Yakubu 2:10 - Ngudradreadrekadhane Ka Sisiu 魯凱語聖經

¹⁰ Ku aneanenga ku wabaebalre ki hulrice, ku taingeane wabaebalrenga ki hulrice patuelre.

Yakubu 2:10 Iomraidhean Croise

Yerimia 32:23

Ai kwi lalasu sa kainganai mudaane, si malranga kikai kadaengane, kai pasalaladhanga ku drekasesu, kai pangiamianga ku sabulwanesu. Ku drekasesu pia kwini iya liniane, kwi lalasu kai paiya patuelre, lakamani ku pakipadradresengesu liniane ku maadrau ku amatikurwane.

Galatia 3:10

Ku arakai ku apaluludane ki hulrice ku umawmase yai panianianiake makanaelre ikai tailebeane ki pusuane. Asi lwiyane kai Sisiu amia kai, “Sanaka kaika paluludu patuelre ki tinukakudhanane ikai ki hungu ki hulrice patuelre lri kipusu ki Twaumase makanaelre.”

Galatia 5:3

Kaiasasane lri pelana naku pakipapawlringau numiane, sanaka aneanenga ku kiatulrisi kigelregelre ku umawmase lri tara paluludu ki hulrice patuelre.

Tapelane Drekase 27:26

“ ‘Ku kai paluludu ku hulrice si sabulrwane ki Twaumase, lri kipusu ki Twaumase.’ “Ku mapapangale lri tubalre, ‘Amingi!’ ”

Yakubu 3:2

Maduaita mulibake pasalriu; kudra kadrwa ku tapasalrivane ikai ki vaga amani ku kiatulrepenge ka umawmase; kwini lasu lri dulru ngiraruthuku patuelre.

2 Pitiru 1:10

Lakamani, laretesaneli, aru kisamula, ku tadawlane si pilri ki Twaumase anika palralrawthunga ka takilringavanenga numi, lu ikainga kikai takilringavanenga, lri kainu turamurunga si kisaalrunga.

Yuda 1:24

Ku Twaumase lri palakebe numiane ku kaika atubakebakane numi, si kakadrwa ku tangilisianane, si lri dulru numi kiraragai kainganai mucucubungu ki lriguini.