Wabulru 3:4 - Ngudradreadrekadhane Ka Sisiu 魯凱語聖經

⁴ yakai ku atubitubiane, la ikai ku akirararagadhane; yakai ku adiridririvane, la ikai ku adralradralradhane;

Wabulru 3:4 Iomraidhean Croise

Tabekacane 21:6

Ku Sara amia kai, “Ku Twaumase pakiaragai paulrakai nakwane; kudra kialalra kikai tangimiane ku umawmase la mialri tupapalra nakwane makitu kiragai si mulrakai.”

2 Samuile 6:16

Ku Langiane ki Tamatama sa mudadaane ki cekele ki Davidi, ku ababai ka lalake ki Saule ka Mikale la pangu lribange drele, la drele ki talialalai ka Davidi ku wadralradralai, la sidreekase iniane.

Lasenai 30:11

Ku tubili pakabalrithisu paakiragadhane; ngwalrasu ku atubianeli, si pasilaimai nakwane ku sakiaragai.

Lasenai 30:5

Ku lisianeini yasasane si kawlrau; ai ku migemini kai lri isadranga ikai ki tapanianianiakane. Lukamaungu ku lrese mwalwaludru, ai, lukamialrealre la kirararagai.

Takatwasane Izipiti 15:20

Ku taka ki Arungu ka Miriame la malra ku kalringikingi si bangebange, takalra ku labaibai ku twapapalra iniane, takubangebangebange, si dradradralrai,

Wabulru 3:5

yakai lu atadrusane apece, la ikai lu amauvagadhane apece; yakai lu amakakadadadalamane, la ikai lu akangangengerecane;

Wabulru 7:14

Lu kasulivalivate ku awngane, kiraragadha; lu kwalrialri, madha karimurimuru ku akiragadhane si akwalriane twalai ki Twaumase patuelre; ku lrika angimiane lukabibilrili aneane kulri dulru paswala thingale?

Isaiya 40:1

Ku Twaumase numi amia kai, “Kunumi sasa ki kawkawluli, sasa liniane.

Isaiya 40:2

Pasapukwana ki laumawmase ki swa Yerusalrime, pelaela liniane: Ku sakwalrialri lini makakelretenga; ku pasalrivane lini kiapacepenga. Kunaku ka Tamatama pakiatulrepengenga naku pathavungu ku pasalrivane lini.”

Matai 11:17

‘Lu pasikai nai numiane kulralru ku sakarudrarudrangane ku senai, kai numi wadralrai! Lu senai nai ku sasilringavane ki matiathalithi, la kai numi tubi!’

Matai 9:15

Ku Yesu la tubalre, “Kudra marudrarudrange ku sawvalai lu ikaiyana ki ngiakanekaneane, kwidra badhabadha lri tubi? Kai watubitubi. Ai lri kela kwini vai, kwini marudrarudrange ka sawvalai lri kiiluku, lu kamaninga kwini kwi lalasu ala lri makitu laisinga.

Luka 1:58

Ku pasiagiagisi si retesaneini sa kilalranga ku baai ki Tamatama iniane ku maadrau ka takikakurwane, twapapalra iniane kiraragai makanaelre.

Ruma 12:15

Twapapalra madu kiraragai ku kiaragaragai ku umawmase, la tupapalra madu tubi ku watubitubi ku umawmase.

2 Kurintu 7:10

Ku tuthariri arakai ki Twaumase ku telregane ki kidremedreme si pakabalrithi ki kidremedreme ki umawmase, maka kiapalribulu ku umawmase; kikai kaika angitatasiwlriwlriane! Ai ku ngwakai kawmasane ku telregane ki kidremedreme papacai ki umawmase.

Yakubu 4:9

Kunumi adirivana, kiangeange, tubia; malra kwini awlrakadhane pakabalrithi tu atubitubiane, malra kwini akiragadhane paakabalrithi tu adirivanane.