Wabulru 4:1 - Ngudradreadrekadhane Ka Sisiu 魯凱語聖經

¹ La pelangaku dredrele kai kawmasane patuelre ku kaika niaparamaramavane. Ku kiatusinalremelreme kidredredrepete ku umawmase alralreselrese tubitubi, kadrwa ku umawmase ku paralubu liniane. Kwi lalasu kai maka kiaparalubu, asi lwiyane ku twasinalremelreme dredrepete liniane sapukwane si sanaganane turamuru.

Wabulru 4:1 Iomraidhean Croise

Yubu 16:4

Alaiyasi mababalrithita kai takipadradresenganeli, nai mialriaku iya kwi taiyane numi kawriva. La papia numiane vetevete ku awlru, si daedarepe ku vaga la kaelaela numiane.

Yubu 35:9

Kai umawmase lu kidredrepete watubi; kwi lalasu lu kitusinalrelreme wamwa kidruanga kitubi ku akiparalubane.

Yubu 6:29

Kunumi ala pudriadringadha kidremedreme, madha piapia kikai kai aparamaramau; pelaana kidremedreme, asi lwiyane mapapedrengaku kadringelrese kadrwa ku tavuvulrucane.

Yubu 9:24

Ku Twaumase wabaai ki ngialisiane ka umawmase kai kawmasane; pakamukici ki tarasaibaibange makanaelre. Kikai lu kai ka Twaumase ka paiya, laka aneane midra?

Lasenai 12:5

Ai, ku Tamatama amia kai: Lri kelangaku, asi lwiyane ku matiakukuru ka umawmase kiadredredrepete, ku kiatulisi ku umawmase kwalrialri dadange; ku murikaikai lini lri patarumaraku baai liniane!

Lasenai 142:4

Lu papiaku vanale si viri masiasirare, kainaku maka kiadringai ku talragi kulri kela palribulu; la kainaku maka kidringai ku amuberane ku kadalranane; kadrwa ku umawmase ku makalithi nakwane.

Lasenai 142:5

Tamatama, papiaku muswane kitubi ku akiparalubane. Tamatama, amanisu ku takilakebaneli; amanisu ku murikaikaili patueelre ku tapanianianiakaneli.

Lasenai 42:3

Lukavaiane lukamaungu watubitubiaku, atalekengali kai lrese; kai watelrai kivaga nakwane ku labadha: Ku Twaumasesu yakainu?

Lasenai 42:9

Amiaku kai ki palakebe nakwane ka Twaumase: Asu karimurunga nakwane? Anau ngithanga kitulilisi ki badha? Ani kai ateateke ku akwalriane?

Lasenai 69:20

Ku tusinalremeane pakaburau ki kidremedremeli, la kasulriaku. Mwarikaiyaku ku akikakalithane, ai kadrwa; siadramaku ku sasasane, mialri ka kadrwa.

Lasenai 69:21

Lu kasilrawnga naku, kwi lalasu wabaai nakwane ku duku ka sasulravane; lu kakadhamenga naku, kwi lalasu wabaai nakwane ku malriu kapalili ka acilai.

Lasenai 80:5

Pamalrasu naiane ku lrese tuaga si pakane naiane, la pawngulusu naiane ku yakai ki madradrau ka kupu ku lrese.

Takatwasane Izipiti 1:16

“Lu patulalake numi ki labaibai ki swa Hiburu, lwiyasi tulalake ku sawvalai, papacadha, luka ababai, la papanianiaka.”

Takatwasane Izipiti 1:22

Sakabilrilinga, ku talialalai ki swa Izipiti la pakatwase ku drekaseini pelaela ki kuni palraelre ki mapapangale, “Kwini tawkitulalake kwini lasawvalai ka daini ki swa Hiburu tara cilria pwa kadravane Nile, kathane ku ababai ka daini ku apaudripane.”

