Wabulru 7:5 - Ngudradreadrekadhane Ka Sisiu 魯凱語聖經

⁵ Ku sakaelaelane ki ngiathingale ka umawmase silrialribate ki sadrengedrengerane ki makulrungu ka umawmase.

Wabulru 7:5 Iomraidhean Croise

Lasenai 141:5

Lri tarumaraku kamani ku sakaelaelane ara sakialibake ki madringelrese ka umawmase, si kai tarumara ku musakene nakwane ki tangangangace ka umawmase, asi lwiyane tainulrinulriianaku kai palraingi ku ngangacane lini.

Lasenai 69:12

Kwi lalasu yakai ki lakadalranane ki cekele mapelaelaela nakwane, adravane ka lamabubusuku twasenai tumeamelrace nakwane.

Kavagavagane 13:13

Ku twadrekase ki sabulrwane, ngiadadawlu ku amatikurwane; ku kialalra pasalaladha ku sabulrwane, lri tara kipangibilri ku akaesadhane.

Kavagavagane 13:18

Ku kai tarwamara ku sabulrwane lri tara matikuru kiarubwane; ku tarwamara ku sabulrwane lri tara kimusakene ki umawmase.

Kavagavagane 17:10

Lu aku vavalane kaelaela ki ngiathingale ka umawmase, sapupukwane ki talrumadhane madu sangu idai ki makulrungu ka umawmase.

Kavagavagane 25:12

Ku ngiathingale ka umawmase ku tapakipapawlringavaneini, papia kudra ki mwabangalre tarumara ku umawmase, makuciacingalre kudra ki lridingi ka kingi si kakingiane ka lasangiragelanane.

Kavagavagane 27:6

Ku tapakadulane ki talragi ngwalai ki akatharirane; ku takeberane ki badha, tara wadradrele madu.

Kavagavagane 6:23

Ku lasabulrwane lini yai ledra; ku takaelaelane lini sabulrwane muswane ku apangimianesu panianiake,

Kavagavagane 9:8

Madha kaelaelaela ku tapasalrivane ki ngiakalrilrigu ka umawmase, asi lwiyane kwi lasu lri kagirimucu muswane. Lu bulrusu ki ngiathingale ka umawmase, kwi lasu lri kathalrai kilibake muswane.

Wabulru 12:11

Ku vaga ki ngiathingale yakai ku sakaelaelane bulru, mia ki taraagwagu ki kiu kudra ecengeini ku cecenekane ka ukudru, kudra pacaseini ku kavagavagane la kakeecenge kai ngivelevelevele, mia ki nipakakecengane kedrekedre ka sakedrekedre, ka tara agwagu ki sanaka umawmase ka Twaumase ku patarwamara patueelre.

Wabulru 7:4

Kai makulrungu ka umawmase akiraragadhane ku kidredredreme; ku ngiathingale ka umawmase wathingale ka yakai ku alikaiyane ki niake.

Wabulru 9:17

Ku patengatengane, ku kialalra ku niaku tikiyane kawriva ki malrigili ka umawmase, walribate kudra ki kialalra ki amani ka warathudu lu ikai cucubungu ki makulrungu ka laumawmase ku taakwadravane kawriva.

Nipadrelane 3:19

Papia kudra ki kadalameli ku umawmase, lri kaelaelaku si bulru. Lakamani, kaculwa kwi kidremedremesu, la katwase cilri ki pasalrivane.