Yakubu 2:1 - Ngudradreadrekadhane Ka Sisiu 魯凱語聖經

¹ Laretesaneli, kunumi amaninga numi kudra sinzia ki lrigu ki Tamatamata ka Yesu Kirisitu, la madha singikaikai pabelenge ki umawmase, si apakaelaelane pasudalru ki umawmase.

Yakubu 2:1 Iomraidhean Croise

2 Lacaili 19:7

Musakena mukuludru ki Tamatama, la dradrele kaungu; asi lwiyane ku Tamatama ka Twaumaseta kai lri palraingi lutumane kudra ki watavuvulrucu tusinalreme, ku wathili pusakai, ku wamalra ku pavangalre.”

Kavagavagane 24:23

Kikai bilrilane ka vaga kawriva ki ngiathingale: Ku tarasaibaibange, madha apakaelaelaela.

Kavagavagane 28:21

Ku kiadremedreme ku ngipapakaesadhane kai pacengecenge; ai yakaai kai laumawmase ku ngwalai ki tikiyane ka pange si kai pangimia saibange.

Lrivi 19:15

“Madha kilrukilrungu ku dringelresane; madha pusakai ki matiakukuru, la mialri madha kikadadadalame ki yakai ku puku ka umawmase. Kunumi arakaiya ku aparamaramavane turingaringau ki sakacekele.

Matai 22:16

Kwi lalasu siakawlu ki lasitu lini, si madredresenge kielrelreane ki la swa Hiruditu si katwase kikawriva ki Yesu, si kivaga iniane, “Sinsi, wathingale nai amanisu ku twakapatengatengane ka umawmase; kai tuthengete ku takidremedremane ki umawmase, tara pangiamiyasu ku vaga ki Twaumase si bulru ki umawmase, asi lwiyane kaisu wadrele ku tangimiane ki umawmase.

Nisikawlane 10:34

Ku Pitiru kawariva iya kai, “Kikai pwadriadriingadhaku thingale, ku Twaumase aparamaramau drele ki sanaka umawmase.

Nisikawlane 20:21

Adravane papia ki swa Yuda ki sakamaelanane ka umawmase, twakucingalraku pakipapawlringau liniane, ku lrika angitatupelane lini, ku apapiane lini ki Twaumase, si kasalru ki Tamatamata ka Yesu.

Nisikawlane 24:24

Sangilribatenga ku minaka pialane, ku Huilikese si labaibaini ka swa Yuda ka sia Durusila maredele kela. Kwini lasu la dawlu ki Pawru, lri kilalra ku salrwaneini patharukai ki Yesu Kirisitu.

Nisikawlane 7:2

Ku Setipane la tubalre, “Kunumi ka latarudrawdrange ka laretesane, kilalalra! Kwidra cucungulaneta ka Aberahame sa ikai Mesuputamia, sakaiyana iziu mu Harange, ku lrigu ka Twaumase papia iniane adrelane,

Ruma 1:11

Apia kidrelaku si kikawriva numiane, si pakisupilri numiane kai nipatarumarane ki Twaumase pangukai ki niake ki abake, lani aru sapukwane ku takisuswane numi.

1 Kurintu 2:8

Ku amani ka warathudu kawmasane kadrwa ku natangeeanga ku wathingale kai ki lrigilane, alaiyasi ka wathingale, kai lalasu nai kai kedrekedre ki lrigu ka Tamatama pwa ki ziwzika.

Tapelane Drekase 1:17

Kunumi pudriadringadha madha ngipapakaesaesai sikathane, adravane ka aneane, madha thithili ngulritudrane, makitu paramaramava liniane. Madha mukuludru ki aneanenga, asi lwiyane ngiatalikaikai numi ki Twaumase saibange. Alaiyasi ikai ku pakakucingalre numi ku laawngane, kai matumane iluku mwakai nakwane, nau kamaninga ka marasiakai.’

Tapelane Drekase 16:19

Tara aparamaramaava kai ngitatukucingalre, kai capange pangimia ku takipuawnganane; la kai malra ku pavangalre, asi lwiyane kikai pavangalre pakamukici ki wathingale ku kakudhane, ku madringelrese ka umawmase la baebalrenga ku pacengecenge si kai pacengecenge ki madringelrese.

Kulusia 1:4

Asi lwiyane kialalra nai ku salrwane numi ki Yesu Kirisitu, kialibake numi sanaka sinzia.

