Yakubu 1:12 - Ngudradreadrekadhane Ka Sisiu 魯凱語聖經

¹² Ku kiakituthiathingale si maka kiaadili patulrepenge ku umawmase lri kaesai; asi lwiyane lu ngilribate ku takikilrialringavane, kwini lasu lri tarumara ku nipalrainganenga ki Twaumase ku civare ki niake.

Yakubu 1:12 Iomraidhean Croise

Tabekacane 22:1

Sangilribatanga, ku Twaumase kialrialringau ki Aberahame. Ku Twaumase la dawlu iniane, “Aberahame!” Kwi lasu la tubalre, “Kawvadhaku!”

Nihimi 1:5

“Tamatama ka yasubelebelenge ka Twaumase, amanisu ku sanianiangenga ka matiukukuludrunga, papiasu ki kialibake muswane si paluludu ku padradrekasesu ka umawmase pangimia ku takiketeketanesu.

Yubu 2:10

Ku Yubu la tubalre, “Kusu ka ababai ka kawariiva cacapange! Ku Twaumase sa patarumara ku akaesadhane baai mitane, kiaragaita, sa pulebenga ku matikurwane, lai lri kalisita iniane?” Adravane sa kipadradresenge ku la akwalriane ku Yubu, thadaalrane kai avavaga pusu si kalisi ki Twaumase.

Yubu 5:17

Ku kiabulru ki Twaumase ku umawmase yakai ku akaesadhane; ku kaelaela ki wadulru sanaka manemane ka Twaumase kaika asidreadreadrekasane.

Lasenai 11:5

Ku Tamatama kialrialringau ki madringelrese si mangangace ka umawmase; malrase ki ngiakarakacane ka umawmase.

Lasenai 119:67

Sa kaisu pathavungwana nakwane, tapasalrisalriivanaku, ai kaiasasane palululudunga naku ku vagasu.

Lasenai 119:71

Ku kipathavuthavunguli akaesadhaneli, asi lwiyane pakiacawcakwane nakwane ki padradrekasesu.

Lasenai 119:75

Tamatama, wathingalaku ku saibangesu aparamaramau; pathavungusu nakwane, asi lwiyane patengatenganesu.

Lasenai 5:11

Ku kiapalakebe muswane ku umawmase lri makakawkau kiraragai; kwi lalasu lri kai isadrasadra ku senai kiraragai. Palakebesu ku kathalraisu ku umawmase; kwi lalasu ngwalai muswane si ikai ku patengatengane ka sakiaragai.

Lasenai 94:12

Tamatama, ku bulrusu, mwaesailriinga ku kiabulru arakaisu ku hulrice ku umawmase!

Takatwasane Izipiti 20:6

Ai ku madalame nakwane, si paluludu ku padradrekaseli ku umawmase, lri tara arakaiyaku ku thalradhane marasikai liniane, pakeela ki lamwabaibalrithi.

Kavagavagane 17:3

Kai kingi gingi kiathalethale ki apwi; Kai kidremedreme ki umawmase la kikilrialringau ki Tamatama.

Isaiya 64:4

Kadrwana ku umawmase ku wadrele ku kialalra ku miyaiya muswane ka Twaumase. Kadrwa ku drumane ku twaumase ku napasiakai ki mauawngu iniane ku umawmase pia ku madrau ka awngane.

Zakaria 13:9

Ala kwini abalu si panianiake ka taingeea ikai ki taitulrwane, lri kilrialringavaku, kwi lalasu lai kabula, mia ki gingi ka kiathalethale ki apwi. Lri kilrialringavaku liniane, mia ki kialrialringau ki kingi, kwi lalasu ala lri papia nakwane inulri, lai lri kilalraku. Lri pelaelaku liniane, kwi lalasu lrika kawkawlungali; kwi lalasu lri pelaela pathingale, kunaku ka Tamatama amaniaku ku Twaumase lini.”

Matai 10:22

Ngwalai nakwane kai laumawmase lri kalisi numiane; ai kudra maka kiadili patulrepenge ku umawmase lri tara kipalribulu.

