Yakubu 2:7 - Ngudradreadrekadhane Ka Sisiu 魯凱語聖經

⁷ Ku twalililisi ku tarumaranga numi ku niwsakenane ka nagane, amani kwini lalasu.

Yakubu 2:7 Iomraidhean Croise

Lasenai 111:9

Ku Twaumase palribulu ki kawkawluini, si kapalralrawthu ku kiketeketeini liniane. Saniange si matiukuludru!

Senai 1:3

Ku kinawmasanesu sangwalralreeme; ku naganesu wasarau sangulralreme, kadrwa ku ababai ku kailri kadalame muswane.

Isaiya 43:7

Kwi lalasu kawkawluli, ngwaladhaku ki lriguli si bekace liniane.

Isaiya 65:15

Ku pilrili ka laumawmase lri malra kwi nagane numi si tusapuswane. Kwaku ka abebeelengenga ka Tamatama lri pikai numiane ki apacadhane, ai ku pasalaladha nakwane ku umawmase, lri patarumaraku liniane ku bavane ku nagane.

Isaiya 7:14

Ku Tamatama lri ngikakamani patarumara numiane ku vaeva ku sapatuthingalane; yakai ku tawvailekete kulri katawbaliri si tulalake ku sawvalai, lai lri sunagane ki lalake pasi ‘Imanuilri’.

Yerimia 23:6

Ikai ki tarathudaneini, ku swa Yuda lri kapapedrenge piapia ku awngane lini, ku laumawmase ki swa Iseraylri lri kisupisupilri ku rathudane. ‘Ku Twaumase lri kipasudalepe ka, Tamatama ka dringelresaneta.’ ”

Matai 1:23

“Yakai ku tawvailekete ku lri katawbaliri si tulalake ku sawvalai, ku naganeini lri si Imanuilri.” (“Imanuilri” luiya ku pacugane, “Ku Twaumase yakai tapalra mitane” amia.)

Matai 12:24

Ku swa Palrisai sa kilalra kwini vaga la iya kai, “Kudra maka pakatwaseini ki aidridringane, amani sa satalu ki talialalai ki aidridringane ka Belezebulu.”

Matai 27:63

“Mabelenge, pwalringauana nai kudra taratavuvuvulrucu sa italuvaivaiyana naamia kai, ‘Ki samakatulrulu lri sielaku panianiake.’

Nisikawlane 11:26

sa kidringainga, la ililuku iniane mwa Anetiuke. Ikaai kau taracaili, kwini tadrusa la taelre ki lasinzia ki kiwkai, bulrubulru ki takaalra ka laumawmase. Ku takipasi “Kirisite” ki lakiasusunga yai twalai Anetiuke pathagili.

Nisikawlane 15:17

Luka ngimiyaiya kikai, kwidra drumane ka umawmase, kwidra lapilrili papia nakwane kwidra lasakamaelanane ka umawmase, lri makitu kipasilape ki Tamatama.

Nisikawlane 26:11

Kudra drumane, kingiakalralaku ikai ki lararubwane ki swa Yuda pathavungu liniane, si vuthaku liniane paisadra ku takisuswane. Malrasaku turamuru kagirimucu liniane, pakelaku ku wamwa ki cekele ki maelane ka kuni hakegai liniane.”

Nisikawlane 4:12

Ku sapalribulane twalai iniane sikathane kela, asi lwiyane ikai ki kiacaebe ki belenge kai kawmasane, ku Twaumase kai patarwamara ku drumane ku nagane, si lri ngukaita iniane kipalribulu.”

Ipisu 3:15

Kai subelebelenge si kai kawmasane sanaka ladadaanane twalai ki Twaumase ala ikai.

1 Timuthi 1:13

Adravane kunadruma natwalilisiaku iniane, hakegai tusinalreme iniane, ai ku Twaumase makalithi nakwane; asi lwiyane kwidra kainaku masalrwana iniane, la kainaku thingale luka watumatumanaku.

1 Pitiru 4:16

Alaiyasi ku takwalriane ka ngwalai ku taa Kirisiteaneini, madha ngwalalai kalrumale, ngwaladha ku tasiebelane ku nagane ki Kirisitu si lrigu ki Twaumase.

Nipadrelane 19:13

Ku silaimaini swaete ku erai. Ku naganeini kiapasi “Vaga ki Twaumase.”

Nipadrelane 19:16

Ikai ki laimaini si drapaleini wapacase ku nagane iya kai, “Talialalai ki sanaka talialalai, Tamatama ki sanaka tamatama.”