Yakubu 2:5 - Ngudradreadrekadhane Ka Sisiu 魯凱語聖經

⁵ Kilibakeli ka laretesane, kunumi kilalra; ku Twaumase wapilri ki matiakukuru ikawmasane ku lrika akaesadhane ngulwadhane ikai ki salrwane lini, la pawcungulu liniane ku palraingingaini baai ki madalame iniane ku bavane ka kuni.

Yakubu 2:5 Iomraidhean Croise

1 Latalialalai 22:28

Ku Mikaia la iya kai, “Alaiyasi kasulivalivatesu siwlri, kikai yai sapelaelane ki Tamatama ka kadrwa ku tapangukaiyane nakwane kawriva!” Kwini la iyana kai, “Kilalra kunumi makanaelre, tara pulringava kudra kawrivarivali patuelre kuasane!”

Yubu 34:10

Kunumi ka mwalecege ngithingale ka umawmase, kilalra kai aiyaneli: Ku Twaumase paiya ku ngialisiane? Ku wadulru sanaka manemane ka Twaumase lri maka apakaelaela?

Yubu 34:19

Kwi lasu kai pawakalrivili ki tara rathudu, la Kai tukucingalre ki sapaiswane si tudrekase ki matiakukuru; asi lwiyane kai umawmase bekaceini patuelre.

Yubu 38:14

Kai ledra ki vai pakabalrithi ki lalregelrege si lavalrwalru, mia ki nicikipane ka laimai, la mia ki nipuhangeane ikai ki dulrailraki.

Takatwasane Izipiti 20:6

Ai ku madalame nakwane, si paluludu ku padradrekaseli ku umawmase, lri tara arakaiyaku ku thalradhane marasikai liniane, pakeela ki lamwabaibalrithi.

Kavagavagane 13:7

Yakai ku umawmase ku ngiaka maesaesaesai ku tacekecekelane, ai ku patengatengane matiakukuru ka kadrwa ku namanemanenga; yakaai ku ngiaka matiakukuru, ai satacekecekelanane turamuru.

Kavagavagane 7:24

Lalalakeli, kaiasasane kilalra kai kawrivarivali; si kicacaligiri kai vagali.

Kavagavagane 8:32

Lalalakeli, kaiasasane kilalra si pasalaladha nakwane, singikaiya ki vagali pangimia, lri ikai ku akiragadhane numi.

Isaiya 14:32

Lri tumanaiya nai tubalre ki nisikawlane ki swa Pelisitine ka wakela kitubi ku akipalribulane? Lri pelaela nai liniane, iya kikai, ku Tamatama wacegecegenga Ziyungu; kwidra lakiapakwalrialri ku laumawmase lri ikai kwini si kipalakelakebenga.

Isaiya 29:19

Ku alebe ku takaumawmasane lri tarumara ku patarumara ki Tamatama ku sakiaragai; ku matiakukuru ku umawmase lri drengedrengere ki sanianiangenga ka Twaumase ki swa Iseraylri.

Zipania 3:12

Lri ikaiyaku kwini si paasuru kudra ngiatatwalebe ku laumawmase; kwi lalasu lri kainganai mucucubungu nakwane si kitubi ku akipalakebane.

Zakaria 11:11

Sakavaivai, kwini samakaketeketane masuburu. Kwini la tarakilangalangai ku lakiu waleengethe nakwane; kwi lalasu wathingale ku tapangukaiyane nakwane ki Tamatama si pelaelaela ku matiakiragai ka vaga.

Zakaria 11:7

Kudra tarakilangalangai ki lakiu ka laumawmase arakainga nakwane; amaninga naku kudra taraagu kwini ki lri kiculu ka lakiu. Wamalraku ku drusa ku sagwagwane ka ukudru, ku vaeva sia “Migemi”; ku vaeva sia “Maelre avaevanga”. Ngiamia kikai, pathagilaku agu ki lakiu.

Matai 11:5

amani kwidra: ku mamukici wadrelenga, ku mapiapilai wadadavacenga, ku maraibiu la kabulanga, ku macele kialalranga, ku wapacai ku umawmase siaelanga panianiake, ku matiakukuru kialalranga ku hukuingi.

Matai 25:34

Ala lri iya kai ku talialalai kwini ki yavanale iniane: ‘Kunumi ka kiasubulrubulru ki Ama ka laumawmase; bwala! La tarumara kai kuni kai twalai saka tabekacane nipadulrwane pasikai numiane.

Matai 5:3

Ku ngiathathingale ala ka matiakuru ku abakeini ku umawmase ala mwaesai turamuru; amani lini kudra kawkawlu ki kuni ka subelebelenge!

