Wabulru 7:8 - Ngudradreadrekadhane Ka Sisiu 魯凱語聖經

⁸ Ku tangimiane ki awngane silrialribate ki tapathagilane. Kai sakiadiadili silrialribate ki ngiakalrilrigu.

Wabulru 7:8 Iomraidhean Croise

Kavagavagane 13:10

Ku mangikalrilrigu wasilape ku akarivwane; ku tarwamara ku sapasapukwanane amani ku ngiathingale.

Kavagavagane 14:29

Ku kaimaupupungu kalilisi amani ku saawlrwane ka umawmase; ku maupupungu kalilisi ka umawmase yai mwataluvaivai ku kulrungane.

Kavagavagane 15:18

Ku maupupungu kalilisi, wadawlu ki rivwane; ku tarwamara si maka kiadili, walredreke ku rathudane.

Kavagavagane 16:32

Ku sakiadiadili silrialribate ki puku; ku ngiararuthuku ku lisiane lri dulru malra ki cekele.

Kavagavagane 28:25

Kai la ngipapakaesadhane wadaedarepe ku rivwane; ku satalu ki Tamatama kadrwa ku apalikaiyane ku akaesadhane.

Wabulru 7:1

Ku akilrigwane ku nagane walribate ki tinukucingalrane ka sangwalreme ka acilai; ku tapacadhane ka vai walribate ki takitulalakane ka vai.

Luka 16:25

“Ai ku Aberahame amia kai, ‘Lalake, lri tara pulringausu sa panianianiakeanasu maka kiasupilringasu ku akaesadhane, ai kai Lazaru kadrwana ku tangilribataneini ku mathariri ka vai; kaiasasane yakainga kikai tarumaramara ku akisasane, kusu la ngibaalrenga si ikaingasu ki akwalriane.

Luka 21:19

Kunumi kakecenga kiadili lri maka dulru numi ngipapalakebe ku niake numi.”

Galatia 5:22

Pangukai ku madru ki Siri, amani kai: sakialibake, sakiaragai, rathudane, sakiadiadili, kalithane, tharirane, patengatengane,

Ipisu 4:2

Kunumi yai ngitatwalebea, kasulrapela, kiadila, la arakai ku sakialibake si mapaceacepe,

Hiburu 10:36

Pakai ku apangimiane ku kidremedreme ki Twaumase si tarumara ku palraingingaini, kunumi tara kiadiila.

Yakubu 5:11

Asi lwiyane kwi lalasu maka kiaadili patulrepenge, lu kidremedreme nai kai lalasu yakai ku akaesadhane. Kialalranga numi ku takiadilane ki Yubu, la thingale numi sakabilrilanenga ku Tamatama ku tapangimiane sirapale iniane, asi lwiyane ku Tamatama swaete ku kalithane si sakialibake.

Yakubu 5:8

Kunumi la mialria tara kiaadili. Kunumi tara pikaiya ku makeecenge ku sasiadradrama, asi lwiyane ku akelane ngusela ki Tamatama lri padaalrunga si kela.

1 Pitiru 1:13

Lakamani, kwi kidremedreme numi padulrua, si kipapawlringalringau, kudra sasiadradrama numi pikaiya belenge ki tamutaluvaivadhane ki Yesu Kirisitu ku lrika abaadhane numiane ku migemi.