Kavagavagane 19:7

Ku matiakukuru ka umawmase adravane ka retesane kiakalrase si kicilri, ku talragilragi la aru kidaili; kwi lasu lu silape ki talragilragi, kadrwa ku amwane silape.

Kavagavagane 28:3

Ku malilisi ka talialalai twasinalreme dredrepete ki matiakukuru ka umawmase, mia ki umuku ka mabebetethe ki taleke.

Kavagavagane 29:2

Lu arutakalra ku madringelrese ka umawmase, ku mapapangale kiararagai; ku manganga ka umawmase lu rathudu, lri daange ku mapapangale.

Wabulru 3:16

La ikaaiyana, lu drelaku kikai kawmasane, kudra naika taikaiyane ku aparamaramavane si dringelresane, yakaailringa kamani ku ngialisiane.

Wabulru 5:8

Lu drelesu ki sihu lu tusinalreme dredrepete ki lamatiakukuru ka umawmase, kai arakai ku aparamaramavane marasikai liniane, kai tukucingalre ku kindri lini, madha kasamalimali. Sanaka yakunkunkwane ka kumuingi yakaai ku abebelenge iniane ku palribulu iniane, kwini lalasu la kipalribulu ki abeebelenge ka kumuingi.

Wabulru 7:7

Kai ngiathingale ka umawmase lu tavuvulrucu ki palrapalra, ku kakwakudhaneini mia ki makulrungu ka umawmase. Ku tarwamara ku pavangalre mabebetethe ki takaumawmasaneini.

Wabulru 8:9

Kiararaaketaku dredredrele ku tangimiane kai kawmasane yai, wadrelenga naku patuelre: Yakai ku laumawmase ku yakai ku puku, ku ladrumane ku umawmase la ikai tailebe liniane kwalrialrialri.

Isaiya 5:7

Kai swa Iseraylri amani ku babududu ki Tamatama ka abebeelengenga ki sanaka kwapingi; kai laumawmase ki swa Yuda amani ku lredrekeini si marasikaikai ka babududu. Kwi lasu siadrama ku apangimiane lini ku madringelrese, ai nipatakamacamacane drele ku papacai si patueraerai ki umawmase! Kai lasu siadrama liniane ku akapapedrengane ku tangivelevelane, ai ku lingau ki nisidrurudrurwane kialalra madu ikai ki druanga!

Isaiya 51:23

Kikai kupu lri baadhaku ki wadredredrepete numiane ka laumawmase, lri baadhaku kudra ki patwabakebake numiane ikai ki kadalranane ki cekele, si ngubabelenge ki kinawmasane numi kudra laumawmase.

Isaiya 59:7

Takikaikaakane numi ku ngialisiane, la karacange numi ku apiane. Wavutha numi papacai ki kadrwa ku pasalrivane, ka kadrwa ku taapapiyaiyane numi. Sanaka tamwane numi kathane ku akabebetethane si aburukane.

Yerimia 16:7

Kadrwa ku umawmase ku lri ikai ki daane ki matiathalithi si taelre kanekane ungungulu, sasasa ku tamatithalithiane lini, adravane ka wapacai ku tama ku tina, mialri ka kadrwa ku umawmase ku kiasapalra.

Silringau 1:16

Ngwaladhaku kilakikai si tubi, kai maka yadrengere kai lrese. Kadrwa ku umawmase kulri sasa nakwane; kadrwa ku umawmase kulri dulru baai nakwane ku garangane ku kidremedreme. Ku badha akacinga nakwane; kai laumawmaseli kadruanga ku manemane lini.

Silringau 1:17

Watalaku ku alrima ku akiparalubane, ai kadrwa ku umawmase ku mwabangalre paralubu nakwane. Ku Tamatama wadawlu ki badha, la twalai kidruanga kainganai lritungu kikaruburu nakwane; kwi lalasu twakukudrulrane ka lamanemane nakwane.

Silringau 1:2

Kwi alisu wataleare tubi, lresenga ki lringau. Kunadruma ku lakatalragiane, kikainga kadrwa ku natangeeanga ku wakela sasa iniane. Ku matatutalragini kialangainga iniane, abadhanga iniane makanaelre.

