasu si pelaela tupasalrivane muswane, lai lri arakai ku vagasu pelaela ka kadrwa ku pasalrivanesu.”

Ruma 3:10

Mia ku taiyane kai ki Sisiu: Kadrwa ku umawmase ku madringelrese, adravane ka natangeanga kadrwa.

Ruma 7:21

Lakamani, patarathingalaku ka yakai kai vaeva ka nikelretane ka kakudhane, ka amani ka twamwamwamulrace: Nau pia lu iyaku ku mathariri, kudra ngialisiane taikaiyane nakwane vangavangavange.

1 Kurintu 9:27

Pakialringavaku kiecebe ki kinawmasaneli, pakai ku akitulrepengane ruthuku iniane, amani lu pamwaku ki palrapalra pakikalrumale, la usaararelringa naku kamani.

Galatia 3:22

Ai kai Sisiu amia kai, kikai kawmasane yadringi ki puku ki pasalrivane makanaelre, pakai ku akasalrwane ki Yesu Kirisitu si sitangadrane tusarakaiyane tarumara ku pukawnunga ki Twaumase, kikai pinalraingane yai wabaai ki masalru ka umawmase makanaelre.

Galatia 5:17

Asi lwiyane ku murikaiyane ki kinawmasane makakabadha ki Siri, tara maulrudru, lai kai numi maka dulru pia ku nau pia iyaiya numi.

Kulusia 1:28

Lakamani, lri pelaela nai ki sanaka umawmase patharukai ki Kirisitu, arakai ku makaelaela ku lrigilane bulru ki laumawmase, pakai ku arakane sanaka aneanenga pucucubungu ki Twaumase, si kaamani ku amabeanga ka sinzia.

Kulusia 4:12

Kudra twalai numiane kela ka Ipahurase aii amiamia numiane; kai lasu mialri ka sasiakawlu ki Yesu Kirisitu. Tainulrinulriane pasikai numiane, kitubi ki Twaumase pakakecenge ku salrwane numi, kamani ku mabea ka Kirisite, si kitulrepenge pasalaladha ku kidremedreme ki Twaumase.

Yakubu 1:26

Aneane ku patengatengane ku takisuswaneli amiamia, la kai maka ruthuku ki lridameini, amani ku ngiakadraedraedrangelre; ku takisamulaneini kisusu kadrwa ku paluludane.

Yakubu 1:4

Kunumi kiadila patulrepenge lanu maka dulru daruru ki kiatulrepenge, si kakadrwa ku takapwalane.

Yakubu 2:10

Ku aneanenga ku wabaebalre ki hulrice, ku taingeane wabaebalrenga ki hulrice patuelre.

1 Pitiru 3:10

Mararaamau ku taiyane ki Sisiu; Aneane ku nau kisupilri ku akiragadhane ku takawmawmasane, ku mwarikai ku akatharirane ku angilribatane ku vai, lri paisadra ku akawrivane ku ngialisiane ki lridame, si atavuvulrucane ki ngudui.

1 Pitiru 5:10

Ai, lu kipakwalringa numi kwini edreekane, kwidra amani ku wabaai sanaka migemi ka Twaumase, amani kwidra wadawlu numiane si pangukai ku tamaelreane ki Yesu Kirisitu si mavalavala kisupilri ku palralrawthu ka lrigu ka Twaumase, lri kamani ka pangiamia pakitulrepenge numiane, pakapapedrenge numiane, baai ku puku si pakapapedrenge ku tangadrane baai numiane.