Yakubu 1:5 - Ngudradreadrekadhane Ka Sisiu 魯凱語聖經

⁵ Ikai numiane alaiyasi ikai ku kaina kiatulrepenge ku lrigilane, nai papia numi ki Twaumase kitubi, ku Twaumase lri baai ku lrigilane numiane, asi lwiyane ku Twaumase kiararagai ku apakakalrane ku lrigilane baai ki sanaka umawmase.

Yakubu 1:5 Iomraidhean Croise

1 Lacaili 22:12

Ku Tamatama ka Twaumasesu ani patarumara muswane ku mwakalrivili ku lrigilane, dulru singikai ki hulriceini rathudu ki swa Iseraylri.

2 Lacaili 1:10

kiatubiaku muswane baadhaili ku lrigilane si thingalane, la nau maka dulru rathudu liniane. Lu kaika ngimiyaiya kwini, lri maka tumanaku rathudu ku tatha kai ku pangalane kai ki kawkawlusu?”

Lasenai 51:6

Ku murikaisu yai patengatengane ka kidremedreme; kiatubiaku muswane arakaiya ku lrigilanesu suete nakwane.

Takatwasane Izipiti 31:3

Ku pukuli swaete iniane; patarwamaraku iniane ku thingalane, lrigilane, tapwalrimane, lai lri dulru pia ku makaelaela ku tapwalrimanane,

Takatwasane Izipiti 31:6

La patwaladhaku ki zuku ki Dange sikawlu iniane kwini ki lalake ki Ahisamake ka Uhulriabe ka amani ku paraluralubu iniane. Kwini ki lasialrima ka laumawmase, mialriaku baai liniane ku lrigilane, dulru darepe ku cunuli ku makaelaela ku lawbubulu:

Kavagavagane 8:17

Ku madalame nakwane, lri mialriaku kadalame iniane; ku wasilape nakwane, lri tara kidringai.

Matai 11:20

Sakamani kwidra, ku Yesu maelaela kudra ki cekele ku nawadrelenga sa pia ku makaalra ku pinangu Twaumasane ka puku, asi lwiyane kwini la swa talikaiyane kwini ka laumawmase kai ngiatatupelana.

Maruku 16:14

Ku bibiilrilinga, ku Yesu adrelane kudra ki yacengecenge kanekane ka ta 11 ka situ. La kaelaela liniane; asi lwiyane kai lalasu kai masalrwana, la kakeelrathe si kai kasalru ku tapelaelane kwidra ki wadrelenga iniane sa sielanga.

Yuhani 14:13

Lu pangukai numi ki naganeli, adravane lu kitubi numi ku manemane, lri tara pangimiaku, pakai ku apangukaiyane ki Lalake si paathingalane ku lrigu ki Tama.

Yuhani 15:7

Alaiyasi ka takiparaisane numi nakwane, ku vagali laka taikaiyane adringi numiane, adravane ka manemane ku urikai numi, ku kitubi numi, lri maka tarumara numi.

Yuhani 4:10

Ku Yesu la iya kai, “Ana thingalesu ku lalrilrigilane ki Twaumase si kikai kawarivariva muswane pawngulaili iya luka aneane, nai tara kitubisu iniane, la nai baai muswane ku panianianiake ka acilai.”

2 Kurintu 2:16

Papia kwidra ki la lri kamudunga ka umawmase, kikai tasabalriane akabalrithi sangubaalre ka wapacai; papia kwidra ki kiapalribulunga ka umawmase, kikai tasabalriane lai akabalrithi ka apanianianiake ku tasangulremane. Aneane ku lri dulru siamece kikai maadrau turamuru ka awngane?

Yakubu 1:17

Patuelre kai mathariri kai lamanemane si makaelaela ka kiatulrepenge ka nibaadhane ka akaesadhane twalai subelebelenge patuelre, ka twalai ki Tama ka yabelenge; amani ka wabekace sanaka leedra. Ku Twaumase kai lri akabalrithi, la kakadrwa ku tangibangulane ngivelevele ka alalingu.

Yakubu 3:17

Ai, ku twalai belenge kainganai ku lrigilane yakai ku taathingalanane ukalrivili; ku aswalaalanga yai bulane, ku mwasakadrusa yai rathudane, ngitatwalebeane, sulrapelane, swaete ku thalradhane, wadulru pumadru ku makaalra ku mathariri ka madru, kadrwa ku ngipapakaesadhane, kadrwa ku nikadraedrangelrane.

Yakubu 5:16

Lakamani, kunumi masubwabwarana ku pasalrivane numi, si mapasikaikai inulri, lanu kipawdringai. Ku inulri ki madringelrese ka umawmase maadrau turamuru ku angimiane ku puku.

1 Yuhani 3:22

Adravane lu kitubita iniane sanaka manemane, lri baai mitane patuelre, asi lwiyane paluluduta ku drekaseini, si pia ku kadalameini ku awngane.