Maruku 7:14

Ku Yesu la peelana sarubu ki mapapangale pucucubungu iniane, si iya kai liniane, “Kunumi makanaelre makitu kilalra kai vagali, si pulringalringava.

Luka 12:21

Ku Yesu la turingaringau iya kai, “Kudra la ngiapapasikaikai pudringai ku tacekecekelane, ikai ki maca ki Twaumase kaika maesaesai mialri ka ngimiyaiya kikai.”

Luka 12:32

“Kunumi ka tabeekele ka laumawmase, madha mukuludru, asi lwiyane ku Tama numi kiararagai baai ku kunini numiane.

Luka 16:22

“Sakabilrilanenga la pacai kikai matiakukuru, ku sasiakawlu subelebelenge la alra iluku iniane pwa ki Aberahame. Ku satacekecekelane la mialri pacai, si ki dralrekenga.

Luka 16:25

“Ai ku Aberahame amia kai, ‘Lalake, lri tara pulringausu sa panianianiakeanasu maka kiasupilringasu ku akaesadhane, ai kai Lazaru kadrwana ku tangilribataneini ku mathariri ka vai; kaiasasane yakainga kikai tarumaramara ku akisasane, kusu la ngibaalrenga si ikaingasu ki akwalriane.

Luka 22:29

Kikai lri malraku kudra patarumara ki Ama nakwane kudra puku ki talialalai si baai numiane.

Luka 6:20

Ku Yesu la ngibangulu papia ki lasituini, si iya kai liniane: “Ku matiakukuru ka umawmase ala mwaesai turamuru; amaninga numi kudra laumawmase ki Twaumase!

Yuhani 7:48

Kai lamabelengeta si swa Palrisai yakai ku masalru iniane?

Nisikawlane 7:2

Ku Setipane la tubalre, “Kunumi ka latarudrawdrange ka laretesane, kilalalra! Kwidra cucungulaneta ka Aberahame sa ikai Mesuputamia, sakaiyana iziu mu Harange, ku lrigu ka Twaumase papia iniane adrelane,

Ruma 8:17

Kudra lalalakengata ki Twaumase, lri kisupilrita kudra akaesadhane ka padulrudulru pasikai ki laumawmaseini ki Twaumase, lai lri kathadalranengata ki Kirisitu kisupilri ku pasikai ki Twaumase iniane; asi lwiyane, sana kivalata siamece ku sakwalrialri ki Kirisitu, lri kisupilrita ku lriguini.

1 Kurintu 2:9

Mararaamau ku taiyane ki Sisiu iya kai: Ku pasikai ki Twaumase padulru kudra ki madalame iniane ka umawmase, amani kudra kaika dreleana ki maca, kaika kilalrana ki calringa, laka kadrwana ku umawmase ku pakela kidremedreme!

2 Kurintu 4:15

Kikai patuelre pasiakai numiane; ku Twaumase ku pwalebenga ku migemi makakai ki takaalra ka umawmase, la lrika takaakalra ku umawmase ku patarwamara ku kiaseasenane si lrigu ki Twaumase.

2 Kurintu 6:10

matelrelrege nai ku kidremedreme, ai taikaiyane ku akiragadhane; mia ki matiakuru nai, ai pakaesai nai ki takaalra ka umawmase; miakau kadrwa ku manemane ku pikai nai, ala ka pakayakai nai, sanaka maneemane.

2 Kurintu 8:9

Wathingalenga numi ku migemi ki Tamatamata ka Yesu Kirisitu: Namani kudra maesaesaesai, ai ngwalai numiane si amatiakuru, kudra pacugane ani ngwalai ku tamatikurwaneini si ani kaesai amia numiane.

Ipisu 1:18

La kitubiaku ki Twaumase ku amuelebane ku maca ki kidremedreme numi, lanu thingale, ku dawlu numiane pamalra ku sidramane yai manemane, ku palraingingaini baai ki umawmaseini ku tacekecekelane yai makalra turamuru,

Ipisu 3:8

Adravane ka amaniaku ku titikiyanenga ki sanaka lasinzia, ku Twaumase ala wabaai nakwane ku maelane ka puku, ku amaka dulrwane malra ku maadrau turamuru ku hukuingi ki Kirisitu si baai ki sakamaelanane ka umawmase,

1 Tisaruniki 2:12

Pasapukwane nai numiane, wasasa nai numiane, kai nai watelrai pasapukwane numiane ku aikaiyane numi ki tapanianiakane kikiragai ki Twaumase, amani ku wadawlu numiane kainganai kisupilri ku pukuini si lriguini.

2 Tisaruniki 1:5

Amani kai ku sapelaelane ku dringelresane ka sasaibangane ki Twaumase, ka apasudalepane numi kisupilri ku akaesadhane ki kuni ki Twaumase. Pasiakaikai numi kikai ki kuni si pacungucungulwana kiadili ki akwalriane.

