Wabulru 9:2 - Ngudradreadrekadhane Ka Sisiu 魯凱語聖經

² Patuelre yai ungawngau, asi lwiyane sanaka umawmase maramaraamau ku lrika angimiane: Ku madringelrese ka umawmase ku manganga ka umawmase, mathariri ka umawmase malisi ka umawmase, kiasamula ku takisuswane ku kai kiasamula ku takisuswane, patarwamara si kai patarwamara, maramaraamau patuelre. Ku takipadradresengane ki mathariri ka umawmase kiau lu lrika mathaithariri ki pasalrisalriu ka umawmase; ku kiaketekete ku umawmase alau lri kaika mathaithariri ki kai kiaketekete ka umawmase.

Wabulru 9:2 Iomraidhean Croise

Tabekacane 24:3

Papia ki Tamatama ka Twaumase ki swa subelebelenge si kawmasane kiketekete, madha ikaikai kai Kanange silape ku lrika taelrelre ki lalakeli;

Yubu 9:22

Ku yakai ku pasalrivane ku kadrwa ku pasalrivane mararaamau, kulri tara amudu ku Twaumase mitane.

Lasenai 73:3

asi lwiyane pathalraku lu ngiesaesadhane ku ngiakalrilrigu ka umawmase, lu drelaku ki manganga lu kaesaesai kai mathariri kai kidremedremeli.

Wabulru 2:26

Ku Twaumase patarwamara ku lrigilane, ku thingalane, si akiragadhane baai kudra ki kadalameini ku umawmase, ka amani kudra kwalrialrialri kaungu ki pasalrisalriu ka umawmase, wamalra kudra ruburubu lini si baai patuelre kudra ki pakiaragai iniane ku umawmase. Kikai mialri ka ungawngau, ka pwalralra ki valrigi.

Wabulru 3:19

Asi lwiyane, kai umawmase si waudriwdripi mararaamau ku angimiane lini: Lu pacai ku umawmase, lri mialri pacai ku waudriwdripi. Kikai drusa tara yakaai ku niake; kai umawmase kaika makececenge ki waudriwdripi; asi lwiyane sanaka maneemane ungawngau patuelre.

Wabulru 6:6

Kikai walribate turaamuru kudra ki panianiake tara kudrulu ka caili la kai maka kisupilri ku akiragadhane ku tapanianiakane. Ku tangimiane, kai tadrusa kaika wamwa kudra ki thadalrane ka taikaiyane?

Wabulru 7:18

Ubera kwini ki taparamurane ki taidrusa, ai ku tapiane ki mwasakene mukuludru ki Twaumase ku umawmase lri kasulivalivate patuelre.

Wabulru 7:2

Lu mwane ki daane ki matiathalithi silrialribate ki wamwa ki daane ki wararukurukudrane; asi lwiyane ku panianianiakeana ku umawmase naika takipapawlringavane, ku apacadhane mwakalavalava ki sanaka aneeanenga.

Wabulru 9:11

La drelenga naku ku taingeane: Ikai kai kawmasane, ku taralailai ka umawmase alau lri kai kipakalreva, ku magagarange ka umawmase alau lri kai maka akaci lu kikaruburu, ku ngiathingale ka umawmase alau lri kai ikai ku akaneane, ku malrilrigili ka umawmase alau lri kai kaesai, ku magagarange twatumane ka umawmase alau lri kai maka abelenge. Kulri ka angimiane amani ku wakelrete patuelre.

Wabulru 9:3

Kulri ka angimiane sanaka umawmasenga maramaraamau; kikai yai mialri ku tangimiane ikai tailebe ki vai ka kaika niaparamaramavane. Ku tapanianianiakane ki umawmase ku vai, ku kidremedreme swaete ku ngilisianane si ngiakalrilrigu ngikarakacanane, luka bilrilinga la paacainga patuelre.

Yerimia 43:6

ikai kwini yakai ku lasawvalai, ku labaibai, ku lavavalake, si lalalake ki talialalai ka lalabaibai. Kwi lalasu kudra sudralru ki kiacapili ki tarakadrekadrenge ka Nibuzaradange si baai ki Gidalria pamarasikai ku laumawmase, paelre ki Baruke si amaniaku, wailuku makanaelre.

Malaki 3:15

Singikai ku tadrelaneta, kiararagai ku ngiakalrilrigu ka umawmase; la ngiradhekane ku manganga ka umawmase, kwi lalasu kiatuthiathingale ki Twaumase la dulru mubere ki sapathavungane.’ ”

Malaki 3:18

Lukamaninga kwidra, ku kawkawluli lri peelana drele ku la takipadradresengane ki madringelrese ka umawmase si manganga ka umawmase luka manemane ku tamakakaelane, si luka manemane ku tamakakaelane ki la pasiakaikai nakwane kaungu si kai pasiakaikai nakwane kaungu ku umawmase.”

Malaki 3:5

Amia kai ku Tamatama ka abebeelengenga ki sanaka kwapingi, “Lri ikaiyaku numiane utaluvaivai, si saibange. Lri makakaaiyaku siwmi kukusu kudra ki la twalrisilrisi, manganganga ki sawvalai si ababai, ku kawarivariva ku kaika patengane, ku kiavala ku nikaungane ku lapaisu, ku pangwa drepete malra ku lawbubulu ki lawalibakane si lapakulrulrulu, si twasinalreme ki la wakela iziu ka umawmase. Lri hukukaku sanaka kai mwasakene nakwane ka umawmase.”

1 Samuile 14:26

Makalra ku valu kwini ki angatungatu, ai kadrwa ku umawmase ku nau kane amia, asi lwiyane makitwa mukuludru ki sapuswane ki Saule.