Yakubu 1:10 - Ngudradreadrekadhane Ka Sisiu 魯凱語聖經

¹⁰ ku maesaesaesai ku umawmase mialria kiraragadha ku taparwalebeane muswane ki Twaumase, ku maesaesaesai ku umawmase lri mararamau ki yaubulane ka bengelrai mururu.

Yakubu 1:10 Iomraidhean Croise

Yubu 14:2

Miata ki ubulu si bengelrai kadrau, kalraici; miata ki alalingu kawlrau, kai idrengere asuru.

Lasenai 102:11

Kai niakeli mia ki alalingu luka miawaubu; miaku ki marudamenga ka ubulu.

Lasenai 103:15

Ala kuta, kai niaketa mia ki ubulu. Miyaiyata ki yaubulane ka labengelrai ngiesadhane cebe;

Lasenai 37:2

Kwi lalasu lri mia ki ubulu padaalru karudame; kwi lalasu lri mia ki bengelrai si angatu kalraici.

Lasenai 39:6

ku tapanianiakane mia ki lrapucu. Ku nikwalrialriane patuelre ungawngau patuelre; kwi lasu waruburubu ku tacekecekelane, ai kai wathingale lu lrika aneane ku lri kisupilri.

Isaiya 40:6

Yakai ku lingau ku watawtau iya kai, “Lu katwasa pelaela kikai matiakiragai!” La kivagaku, “Lri pelaelaku ku manemane?” “Pelaela pasalraelre sanaka umawmase mia ki ubulu makanaelre ka kadrwa ku paluludane; ku tharirane lini mia ki bengelrai ubulane;

Isaiya 40:7

Ku Tamatama sana ipi vaivalrigi, ku ubulu marudame, ku bengelrai malraici. Kai umawmase si bengelrai ubulu kadrwa ku tamakakaelane.

Isaiya 57:15

“Kwaku ka sabebelengenga, ka saniange ka Twaumase; palralrawthaku ikai. Yakaiyaku ki abebeelengenga ka saniange, ai mialriaku ikai ki kiangeangeange ngitatasiwlriwlri si ngitatupela si ngiatatwalebe ka umawmase. Kudra ki ngiatatwalebe ku umawmase lri pasiwliwlianaku ku salrwane ku kidremedreme, ku kiangeange ngitatasiwlriwlri si ngitatupela ku umawmase lani malra ku sasiadradrama.

Isaiya 66:2

Ngiakakamaniaku bekace kai lepawngane sanaka maneemanenga! Siarapalaku ki ngiatatwalebe si ngitatasiwlriwlri ngitatupela ku umawmase, la kadalamaku ku kialalra pasalaladha ku vagali ku umawmase.

Matai 5:3

Ku ngiathathingale ala ka matiakuru ku abakeini ku umawmase ala mwaesai turamuru; amani lini kudra kawkawlu ki kuni ka subelebelenge!

Matai 6:30

Kai yaubulane ka bengelrai si ubulu mwataluvaivai lukamialrealre, lukakaiyane la kalraici, si kiputalabwane lama, ai ku Twaumase la piana kikai pangiragelane liniane, ku Twaumase kai lrika mababaai numiane ku laimai kamani? Kwi salrwane numi ala tikithane turamuru!

1 Kurintu 7:31

ku kiasupisupilri ki tacekecekelane kawmasane, ngialrava kwidra ki kai kiasupisupilri. Asi lwiyane kikai yakai kikai kawmasane lri padaalrunga si ngilribate.

Pilripi 3:8

La kaika miyaiya kikai sikakathane, wamalraku sanaka maneemane tuasipunane, asi lwiyane tinukuciacingaalranenga ku tathingalaneli ki Tamatamali ka Yesu Kirisitu arwa iyaku. Ngwalai iniane, asipunungaku patuelre, twaubulaku ki sanaka maneemane si cilri, pakai ku amalrane ki Kirisitu,

1 Timuthi 6:17

Papia kwidra la maesaesai ikai kawmasane ku umawmase, pakipapawlringava liniane ku kaika angikalrilrigwane lini. Ku asidramane madha satalutalu pikai ki kaika amakasudralrwalrwane ka tacekecekelane, satalwa kudra ki wabaai pangiradhekane pakisupilri mitane ka Twaumase.

Yakubu 4:14

Adravane lwiya kai numi wathingale lu lri panianianiiakeana numi! Kunumi mia numi ki sivaale ka kulrulrungu, padaalru ku taadrelanane si la kawlrau.

1 Pitiru 1:24

Mararaamau ku taiyane ki Sisiu: Kai umawmase makanaelre, mia ki ubulu, ku tangiesadhanane lini mia ki bengelrai ubulane, kai ubulu lri karudame, kai bengelrai lri kalraici,

1 Yuhani 2:17

Kikai kawmasane si urikai ki ngwakawmasane patuelre maulrawlrau, ai, ku pangiamiamia ku kidremedreme ki Twaumase ku umawmase lri panianiake palralrawthu.