Silringau 1:9

Ku kudrulru ki alisu wasaelanga suete ki laimai si kunu, la kai thengete ku lrika angimianeini. Kai alisu masuburunga patuelre; kadrwa ku umawmase kulri sasa iniane. Sa akaci ku badhaini kai alisu kiatubi ki Tamatama ku akikakurwane.

Amuse 3:10

Ku abebeelengenga ka Tamatama amia kai, “Kwini laumawmase paswaete pikai ki daane lini ka talialalai ku niravasane si nivuthaane malra ku lawbubulu; kwini lalasu kai wathingale aparamaramau malangalangai.

Amuse 3:9

Lu katwasa pelaela kudra ki la yakai ki daane ki talialalai ka swa Izipiti si swa Asedude ka laumawmase iya kai, “Lri irubu numi ikai ki ngiathalringulu Samaria ki lalregelrege, si dredredrele ku lrika angimiane kalrithavulu, madredredrepete ikai adringi ki cekele.”

Malaki 2:13

Kunumi la piana numi ku taingeane: Ku lrese numi walrenepe ki tapatarumaramarane ki Tamatama; adirivane numi, la tubi numi, asi lwiyane ku Tamatama kai tarwamaranga ku la sapatarumarane numi.

Malaki 3:18

Lukamaninga kwidra, ku kawkawluli lri peelana drele ku la takipadradresengane ki madringelrese ka umawmase si manganga ka umawmase luka manemane ku tamakakaelane, si luka manemane ku tamakakaelane ki la pasiakaikai nakwane kaungu si kai pasiakaikai nakwane kaungu ku umawmase.”

Malaki 3:5

Amia kai ku Tamatama ka abebeelengenga ki sanaka kwapingi, “Lri ikaiyaku numiane utaluvaivai, si saibange. Lri makakaaiyaku siwmi kukusu kudra ki la twalrisilrisi, manganganga ki sawvalai si ababai, ku kawarivariva ku kaika patengane, ku kiavala ku nikaungane ku lapaisu, ku pangwa drepete malra ku lawbubulu ki lawalibakane si lapakulrulrulu, si twasinalreme ki la wakela iziu ka umawmase. Lri hukukaku sanaka kai mwasakene nakwane ka umawmase.”

Matai 26:56

Ai, kikai lrika angimiane kai patuelre lri tara ngimia ku taiyane ki yuginsia ikai ki Sisiu.” Sakamani kwidra, ku lasitu lamakitu cilri iniane, si mawbebere.

Tapelane Drekase 28:33

Kudra kaika mathingathingale numi ka minzuku lri ribici kwini kwalri numi pawtaleke; kai numi lri maka kitaleke, si lri kidredrepetelringa numi, kitusinalreme.

Tapelane Drekase 28:48

Lakamani, lri kisikawlu numi kwini lri kela kikaruburu numiane ka sikawlu ki Tamatama ka badha numi. Lri kasilrau numi, kakadhame, vilralrakane, kadrwa kanamanemanenga. Ku badha lri arakai ku pakilrialringau ku tapangimiane drepete numiane, pakela ku takamudane numi.

Yakubu 5:4

Ngwaelre numi lrilrigili malra kwini ki yakai ki umawma kawaungu pasikai numiane, la kivala numi ku takaungane lini ku paisu, kwini lalasu wakukusu numiane! Ku takaralealane ki la kiataletaleke wadarurunga ki calringa ki Tamatama ka abebeelengenga ki sanaka kwapingi.

Tamagarange 4:3

Ku Yabingi piakai ku bangate ka idai ku sakikaruburuburane ku palridingi; kwini lasu matiangeange ka malilisi turamuru, wadredrepete ki swa Iseraylri taramapusale ka caili. Sakabilrilanenga ku swa Iseraylri la kitubi ki Tamatama ku akiparalubane.