Matai 25:34

Ala lri iya kai ku talialalai kwini ki yavanale iniane: ‘Kunumi ka kiasubulrubulru ki Ama ka laumawmase; bwala! La tarumara kai kuni kai twalai saka tabekacane nipadulrwane pasikai numiane.

Luka 6:22

“Ku ngwalai ki Lalake ki Umawmase, lri ikai ku umawmase ku malisi numiane, kalrase si cilri numiane, tusinalrelreme numiane, si alra numiane tungialisiane, kunumi yakainga ku akaesadhane numi!

Ruma 5:4

ku sakiadiadili kiakiragai ki Twaumase, ku kiakiragai ki Twaumase mailuku ku sasiadradrama.

Ruma 8:28

Wathingaleta, ku Twaumase si kudra la kialibake iniane ku umawmase, amani kudra dawluini singikai ku kidremedremeini, si taelre kawaungu, si sanaka maneemanenga ka awngane la ikaai ku akaesadhane.

1 Kurintu 2:9

Mararaamau ku taiyane ki Sisiu iya kai: Ku pasikai ki Twaumase padulru kudra ki madalame iniane ka umawmase, amani kudra kaika dreleana ki maca, kaika kilalrana ki calringa, laka kadrwana ku umawmase ku pakela kidremedreme!

1 Kurintu 8:3

Ai, kudra madalame ki Twaumase ku umawmase kiathingale ki Twaumase.

1 Kurintu 9:25

Sanaka tara lailailai tara kiasamula kicawcakwane, pakai ku amalrane kwini lri kalisi ka pagamucu; ai ku urikaikaita amani kwidra kai lri kalisi ka pagamucu.

Tapelane Drekase 13:3

kunumi madha kithathengethengete iniane; ku Tamatama ka Twaumase numi arakai iniane kilrialringau numiane, ku lrika athingalane numiane luka patengane numi salikavaeva ku kidremedreme kilibake ki Tamatama.

Tapelane Drekase 7:9

Lakamani kwidra, kunumi wathingale numi: Ku Tamatama ka Twaumase numi kathaneini tangeangea ka Twaumase. Sanaka kialibake iniane, si pasusu ku drekaseini ku umawmase, lri tara pangimia ku takiketeketaneini, arakai ku kai lri kaela ka sakialibake marasikai liniane, pakeela ki lagagane lumamilringi.

Tapelane Drekase 8:2

Kunumi siwlriwlria ngulringau, sa ikai numi calragulragu acaicaicali taramasupatele ka caili, ku Tamatama ka Twaumase numi luka pangiatumane sangililuku ki kadadalranane numi. Arakai ku akwalriane kilrialringau numiane, la ngitatualebe numi, nau thingale ku takidremedremane lini iya, dredrele luka mwabangalre numi pasusu ku padradrekaseini.

2 Timuthi 2:15

Kisamula icucubungu ki Twaumase si kamani ku wadulru ngilribate ki akikituthiathingalane, ka kadrwa ku pwalane ka tarakawaungu, si la pawlecege swacenge pelaela ku hukuingi ki Twaumase.

2 Timuthi 4:8

Twalainga kaikameane, yakai ku pakalreva ki dringelresane ka lrigu ka pagamucu mwakalavalava nakwane, ka amani kwidra singiakai ki dringelresane saibange ka Tamatama, ikai ki akelane ki Kirisitu ngusela ka vai, lri malra si baai nakwane ku lrigu ka pagamucu, kai lri patarumara nakwane sikakathane, lri mialri patarumara ki sanaka akuli si mukalavalava ka umawmase.

Hiburu 10:32

Pulringava ku siaswalane ku vai. Ku Twaumase sa paledranga numiane, kiapadradresenge numi ku makaalra ku akwalriane, ai kai yakai ki tamakakaruburane amalebe.

