Wabulru 7:9 - Ngudradreadrekadhane Ka Sisiu 魯凱語聖經

⁹ Madha cacapange kalisi; ku piakidremedreme kalisi yai makulrungu.

Wabulru 7:9 Iomraidhean Croise

Tabekacane 4:8

Sakabilrilanenga, ku Kaingi la iya kai ki agini ka Abele, “Ila tangudaalrane!” Kwi lalasu sa ikai umawma, ku Kaingi la pwalrima ki agini, papacai iniane.

2 Samuile 13:22

Ku Abesalrume la ngwalai ki Amenungu ku tatusinalremeane kudrulru ki agini ka Tamare, la kagirimucu turamuru ki Amenungu, la kai kikawrivarivanga iniane.

2 Samuile 13:28

la cunu ki papalraini, “Kunumi dredrela, lu kabusukunga ka Amenungu, la nau drekase numiane, lanu pwa papacai iniane. Madha mukulukuludru, ku bilrilanenga ku angimiane anika capilanengali. Kunumi kagaranga sikathane pwalrima, madha kalrikilrikilriki!”

2 Samuile 13:32

Ai ku Yunadabe ka lalake ki Simia ka taka ki Davidi la kawriva, “Talialalai, ku lalakesu kai kiapapacai makanaelre, kathane ku Amenungu ka kiapapacai. Twalai ku tatusinalremeane ki Amenungu ki Tamare ka agi ki Abesalrume, ku Abesalrume kiadredremenga ku nau tara papaacai iniane iya, lri thingalesu patwalai drele ki lringau ki Abesalrume.

2 Samuile 19:43

Ku swa Iseraylri la kawriva, “Adravane ka maretetesana numi ki talialalai, ku tamangangimiane nai ku sakialibake nai ki talialalai ka Davidi silrialriibateana ku taimangealane ki sakialibake numiane iniane. Anu kirimu tudrekase naiane? Madha karimurimuru, amani nai ku aswalaalanga madrekadrekase ku wadawlu pasiwlri ki talialalai!” Kwini maecebe la makakarivuana, ai ku takidremedremane ki swa Yuda makelraelratheana ka makawlukulukulu ki swa Iseraylri.

Kavagavagane 14:17

Ku maduai kalisi ka umawmase, makulrungu ku tatwatumanane; ku matavuvulrucu, kiakagirimucu ki umawmase.

Kavagavagane 14:29

Ku kaimaupupungu kalilisi amani ku saawlrwane ka umawmase; ku maupupungu kalilisi ka umawmase yai mwataluvaivai ku kulrungane.

Kavagavagane 16:32

Ku sakiadiadili silrialribate ki puku; ku ngiararuthuku ku lisiane lri dulru malra ki cekele.

Kavagavagane 25:8

Maadha ngikagagarangane mutasaibaibangane siwmi; alaiyasi ku drumane ku wasiwmi la putaluvaivai ku tapamamanesu pakiarubwane muswane, lai lri tumanengasu?

Wabulru 7:10

Madha kivagavaga, “Ku aswalala ku vai ani ka mathaithariri kai ki asasane?” Kikai takivagane yai kaika ngiathingale.

Yuna 4:3

Lakamani, Tamatama, anau pacai kamani! Mathaithariri lu pacadhaku kamani!”

Yuna 4:8

Sa ngibwalenga ku vai, ku Twaumase la pakainganai ku maculu ku saseverane twalai tali talrawane. Ngwalai ku takuvaiyane cikicikisi ki Yuna, kwi lasu ku takuvaiyaneini malriingace kisanu kawlrawlrawnga, ala kitubi ku apacadhaneini. Kwi lasu amia kai, “Mathaithariri lu pacadhaku kamani!”

Yuna 4:9

Ai ku Twaumase amia kai iniane, “Manemane kai ngwalalaisu kai ki hima si mia kikai kalisi?” Ku Yuna la tubalre iya kai, “Manemane si kainaku maka kalisi? Nau pacai amiaku ki lisianeli!”

Maruku 6:19

Ngwalai kikai ku Hirudia laka takagirimucane pikidremedreme ki Yuhani, kisanu papacai iniane, ai kai maka pangiamia.

Maruku 6:24

Kwini alisu la katwase kivaga ki tinaini, “Manemane ku naika akitubianeli?” Kwini tinaini la tubalre, “Amani ku awlru ki tarapabanau ka Yuhani.”

Yakubu 1:19

Kadalameli ka laretesane, kunumi ka tangea tara kicacaligira kilalra ku taiyane ki palrapalra, madha kawpungu ku akawrivane, la madha kaduai kalisi.