1 Timuthi 6:18

Drekasa liniane ku apiane ku mathariri, la pilria ku lamathariri ku awngane, si katwabake baai ki matiakukuru, sana ikai ku aparalubane la paralubu.

2 Timuthi 4:18

Ku Tamatama lri tara palribulu nakwane pakidaili ki ngialisiane patuelre, lai malra nakwane pakasulivate mwa ki kunini ka belenge. Ku lrigu anika palralrawlrawthu papia iniane! Amingi.

2 Timuthi 4:8

Twalainga kaikameane, yakai ku pakalreva ki dringelresane ka lrigu ka pagamucu mwakalavalava nakwane, ka amani kwidra singiakai ki dringelresane saibange ka Tamatama, ikai ki akelane ki Kirisitu ngusela ka vai, lri malra si baai nakwane ku lrigu ka pagamucu, kai lri patarumara nakwane sikakathane, lri mialri patarumara ki sanaka akuli si mukalavalava ka umawmase.

Hiburu 11:26

Lu drele, ku apasikaiyane ki Kirisitu kitusinalreme, makuciacingalre ki lawbubulu ki swa Izipiti. Asi lwiyane siadrama ku pakalreva lukabibilrili.

Yakubu 1:12

Ku kiakituthiathingale si maka kiaadili patulrepenge ku umawmase lri kaesai; asi lwiyane lu ngilribate ku takikilrialringavane, kwini lasu lri tarumara ku nipalrainganenga ki Twaumase ku civare ki niake.

Yakubu 1:16

Kadalameli ka laretesane, madha kilrilrigili!

Yakubu 1:19

Kadalameli ka laretesane, kunumi ka tangea tara kicacaligira kilalra ku taiyane ki palrapalra, madha kawpungu ku akawrivane, la madha kaduai kalisi.

Yakubu 1:9

Kudra matiakukuru ku lasinzia, ngwaladha ku takipabelengane ki Twaumase si kiragai;

1 Pitiru 1:4

si tarumara mucungulu kudra pasikai ki Twaumase ki kawkawluini suru ka swaete ka akaesadhane. Ku pasikaini numiane suru pikai belenge ku akaesadhane kai lri kalisi, kai lri kakudrulru, lai kai aru pasuludru,

2 Pitiru 1:11

Lakamiyaiya kai, lri malra numi ku kingidri si maka mudaane ku palralrawthu ka kuni ki Tamatamata si Takipalribulribulane ka Yesu Kirisitu.

Nipadrelane 2:9

Wathingalaku ku takwalrianesu si matikurwane; ai ku patengatengane kusu maesaesaesaisu! Wathingalaku ka kiatulilisisu ki swa Yuda nai amiamia ka umawmase, ku patengatengane kwi lalasu kaika swa Yuda ka umawmase, amani ku twapapapalra ki Satange!

Nipadrelane 21:7

Ku pamalebe ku umawmase lri dulru tarumara kilakikai, amani kai: Lri a Twaumasaku iniane; kwi lasu lai alalake nakwane.

Nipadrelane 3:18

Lakamani, lri pakalrumalaku muswane, papiaili langai kai nithalethalane ka kingi, lasu satacekecekelane; la langadhaku lrawlrapungu ku laimai si silaimai, lani paidringi kwini ki matiainu ka vilralralrakane ka kinawmasane; la langai ku sasulravane ki maca si sakidri ki macasu, lasu dulru drele.

Tamagarange 9:7

Ku Yuthame sa kilalra kikai kwidra la katwase mwa ka lregelrege Girizime, si acegecege ikai belenge ki pangunguthuru ki lregelrege, akwadrau tawtau liniane, “Swa Sekeme, kunumi kilalraili, ku Twaumase lri kilalra numiane!

1 Samuile 2:30

Kunaku ka Tamatama ka Twaumase ki swa Iseraylri napalrainginga naku ki wacekecekelesu si zukusu ka amani ku lrika palralrawthu abarakalai marasikaikai nakwane. Ai, kikai kwidra lri mwalraku kwini takipuawngananesu; lri tara tukucingalraku kudra twakucingalre nakwane ku umawmase, la sidrekase kudra la twadrekase nakwane ku umawmase.

1 Samuile 2:8

Patwalai ki thuvugu pabelenge ki matiakukuru; patwalai ki lriduku parwabelenge ki matiakuru kwalrialri ka umawmase. Pasiatalragi iniane si taelre kivavange ki lalake ki talialalai, la pakilrigu liniane. Kai karwalai ki kadaengane Tamatama ka wacegecege; piakai belenge cegecege kai kawmasane.