1 Timuthi 1:19

Pangimia ki takisuswane si mabula ka kidremedreme. Yakai ku laumawmase ku kai paluludu ki mathariri ka kidremedreme, la ngwalai kwini si sakacilri ku takisuswane lini,

1 Timuthi 5:21

Lri ikaiyaku cucubungu ki Twaumase, si Yesu Kirisitu, si sasiakawlu belenge, tukuciingalre pelaela muswane ku apaluludanesu kilakikai sabulrwane, ikai ki lamaneemanenga madha pikai ku apakaelaela ku kidremedreme.

Titu 1:1

Kwaku ka Pawru ka sasiakawlu ki Twaumase si Yesu Kirisitu. Wapilri nakwane si sikawlu nakwane mwa paralubu ku takisuswane ki pilri ki Twaumase ka laumawmase, ililuku liniane pathingale ku sabulrwane ki takisuswaneta ka patengane ka sabulrwane,

Titu 2:13

si ukalava ku sidramata kudra akelane ku akipalribulaneta ka vai, lukamaninga kwidra. Ku lrigu ki matiusaesakenenga ka Twaumaseta si takipalribulribulane ka Yesu Kirisitu lri utaluvaivai.

Hiburu 1:3

Kai lasu amani ku paledra ku ledra ki Twaumase, ka pakiatulrepenge putaluvaivai ku kinawmasane ki Twaumase, arakai ku puku ki vagaini pawlrudru sanaka maneemane. Samwalranga bula ku pasalrivane ki umawmase yai, la takaenenenga ikai belenge ki vanale ki sapupukuanenga.

Hiburu 12:2

Tadrele pudriadringai ki Yesu, asi lwiyane amani ku twapathagili si twalrepenge ki salrwaneta. Kai tiakelepane icucubungu ki ziwzika, ngiabaalrelringa, pakai kwidra mwakalavalava ku sakiaragaini, kai twamanemane kwidra matikiarubwane ikai ki ziwzika pacai. Kikai yakainga vanale ki taetalane ki Twaumase nene.

Yakubu 1:16

Kadalameli ka laretesane, madha kilrilrigili!

Yakubu 1:19

Kadalameli ka laretesane, kunumi ka tangea tara kicacaligira kilalra ku taiyane ki palrapalra, madha kawpungu ku akawrivane, la madha kaduai kalisi.

Yakubu 2:3

Alaiyasi pawkalrivilisu tuinwane kwini ki sialaimai ku mathaariri ku laimai, la iyasu kai iniane, “Bwala mubelenga mutaetalane!” La papiasu kwini ki matiakuru iya kai, “Acegecega ikai thili!” Ku amiasu kai, “Nenea ikai ki thili ki drapadrapaleli.”

Yakubu 2:9

Ai, alaiyasi singikaita ku nipangubabebelengane ki umawmase pasudalru, amani ku pasalriu; ku hulrice lri pasudalepe ka pasalriu numi.

Yakubu 3:17

Ai, ku twalai belenge kainganai ku lrigilane yakai ku taathingalanane ukalrivili; ku aswalaalanga yai bulane, ku mwasakadrusa yai rathudane, ngitatwalebeane, sulrapelane, swaete ku thalradhane, wadulru pumadru ku makaalra ku mathariri ka madru, kadrwa ku ngipapakaesadhane, kadrwa ku nikadraedrangelrane.

2 Pitiru 1:1

Kwaku ka Simune Pitiru yai sasiakawlaku ki Yesu Kirisitu si nisikawlane. Wapacasaku tigami baai kwidra la ngwakai ki dringelresane ki Twaumase si Takipalribulribulane ka Yesu Kirisitu, si kudra mia naiane kisupisupilri kwidra thadaalrane ka tinukucingalrane ka salrwane ka laumawmase.

Yuda 1:16

Kikai laumawmase takalisiiane ki palrapalra, kaelaelaela ki palrapalra, patwapapalra kudra ngilisianane ki kidremedremeini, ngipaparamurane ku takawrivane, ngwalai ki akaesadhaneini la kathaithariri ki palrapalra.

Nipadrelane 14:12

Ngwalai kikai, lri tara kiadili kudra paluludu ku drekase ki Twaumase, si ka patengane ku kidremedreme papia ki Yesu ka laumawmase ki Twaumase.