Hiburu 11:17

Ngwalai ki salrwane, ku Aberahame sa kilrialringau ku Twaumase iniane, wamalra ki lalakeini ka Isake patarumara, si tusapatarumarane ka waudriwdripi. Ku Aberahame amani ku tarwamara ku pinalrainganenga ki Twaumase, ai palraaingi malra ki beraberathane ka lalakeini tusapatarumarane si patarumara.

Hiburu 12:5

Marimurunga numi ku tapiane ki Twaumase arakai ku sapasapukwanane ka vaga ki lalake pasapukwane numiane? Amia kai: Lalakeli, dradreela ku sabulrwane ki Tamatama, madha ngwalalai ku takaelaelaneini si kasulri;

Hiburu 6:15

Ku Aberahame la kiadili ukalava, sakabilrilanenga la tarumara kudra palrainginga ki Twaumase.

Yakubu 2:5

Kilibakeli ka laretesane, kunumi kilalra; ku Twaumase wapilri ki matiakukuru ikawmasane ku lrika akaesadhane ngulwadhane ikai ki salrwane lini, la pawcungulu liniane ku palraingingaini baai ki madalame iniane ku bavane ka kuni.

Yakubu 5:11

Asi lwiyane kwi lalasu maka kiaadili patulrepenge, lu kidremedreme nai kai lalasu yakai ku akaesadhane. Kialalranga numi ku takiadilane ki Yubu, la thingale numi sakabilrilanenga ku Tamatama ku tapangimiane sirapale iniane, asi lwiyane ku Tamatama swaete ku kalithane si sakialibake.

1 Pitiru 3:14

Alaiyasi pasikai ki dringelresane kwalri, lri kaesai turamuru! Madha mukuludru ku takukuludrane ki umawmase, la madha kathathiburu.

1 Pitiru 4:13

Lu mavalavala numi ku akwalriane ki Kirisitu anika taingeane ka matiakiragai ka awngane, kudra luka tawtaluvaivadhanenga ku lriguini ani malra ku kiatulrepenge ku sakiaragai.

1 Pitiru 4:14

Alaiyasi ngwalai ku tatupapalrane numi ki Kirisitu si kitusinalreme, yakai ku akaesadhane, sapathingalane ku lrigu ki Siri, ka amani ku Ri ki Twaumase, yakai ki kinawmasane numi.

1 Pitiru 5:10

Ai, lu kipakwalringa numi kwini edreekane, kwidra amani ku wabaai sanaka migemi ka Twaumase, amani kwidra wadawlu numiane si pangukai ku tamaelreane ki Yesu Kirisitu si mavalavala kisupilri ku palralrawthu ka lrigu ka Twaumase, lri kamani ka pangiamia pakitulrepenge numiane, pakapapedrenge numiane, baai ku puku si pakapapedrenge ku tangadrane baai numiane.

1 Pitiru 5:4

Lukamiyaiya kai, lu kelaanga ku Tamatama ki taraagu yai, lri tarumara numi ku lrika palralrawthu kai kaelanga ku talikalikathane ku pagamucu.

1 Yuhani 4:19

Lu kilibaketa, amani sa aswala kilibake mitane ku Twaumase.

Nipadrelane 2:10

Madha ukulukuludru ku lrika akipadradresenganesu ku akwalriane. Drela! Lri kilrialringau numiane kwi Akema, lai malra patwalai numiane ku tapiya ku umawmase si pwadringi ki takiememengane; lri kipakwalri numi ku minaka mangealane. Kapatengatengana kwi kidremedremesu pakela ki wapacai, la nau baai muswane ku civare ki niake.

Nipadrelane 3:19

Papia kudra ki kadalameli ku umawmase, lri kaelaelaku si bulru. Lakamani, kaculwa kwi kidremedremesu, la katwase cilri ki pasalrivane.

Nipadrelane 3:21

Kudra pamalebe ku umawmase, lri baadhaku iniane ku maelane ka puku, lri taelre nakwane nene ikai ki taetalaneli, mia nakwane ka pamalebenga, kaiasasane tadrusa nai nene ki Ama ikai ki taetalaneini.