Wabulru 6:2 - Ngudradreadrekadhane Ka Sisiu 魯凱語聖經

² Ku Twaumase wabaai ki tangea ka umawmase ku lrigu, akaesadhane, tacekecekelane, si urikaikaini patuelre, ai kai maka pakiasupilri iniane, amanilringa kudra kai kiathingathingale ka umawmase ku kiasupilri. Kikai yai ungawngau, laka matiatubi turamuru.

Wabulru 6:2 Iomraidhean Croise

1 Latalialalai 3:13

Ku kaika kitubisu, lri mialriaku baai muswane; ku akisupilranesu ikai ki tapanianianiakanesu ku ngiesadhanane lrika silrialribate ki sanaka atalialalai ku kalrane.

1 Lacaili 29:25

Ku Tamatama kwini ki kuni palraelre pamwasakene pasalaladha ki Sulumungu, ku matisalrwane ki Sulumungu palriibate sanaka warathudu ki swa Iseraylri ka talialalai.

1 Lacaili 29:28

Ku Davidi kiasupilringa ku akaesadhane ku tapanianiakaneini, la palikainga ku niakeini; ku lalakeini ka Sulumungu mwacungulu iniane atalialalai.

2 Lacaili 1:11

Ku Twaumase la tubalre ki Sulumungu, “Pacengecenge kai tapilrianesu. Kaisu kiatubi ku angiesadhane ku tacekecekelane, ku nagane, la kaisu kitubi ku amudane ki labadha, ku ngipapasikaisu kitubi ku akalragiane ku niakesu, kiatubilringasu ku lrigilane si thingalane, ku adulrwanesu rathudu ki kawkawluli, ka amani kwidra cegecegeli muswane tutalialalai si rathudu ki mapapangale.

Lasenai 17:14

Kiatubiaku muswane arakaiya ku pukusu palribulu nakwane pakidaili liniane, kamani kwidra la yakai kawmasane kaesaesaesai ka umawmase. Kiatubiaku muswane pangicaema pathavungu liniane; pangulwadhana ki lalalake lini ikai ki amatikurwane, si laputeedrana baai ki lalake ki lalalake lini.

Lasenai 39:6

ku tapanianiakane mia ki lrapucu. Ku nikwalrialriane patuelre ungawngau patuelre; kwi lasu waruburubu ku tacekecekelane, ai kai wathingale lu lrika aneane ku lri kisupilri.

Lasenai 73:7

Ku kidremedreme lini ngiaburai ku ngilisianane; ku takidremedremane lini swaete ku tavuvulrucane.

Wabulru 4:4

La peelanga naku drele: Kai umawmase lu kwalrialri kaungu, si silasilape ku akilrigwane ku nagane yai, ngwalai ku tapusamalrane ki lapasiagiagisi. Kikai yai mialri ka ungawngau, ka pwalralra ki saseverane.

Wabulru 4:8

Yakai ku tangeangeea ka umawmase, kadrwa ku lalake ku sawvalai, laka kadrwa ku labetakane, ai kwalrialrialri awngu ku vai, kai ngwalwalwadhane kudra pikaingaini ku tacekecekelane. Kwi lasu kwalrialrialri, ai kai walreme kisupisupilri, luka pasiakaikai ki aneane? Kikai mialri ka ungawngau, ka matiakuru.

Wabulru 5:13

Ikai kai kawmasane wadrelaku ku taingeane ka matitutubi: Yakai ku umawmase ku warubu ku tacekecekelane, la ngikakabebetethelringa kamani.

Wabulru 5:16

Kikai yai matiatubi turamuru. Ku tangimianeini kela, lu katwase lrika ngimiyaiya. Ku takathekelrane kwalrialri katwase pwalralra ki saseverane, maneemanelringa ku malraini ku akaesadhane?

Wabulru 5:18

Ku tadrelaneli yai: Ku mathariri ku tapanianianiakane amani kudra yakai ki patarumara ki Twaumase kudra edreekane ku tapanianiakane si kanekane ungungulu, kisupisupilri ku nikwalriane ikai tailebe ki vai; kikai yai amani ku angimiane ki umawmase.

Wabulru 5:19

Ku Twaumase alaiyasi patarumara ki umawmase ku tacekecekelane, pakisupilri iniane, kwi lasu nai tarumara si kisupisupilri ku twalai ki kwalrini. Kikai yai patarumara ki Twaumase.

Isaiya 55:2

Asi ara paisu langai si kane ku kaika amaka kabucukane? Asi pasawlrawlra ku vai madu ku paisu, la kasilrasilrau? Kilalra kai vagali, singikaiya ku tapelaelaneli pia, lri dulru numi kisupilri ku mathaithariringa ku akaneane, lai lri kabucuku kwi abake numi.

Silringau 5:2

Ku takauawngane nai yakainga ki alrima ki kaika thingale nai ka laumawmase; ku maelane ka kuni ka laumawmase wamwanga ki daane nai ikaikai.

Daniele 5:18

“Ku Abebeelengenga ka Twaumase paatalialalai ka sanianiangenga ki tamasu ka Nibukadenezere, la patarumara baai iniane ku lrigu si akiukuludrane;

Husia 7:9

Kwi lalasu satalu ki la ngiathalringulu ka kuni, la kai thingathingale ala ka kiakanekaane ki satalutaluini. Kai ngiathathingathingale ala ka lri padalrunga si kela ku apacadhane lini.

Tapelane Drekase 28:33

Kudra kaika mathingathingale numi ka minzuku lri ribici kwini kwalri numi pawtaleke; kai numi lri maka kitaleke, si lri kidredrepetelringa numi, kitusinalreme.

Tapelane Drekase 28:43

“Kudra yakaikai numiane ku maelane ka badha lri aru tapangale si lribate numiane; lalri aru turamuru numi.

Tamagarange 18:10

Lu mwanga numi kikavai lri drele numi kwini ki laumawmase kadrwa ku takirimwane ngipapalakebe; kikavai swadradradrau ka kadaengane, twataleke turamuru, yakai sanaka manemanenga. Ku Twaumase wamalranga si baai mitane.”